ཕྱི་ལོ་ ༢༠༡༨ ཟླ་ ༡ ནང་ཉིན་གསུམ་གྱི་རིང་འཛམ་གླིང་རྒྱལ་ཁབ་ཁག་ ༢༠ ནས་རྡོ་རྗེ་ཤུགས་ལྡན་བསྟེན་གསོལ་གནང་མཁན་དང་སྐུ་ཚབ་རྣམས་བལ་ཡུལ་རྒྱལ་ས་ཀཊ་མན་ཌུ་ནང་འཛོམས་ཏེ་ང་ཚོའི་ཆོས་ཀྱི་བརྒྱུད་པ་མི་ཉམས་གཅེས་སྲུང་གང་འདྲ་བྱེད་དགོས་སྐོར་གྲོས་བསྡུར་གནང་བ་རེད། བལ་ཡུལ་ས་གནས་ཀྱི་གཡག་དང་ཡེ་ཏི་མགྲོན་ཁང་ནང་ཕྱི་ཟླ་ ༡ ཚེས་ ༤ ཉིན་ཚོགས་འདུའི་མཛད་སྒོ་དང་སྒོ་འབྱེད་དེར་ལས་ཚབ་དང་སྐུ་མགྲོན་གཙོ་བོ་བལ་ཡུལ་གཞུང་གི་བློན་ཆེན་ཟུར་པ་དང་། ད་ལྟའི་བལ་ཡུལ་གཞུང་གི་སྲུང་སྐྱོབ་བློན་ཆེན་བཀུར་འོས་བྷིམ་སེན་དས་པར་དྷན་མཆོག་དང་། དཔལ་འབྱོར་བློན་ཆེན་གོང་མ་སྐུ་ངོ་སན་ཀར་པར་སཊ་ཀོའི་ར་ལ་རྣམས་ཕེབས་ཡོད། ཚོགས་འདུའི་ཉིན་ཐ་མ་ཕྱི་ཟླ་ ༡ ཚེས་ ༦ ཉིན་བར་གྲོགས་འདྲིས་རྙིང་པ་དེ་ཉིད་བསྐྱར་གསོ་བྱས་ཐུབ་པ་དང་ཕྱོགས་སྒྲིལ་གསར་པ་འཆར་འགོད་བྱས་ཡོད།

ཆེ་རུ་གཏོང་བར་པར་དུ་གནོན་རོག །

ཚོགས་འདུར་ཕེབས་མཁན་རྣམ་པ་དང་སྐུ་ཚབ་པ་རྣམས་རྒྱ་ནག་དང་། ཨ་རི། ཡུ་རོབ། སོག་ཡུལ། མ་ལེ་ཤི་ཡ། ཁེ་ན་ཌ། རྒྱ་གར་དང་བལ་ཡུལ་བཅས་ནས་འཛོམས་ཡོད་པ་དང་། བསྟེན་གསོལ་དེའི་སྐོར་ཁ་སངས་མཁན་དང་འོད་མདངས་ཅན་གྱི་རང་བཞིན་ཡིན་པའི་སྐུ་མགྲོན་རྣམ་པ་དང་དེང་སང་རྡོ་རྗེ་ཤུགས་ལྡན་བསྟེན་གསོལ་གནང་མཁན་ཆོས་ཚོགས་ཆེན་པོ་དང་དགོན་སྡེ་ཁག་གི་སྐུ་ཚབ་རྣམས་འཛོམས་ཡོད་པ་རེད།

• རྒྱ་གར་ལྷོ་ཕྱོགས་སེར་སྤོམ་ཐོས་བསམ་ནོར་གླིང་གྲྭ་ཚང་།
• རྒྱ་གར་ལྷོ་ཕྱོགས་ཤར་དགའ་ལྡན་རྣམ་པར་རྒྱལ་བའི་གླིང་གྲྭ་ཚང་།
• བལ་ཡུལ་གཉའ་ནང་འཕེལ་རྒྱས་གླིང་དགོན་པ།
• བལ་ཡུལ་སྲད་རྒྱུད་གྲྭ་ཚང་།
• སོག་ཡུལ་ཨ་མར་བ་ཡས་ག་ལནྟ་དགོན་པ།
• རྒྱ་གར་རྡོ་རྗེ་གླིང་དུང་དགོན་བསམ་གཏན་ཆོས་གླིང་།
• རྒྱ་གར་མཁར་ཤངས་བཀྲ་ཤིས་ཆོས་གླིང་།
• རྒྱ་གར་སྒང་ཏོག་ཨིན་ཆེ་ཧའོ་སེ།
• ཨ་རི་ནིའུ་ཡོཀ་གངས་ལྗོངས་རྣམ་རྒྱལ།
• བོད་གྲོ་མོ་ལྗོངས་གྲོ་མོ་དུང་དཀར།
• རྒྱ་གར་ཕན་གདོང་དགའ་ལྡན་ཆོས་གླིང་།
• ཕ་རཱན་སི་དང་ཨི་ཊཱ་ལི་ནས་ཡུ་རོབ་རྡོ་རྗེ་ཤུགས་ལྡན་ཚོགས་པ།
• སྐལ་བཟང་རྨད་འབྱུང་ཕུན་ཚོགས་ཁེ་ན་ཌའི་དགེ་ལུགས་ཚོགས་པ།
• རྒྱ་ནག་བོད་རང་སྐྱོང་ལྗོངས་ཆ་ཕྲེང་རྡོ་རྗེ་ཤུགས་ལྡན་ཚོགས་པ།
• ཨ་རི་ནིའུ་ཡོཀ་བྱང་ཨ་རི་དགེ་ལྡན་སྙན་བརྒྱུད་འཛིན་སྐྱོང་ཚོགས་པ།
• ཨ་རི་མ་ས་ཆུས་སེཊ་འཛམ་གླིང་བོད་རིགས་མཉམ་འབྲེལ་ཤུགས་ལྡན་མཐུན་ཚོགས།
• རྒྱ་ནག་བོད་རང་སྐྱོང་ལྗོངས་ཤོ་སྟ་ལྷོ་གསུམ་རྡོ་རྗེ་ཤུགས་ལྡན་མཐུན་ཚོགས།
• མ་ལེ་ཤི་ཡ་ཀེ་ཆ་ར་ནང་པའི་ཆོས་ཚོགས།

དེ་བཞིན་བླ་མ་སྐྱེས་ཆེན་དམ་པ་བསྟན་པའི་གསལ་བྱེད་དམ་པ་མཁས་དབང་དགོན་སར་རིན་པོ་ཆེ་མཆོག་དང་། དཔལ་ལྡན་གྲུབ་དབང་གངས་ཅན་རིན་པོ་ཆེ་མཆོག དེ་བཞིན་སྨྲ་བའི་དབང་ཕྱུག་མཚུངས་མེད་མཁས་དབང་ཚེམས་རིན་པོ་ཆེ་མཆོག་རྣམས་ཀྱི་སྐུ་ཚབ་རྣམས་ཀྱང་འདུ་འཛོམས་གནང་ཡོད།

ཆེ་རུ་གཏོང་བར་པར་དུ་གནོན་རོག །

ཆེ་རུ་གཏོང་བར་པར་དུ་གནོན་རོག །

ཆེ་རུ་གཏོང་བར་པར་དུ་གནོན་རོག །

འཛམ་གླིང་གང་སར་ད་ལྟ་བྱ་བ་གང་འབྱུང་བཞིན་ཡོད་པའི་སྐོར་ཚོགས་མི་ཡོངས་ལ་བརྡ་ལེན་འབྱོར་བ་དང་། ང་ཚོའི་ཆོས་བརྒྱུད་ཁྱབ་གདལ་བྱེད་པར་གང་བྱེད་དགོས་པའི་སྐོར་ཚང་མས་སོ་སོའི་བསམ་འཆར་ཞུས་པའི་གོ་སྐབས་ཡང་ཐོབ། འཐུས་མི་ཡོངས་ནས་སེམས་ཚོར་ཆེན་པོའི་ངམ་ནས་བགྲོས་བསྡུར་གནང་པ་དང་དཔལ་ལྡན་བླ་མ་ཐུབ་བསྟན་ཕུར་བུ་མཆོག་དང་། དགེ་བཤེས་བསྟན་འཛིན་དཔལ་འབྱོར་ལགས་གཉིས་ཀྱིས་མཐུན་རྐྱེན་སྦྱོར་བ་དང་ཁོང་རྣམ་གཉིས་ཀྱིས་སྤྱི་ཚོགས་ནང་མཐུན་སྒྲིལ་དང་ཞི་འཇམ་གང་འདྲ་འཁྱེར་དགོས་སྐོར་བཀའ་མོལ་ཧ་ཅང་ཡག་པོ་གནང་། ཡོན་ཏན་བླ་ན་མེད་པ་དང་ལྡན་པའི་མཁས་དབང་རྣམ་གཉིས་ཀྱི་འགན་ཁུར་གྱི་ཐོག་ནས་ཚོགས་འདུ་འདི་ཚོགས་ཐུབ་པ་ཁོང་གཉིས་ཀྱི་བཀའ་དྲིན་དང་། དེ་བཞིན་ཚོགས་འདུའི་གོ་སྒྲིག་པ་བལ་ཡུལ་ཤུགས་ལྡན་ཚོགས་པ་དང་། འཛིན་སྐྱོང་བ་གཉའ་ནང་འཕེལ་རྒྱས་གླིང་དགོན་པ་པ་རི་བྷར་བལ་ཡུལ། བལ་ཡུལ་གྲྭ་སྒོམ་བླ་བྲང་། སྲད་རྒྱུད་གྲྭ་ཚང་། འཇམ་དབྱངས་ནང་པའི་ཆོས་ཚོགས། གྲྭ་སྒོམ་སྒྲིག་འཛུགས་དང་གངས་ཅན་བླ་བྲང་སོགས་ཀྱི་བཀའ་དྲིན་ནས་བྱུང་།

༄༅། །འཛམ་གླིང་རྒྱལ་ཡོངས་ཤུགས་ལྡན་ཆོས་ཚོགས་ཀྱི་འཐུས་མི་རྒྱས་འཛོམས་འཚོགས་སྐབས་ཀྱི་གྲོས་ཆོད་གསལ་བསྒྲགས།

རྒྱས་འཛོམ་ཚོགས་འདུའི་འགན་འཛིན་ལྷན་ཚོགས་ནས།

༄༅། །དཔག་ཡས་བསྐལ་སྔོན་སྐུ་བཞི་མངོན་གྱུར་རྒྱལ་ཀུན་ཡབ་གཅིག་འཇམ་དཔལ་དབྱངས། །
བགྲང་ཡས་འགྲོ་བའི་ཕན་བདེ་འབྱུང་གནས་རྒྱལ་བསྟན་ཡང་སྙིང་སྲུང་མཛད་ཕྱིར། །
མཐའ་ཡས་སྤྲུལ་པའི་གར་གྱི་རྣམ་རོལ་བསྟན་སྲུང་དབང་པོ་ཤུགས་ལྡན་རྩལ། །
བསམ་ཡས་འཕྲིན་ལས་རྣམ་བཞི་ལས་ཀྱིས་གང་བསམ་དོན་རྣམས་ལྷུན་འགྲུབ་མཛོད། །

དེ་ཡང་འཛམ་གླིང་རྒྱལ་ཡོངས་ཤུགས་ལྡན་ཆོས་ཚོགས་ཀྱི་འཐུས་མའི་རྒྱས་འཛོམས་ཀྱི་གྲོས་ཆོད་དོན་ཚན་དང་པོ།

ཏཱ་ལའི་སྐུ་ཕྲེང་བཅུ་བཞི་པས་ང་ཚོའི་བླ་མ་ལྷ་སྲུང་དང་བཅས་པ་ལ་སྒྲོ་སྐུར་ཚད་མེད་ཞུས་ནས། ཕ་བླ་མ་བདེ་ཆེན་སྙིང་པོ་ཡབ་སྲས་ཀྱི་ཆོས་རྒྱུན་བརྒྱུད་པ་དང་བཅས་པ་ནང་པ་སངས་རྒྱས་པའི་གྲལ་ནས་ཕྱིར་ཕུད་གཏོང་གི་ཡིན་ཟེར་ནས་ཁྱབ་བསྒྲགས་བྱས་པ་མ་ཚད། ཡང་ན་བླ་མ་ལྷ་སྲུང་དང་བཅས་པ་བློས་གཏོང་ནས་དགེ་རྩ་ཆད་པའི་དམ་ཉམས་ཀྱི་གྲལ་དུ་ཞུགས་ནས་ཁོ་གདམས་དགོས། གལ་སྲིད་ཁོ་མ་གདམས་ནས་སྔོན་རབས་བླ་མ་ཡབ་སྲས་བརྒྱུད་པ་དང་བཅས་པའི་ཆོས་རྒྱུན་ཉམས་སུ་ལེན་པ་དང་ཆོས་སྐྱོང་བསྟེན་པ་སོགས་བྱས་ན། ཁྱོད་ཚོ་དང་ཆོས་དང་ཟང་ཟིང་གི་འབྲེལ་བ་ནམ་ཡང་མི་བྱེད་མ་ཟད། དཀའ་ངལ་དང་སྡུག་བསྔལ་ག་ཚད་བྱུང་ཡང་རོགས་རམ་བྱེད་པ་ལྟ་ཞོག ཤི་ནས་ངན་སོང་དུ་སྐྱེས་ཀྱང་ང་ལ་སྐྱབས་མ་འཚོལ་རོགས་ཞེས་དང་། མ་ཚད་ཁོ་ལ་དད་པ་ཡིད་ཆེས་ཡོད་མཁན་སུ་འདྲ་ཞིག་ཡིན་ཡང་དོ་རྒྱལ་བསྟེན་པའི་བླ་སློབ་དང་ཆོས་དང་ཟང་ཟིང་གཉིས་ཀྱི་འབྲེལ་བ་ནམ་ཡང་བྱེད་མི་ཆོག་པའི་བཙན་བཀའ་འབངས་ལ་བསྒྲགས་ནས། ཆོས་རྒྱུན་འདི་ཡི་རྗེས་འཇུག་བོད་ཕྱི་ནང་གཉིས་ལ་ཡོད་པའི་མི་མང་འབུམ་ཕྲག་མང་པོ། བླ་མ་དང་སློབ་མ། ཕ་མ་དང་བུ་ཕྲུག ཁྱིམ་བཟའ་ཚང་། སྤུན་མིང་སྲིང་ཚུན་ཆད་མི་འདོད་བཞིན་དུ་མཐུན་སྒྲིལ་གྱི་འབྲེལ་ལམ་བཙན་གྱིས་བཅད་ནས། ཁ་བ་གངས་རིའི་ལྗོངས་ཀྱི་མཐུན་སྒྲིལ་འོ་མའི་རྒྱ་མཚོ་ནང་དམེ་ནང་འཁྲུག་གིས་དམར་ནག་ཁྲག་གི་རྒྱ་མཚོར་བསྒྱུར་ནས་ཚད་ལས་བརྒལ་བའི་བཟོད་མེད་ཀྱི་དཀའ་སྡུག་གྲངས་མེད་ཞིག་ང་ཚོ་ལ་བཏང་ཡང་། ང་ཚོས་ལོ་ངོ་བཞི་བཅུ་ཡི་རིང་ལ་དངོས་ཤུགས་གཉིས་ཀྱི་སྒོ་ནས། ང་ཚོ་ནི་བཀྲུས་ནས་མ་དག་པའི་ཤ་ཁྲག་རུས་གསུམ་གཅིག་པའི་བོད་རིགས་ཀྱི་སྤུན་ཟླ་ཡིན་པས་དེ་འདྲ་མ་གནང་རོགས་ཞེས་ཡར་ཞུ་གྲངས་མེད་བྱས་ཀྱང་། ཉན་འཇོག་གཏན་ནས་མི་མཛད་པ་མ་ཟད་ཁྱབ་སྲིད་ཀྱི་ལས་དཀའ་རེད་སོགས། འོས་མེད་སྙོན་འཛུགས་ཀྱི་ཞྭ་མོ་ནག་པོ་བཀབ་ནས་ང་ཚོའི་མི་དམངས་ཡོངས་རྫོགས་ཀྱི་འགྲོ་བ་མི་ཡི་ཐོབ་ཐང་དང་ཆོས་དད་རང་དབང་བཅས་མེད་པ་བཟོས་སོང་། མ་ཚད་ད་ལོ་བློ་བཟང་སེང་གེ་ནས་ཕྱི་དགྲ་རྒྱ་མི་དང་དོལ་རྒྱལ་རྗེས་འབྲངས་པ་ཞེས་ཤ་ཁྲག་གཅིག་པའི་ནང་ཕུ་ནུ་ཡི་གྲལ་ནས་ཕུད་པ་མ་ཚད། ཕྱི་དགྲ་བོ་དངོས་མར་ངོས་འཛིན་བྱེད་སྐབས་ཏཱ་ལའི་བླ་མས་ཀྱང་མགོ་བོ་གྱེན་དུ་གཡུག་ནས་རྒྱབ་བསྐྱོར་བྱེད་པ་སོགས། ད་ནི་ད་རེས་ནས་བཟུང་ཏེ་ང་ཚོ་ལ་འཇིག་རྟེན་གྱི་དཔེ་ལ། ཕ་མ་མེད་པའི་ཕུགས་ཐག་ཆོད། ཕ་ཡུལ་མེད་པའི་གོ་ཐག་ཆོད་ཅེས་པའི་དཔེ་ལྟར། ང་ཚོའི་ཆོས་རྒྱུན་འདི་ཡི་རྗེས་འཇུག་ཡོངས་རྫོགས་དེས་ཁོ་ཚོ་ལ་རེ་བ་ནམ་ཡང་མི་བྱེད་པ། རང་ལམ་རང་གིས་འཚོལ་ནས་རང་རང་གང་ལ་ཡོད་པའི་རྒྱལ་ཁབ་དེ་ཡི་ཁྲིམས་ལ་བརྩི་སྲུང་དང་། ཕ་མེས་ཡང་མེས་ནས་ལས་ཀྱིས་འབྲེལ་བའི་ཕ་བླ་མ་ཡབ་སྲས་ཀྱི་ཆོས་རྒྱུན་ལྷ་སྲུང་དང་བཅས་པ་ལ་དད་པ་བརྟན་པོའི་ངང་། འཛིན་སྐྱོང་སྤེལ་གསུམ་བྱེད་པ་དང་རང་མི་རིགས་ཀྱི་སྐད་དང་ཡི་གེ་ཡུལ་སྲོལ་གོམས་གཤིས། སྲོལ་རྒྱུན་རིག་གནས་དང་བཅས་པ་ལ་ཞབས་ཞུ་གང་ནུས་སྒྲུབ་པའི་ཐག་གཅོད་བྱས་ཟིན་པ་ཡིན་པས། ང་ཚོའི་ཆོས་དང་འཇིག་རྟེན་གང་གི་དབུ་ཁྲིད་དེ་ཏཱ་ལའི་བླ་མ་ལ་ངོས་ལན་མེད་པས་ད་ནས་བཟུང་སྟེ། ང་ཚོའི་ཆོས་རྒྱུན་འདིའི་བླ་མ་ལྷ་སྲུང་དང་བཅས་ཀྱི་ངོ་བོ་དང་བྱེད་ལས། དམ་སྲི་འདྲེ་དང་འབྱུང་པོ་ཡིན་པས། འབྲེལ་ཚད་ངན་སོང་དུ་སྐྱེ་སྐད་སོགས་རྫུན་དང་གཡོ་རྒྱུ། ཁྱད་གསོད་བརྙས་སྨོད་སོགས་བསམ་ཡོད་མི་ལྟ་ཞོག སེམས་མེད་ས་རྡོ་དང་རི་བྲག་ཡིན་ཡང་བཟོད་ཐབས་མེད་པའི་སྡུག་ལས་ཚད་ལས་བརྒལ་བ་བཏང་ཡང་། ད་དུང་ཁ་ཆེམས་ཕ་ལོའི་སྙིང་གཏམ་ཡིན་རབ་སོགས་ཁ་ཁོག་མི་མཚུངས་པའི་སྐད་ཆ་མཚམས་འཇོག་བྱེད་དགོས་པ་མ་ཚད། ནམ་ཡང་ང་ཚོའི་ཚབ་བྱེད་ནས་སྐད་ཆ་ཚིག་གཅིག་བཤད་པའི་ཐོབ་ཐང་དང་དབང་ཆ་ཁྱེད་ཚོ་ལ་མེད་པ་དེ་ཀུན་གྱིས་མཁྱེན་པར་མཛོད།

གཉིས་པ།

གལ་སྲིད་ང་ཚོའི་རང་ལམ་རང་འཚོལ་དང་རང་བསྟན་རང་སྐྱོང་བྱེད་པ་ལ་བཀག་འགོག་དང་བླ་མ་ལྷ་སྲུང་ཆོས་རྒྱུན་བཅས་ལ་ཁ་གཏང་བ། གཞན་ཡང་ཁ་དམག་འདྲ་མིན་རྒྱག་ནས་ཐུབ་ཚོད་བཏང་བ་སོགས་ཚུལ་མིན་གྱི་རིགས་བྱས་ཡོང་ན་ང་ཚོས་མི་སུ་འདྲ་ཞིག་ཡིན་ཡང་། དེ་ལ་ཆོས་རྒྱུན་འདི་ཡི་རྗེས་འཇུག་མི་རིགས་དང་རྒྱལ་ཁབ་དབྱེ་བ་མེད་པ་སྤུན་གྲོགས་ཡོངས་རྫོགས་རྡོག་རྩ་གཅིག་སྒྲིལ་བྱེད་ནས་མཐའ་གཅིག་ཏུ་ངོ་རྒོལ་དང་། འཛམ་གླིང་གི་གདེང་ཆའི་ཐོག་ནས་བདེན་པ་ར་སྤྲོད་བྱེད་རྒྱུ་ཡིན་པ་མ་ཚད། དེ་ལ་ངོ་དགའ་དང་སྤྲེལ་ལད། ངོ་གཉིས་མ་བྱེད་མཁན་ལ་ཡང་དེ་བཞིན་ཡིན། དེ་ལས་གཞན་པའི་འཛམ་པའི་གླིང་འདིར་ཡོད་པའི་བློ་གཟུ་བོར་གནས་ཤིང་ཆོས་འཇིག་རྟེན་གྱི་མཁྱེན་རྒྱ་ཅན་གྱི་བོད་རིགས་སྤུན་རྣམས་གཙོས་པའི་མི་རིགས་དང་ཆོས་ལུགས་ཕོ་མོ་དང་རྒན་གཞོན་དབྱེ་བ་མེད་པ། ཐམས་ཅད་ལ་ང་ཚོས་མཐུན་སྒྲིལ་དང་རོགས་རམ་བརྩི་བསྐུར་དང་བྱམས་སྐྱོང་བྱེད་པ་ལས། ཕྱོགས་རིས་དབྱེ་འབྱེད། མགོ་སྐོར་དང་བསླུ་ཁྲིད། གནོད་འཚེ་སོགས་སུས་ཀྱང་བྱེད་མི་ཆོག

གསུམ་པ།

འཛམ་གླིང་ནང་ཆོས་ལུགས་གཞན་ལ་ཡོད་པ་ལྟར་རྡོ་རྗེ་ཤུགས་ལྡན་གྱི་དུས་ཆེན་ཞིག་༧འཇམ་མགོན་རྒྱལ་བའི་གདུང་ཚབ་ཁྲི་ཟུར་རྡོ་རྗེ་འཆང་རྗེ་བཙུན་ལུང་རིགས་རྣམ་རྒྱལ་མཆོག་གིས། ལོ་རེའི་སྤྱི་ཟླ་༨པའི་ཚེས་༢༤སྟེ། ཟླ་ཚེས་ཀྱི་གྲངས་སྡོམ་པ་སུམ་བཅུ་རྩ་གཉིས་ཏེ། གསང་བ་འདུས་པའི་རྩ་ལྷ་སུམ་བཅུ་རྩ་གཉིས་དང་། དེ་ཉིད་བསྟན་སྲུང་གི་རྣམ་པ་རོལ་བ་ཆོས་སྐྱོང་ཆེན་པོ་རྡོ་རྗེ་ཤུགས་ལྡན་གཙོ་འཁོར་གྱི་གྲངས་དང་མཉམ་པ་སོགས། དགེ་ཤིང་ཤིས་པའི་དུས་བཟང་ཞིག་གཏན་འབེབས་གནང་ཡོད་པས། འཛམ་གླིང་ཡོངས་ལ་ཡོད་པའི་རྗེ་བདེ་ཆེན་སྙིང་པོ་ཡབ་སྲས་ཀྱི་ཆོས་རྒྱུན་ཉམས་སུ་ལན་མཁན། ཤུགས་ལྡན་པ། མི་རིགས་དང་རྒྱལ་ཁབ་དབྱེ་བ་མེད་པ་ཚང་མས། ཆོས་སྐྱོང་ཆེན་པོ་ལ་ཚོགས་དང་བསང་གསོལ་བཏང་བ། རྩེད་རིགས་གླུ་གར་སོགས་སྤྲོ་སྐྱིད་ཀྱི་ངང་ནས་གླིང་ཀ་ཟབ་རྒྱས་གཏོང་རྒྱུ་ཁ་ན་ཡིན་པས། དེ་ལ་ངེས་པར་དུ་ཚང་མས་གལ་ཆེན་དུ་ངོས་འཛིན་བྱེད་དགོས།

བཞི་པ།

ལོ་གཉིས་རེའི་མཚམས་ནས་འཛམ་གླིང་རྒྱལ་ཡོངས་ཤུགས་ལྡན་ཚོགས་པའི་འཐུས་མི་རྒྱས་འཛོམས་ཀྱི་ཚོགས་ཆེན་རེ་འཚོགས་ཐུབ་པ་བྱེད་ནས་ང་ཚོ་འཛམ་གླིང་རྒྱལ་ཁབ་གང་སར་ཡོད་པའི་ལྟ་བ་དང་དམ་ཚིག་གཅིག་པའི་དམ་གཙང་ཆོས་གྲོགས་ཐམས་ཅད་གཅིག་འགྱུར་དང་མཐུན་ལམ་ལྡོག་རྩ་གཅིག་དུ་སྒྲིལ་གྱི་ལམ་ལ་ཚང་མས་ཤུགས་རྒྱག་ནས་འབད་འབུངས་ལྷོད་མེད་བྱེད་རྒྱུ་བཅས་ཡིན། ད་རེས་ཚོགས་འདུའི་ཐོག་ནས་གཏན་འབེབས་གནང་བའི་དོན་ཆོད་དག་མི་རིགས་དཀར་ནག་དང་སེར་སྐྱ་ཕོ་མོ། རྒན་གཞོན་དབྱེ་བ་མེད་པ་ཚང་མས་ལག་ལེན་གཏར་བ་དང་། གནད་ཡོད་ཀྱི་བླ་སྤྲུལ་དགེ་བཤེས་རྣམས་དང་ཤེས་ཡོན་པ་དང་གཞན་དག་མི་དམངས་དང་བཅས་པ་ཐམས་ཅད་ཀྱིས་རང་ནུས་གང་ཡོད་ཀྱིས་ཚོགས་འདུ་ཡི་དགོངས་དོན་རྣམས་ཁྱབ་བསྒྲགས་བཏང་བ་དང་ལག་ལེན་བྱེད་གང་ཐུབ་བྱེད་དགོས་པའི་སློབ་གསོ་བྱེད་པ་སོགས། མདོར་ན་རྗེ་བླ་མ་ཙོང་ཁ་པ་ཆེན་པོས། བསྟན་པ་རིན་ཆེན་མཆོག་གིས་མ་ཁྱབ་པའམ་། །ཁྱབ་ཀྱང་ཉམས་པ་གྱུར་པའི་ཕྱོགས་དེར་ནི། །སྙིང་རྗེ་ཆེན་པོས་ཡིད་རབ་བསྐྱོད་པ་ཡིས། །ཕན་བདེའི་གཏེར་དེ་གསལ་བར་བྱེད་པར་ཤོག། ཞེས་གསུངས་པའི་དགོང་དོན་ཐུགས་ལ་བཅང་ནས། ང་ཚོའི་བླ་མ་ལྷ་སྲུང་གི་འཕྲིན་ལས་དང་ཆོས་རྒྱུན་རྣམས་མ་ཁྱབ་པ་ཁྱབ་པ། ཉམས་པ་སླར་གསོ། མ་ཉམས་གོང་འཕེལ་སོགས་སྤེལ་གང་ཐུབ་བྱེད་རྒྱུ་ནི། ང་ཚོའི་ཕྲག་ལ་བབས་པའི་འོས་འགན་ཡིན་པས་ཚང་མས་དེ་ལྟར་ཐུགས་ལ་འཇོག་པ་མཁྱེན་མཁྱེན་ཞེས་འཛམ་གླིང་རྒྱལ་ཡོངས་ཤུགས་ལྡན་ཆོས་ཚོགས་ཀྱི་འཐུས་མི་རྒྱས་འཛོམས་ལྷན་ཚོགས་ནས་བསྒྲགས་པ་དགེའོ། །

ཕབ་ལེན་དུ་འདིར་ནོན་ཞིག །འཛམ་གླིང་རྒྱལ་ཡོངས་ཤུགས་ལྡན་ཆོས་ཚོགས་ཀྱི་འཐུས་མི་རྒྱས་འཛོམས་འཚོགས་སྐབས་ཀྱི་གྲོས་ཆོད་གསལ་བསྒྲགས།

སྐུ་ཚབ་ཡོངས་ལ་ཚོགས་འདུར་མཉམ་ཞུགས་གནང་བས་ཐུགས་རྗེ་ལེགས་འབུལ་དུ་ལག་རྟགས་འབུལ་བ་དང་། མ་འོངས་པ་ནའང་རོགས་རམ་གནང་བར་༧སྐྱབས་རྗེ་གྲྭ་སྒོམ་རིན་པོ་ཆེས་མཛད་པའི་ཕ་ལམ་དཀར་པོའི་དེབ་རེ་དང་། ཡུ་རོབ་ཤུགས་ལྡན་ཚོགས་པ་ནས་དབུས་བོད་མིའི་སྒྲིག་འཛུགས་ཀྱི་ཁ་གཏད་དུ་དཔར་སྐྲུན་བྱས་པའི་དགེ་ལྡན་མིང་གཡར་ལོག་བཤད་པའི་སྨྲ་བ་ངན་པ་ཚར་གཅོད་པར་བྱེད་པའི་བརྒལ་ལན་གནམ་ལྕགས་རྡོ་རྗེའི་མེ་ཆར། ཞེས་པའི་དེབ་དཔར་འགྲེམས་བྱས་པའི་དེབ་དེ་ཡང་འབུལ། དེ་བཞིན་སྐུ་ཚབ་པ་ཡོངས་ལ་རྡོ་རྗེ་ཤུགས་ལྡན་གྱི་སྙན་བརྒྱུད་དེབ་དང་སྐུ་པར་སོགས་ཨིན་སྐད་དང་རྒྱ་སྐད། བོད་སྐད། དེ་བཞིན་བལ་སྐད་ནང་ཡོད་པ་དེ་ཡང་འབུལ།

སྔ་མ་ལོ་ཉི་ཤུ་སྔོན་ལ། ཐོག་མར་བཙན་བྱོལ་བོད་གཞུང་ངམ་དབུས་བོད་མིའི་སྒྲིགས་འཛུགས་ནས་རྡོ་རྗེ་ཤུགས་ལྡན་བསྟེན་གསོལ་བྱེད་མཁན་ཚོ་ལ་མ་ཉེས་ཁ་ཡོག་བྱས་པ་དེས། སྤྱི་ཚོགས་ནང་ཆིག་སྒྲིལ་མེད་པ་བཟོ་ཡོད་པ་ལ་དོགས་པ་གང་ཡང་མེད། དེ་བསྟེན་གསོལ་བྱེད་མཁན་ཚོ་ལ་སྤྱི་ཚོགས་ནང་ནས་བཙན་དབང་གི་ཐོག་ནས་དབྱེ་འབྱེད་བྱས་པ་དང་འཛམ་གླིང་གང་སར་བཀྲམ་ནས་ཚོགས་སྡེ་དེ་ལ་ནུས་མེད་དང་བསྟེན་གསོལ་དོན་མེད་དུ་འགྱུར་པའི་འཇིགས་སྣང་ཞིག་བྱུང་ཡོད།

ཆེ་རུ་གཏོང་བར་པར་དུ་གནོན་རོག །

ཆེ་རུ་གཏོང་བར་པར་དུ་གནོན་རོག །

ད་ལྟ། ལོ་བཅུ་ཕྲག་གཉིས་ཀྱི་རྗེས། མི་མང་ཚང་མའི་དེའི་ཕྱོགས་ལ་བསམ་བློ་བཏོང་སྟངས་དེ་འགྱུར་བ་འགྲོ་བཞིན་ཡོད། གང་ཡིན་ཞེ་ན། སྐབས་སུ་བབས་པའི་གནས་སྟངས་དེར་བོད་པའི་སྤྱི་ཚོགས་ནང་གི་མི་མང་རྒྱ་ཆེ་བས་རང་བཙན་དང་དབུ་མའི་ལམ་གཉིས་ཀྱི་བར། རྩོད་རྙོག་ཇི་ལྟར་བསལ་དགོས་ཚུལ་གྱི་སྐོར་འབད་བརྩོན་བྱེད།  ལོ་ཉི་ཤུ་སྔོན་སྤྱི་ཚོགས་དེ་ནང་འཚུད་པར་དགའ་བསུ་མེད་པའི་རྡོ་རྗེ་ཤུགས་ལྡན་བསྟེན་གསོལ་བྱེད་མཁན་དེ་ཚོ། ད་ལྟ་དངོས་ཡོད་ཆོས་ཀྱི་ཉམས་ལེན་དང་བརྒྱུད་པ་འཛིན་སྐྱོང་སྤེལ་གསུམ་བྱེད་པར་བོད་པའི་ཆབ་སྲིད་ཀྱི་བཅད་མཚམས་ནས་རང་དབང་ཐམས་ཅད་ཐོབ་བོ།།

ཆོས་ལུགས་ཀྱི་རང་དབང་རྩི་མཐོང་ཅན་གྱི་རྒྱལ་ཁབ་བལ་ཡུལ་དུ་ཚོགས་པའི་ཚོགས་ཆེན་ནང་ཚོགས་ཐུབ་པ་ཏག་ཏག་དེ་ཡིན་ལགས། འདི་ཡང་རྒྱལ་ཁབ་དེ་ནང་རྡོ་རྗེ་ཤུགས་ལྡན་བསྟེན་གསོལ་བྱེད་མཁན་ཚོ་ལའང་མི་མང་གཞན་དང་ལྟ་ཚུལ་འདྲ་མཉམ་ཡོད་པ་དང་། དེ་ཚོ་རྡ་ས་སྣེ་ཁྲིད་པའི་བཙན་དབང་འོག་རྩ་ནས་ཡོད་མ་རེད། དེ་ནས་ང་ཚོས་ཚོགས་ཆེན་དེ་ཚོགས་ཐུབ་པ་བྱེད་མཁན་གོ་སྒྲིག་པ་ཚོ་དང་སྦྱིན་བདག་རྣམས་ལ་རྡོ་རྗེ་ཤུགས་ལྡན་བསྟེན་གསོལ་བྱེད་མཁན་ཚང་མའི་ངོས་ནས་ཐུགས་རྗེ་ཆེ་ཞུ་རྒྱུ་ཡིན། ཚོགས་ཆེན་དེས་ཆིག་སྒྲིལ་ཅན་གྱི་མི་མང་སྟོབས་ཆེ་ཞིང་རྒྱ་ཆེར་འགྲོ་ཐུབ་པའི་དགོས་དོན་དང་མཉམ་འབྲེལ་བསྐྱར་གསོ་བྱས། འདི་ལ་བརྟེན་ནས་རྡོ་རྗེ་ཤུགས་ལྡན་བསྟེན་གསོལ་བྱེད་མཁན་རྣམས་མཉམ་དུ་འཛོམས་ནས་དེའི་བསམ་བློ་དངོས་གང་ཡོད་དང་སེམས་ཁྲལ་ཁ་གསང་བྱེད་པའི་གོ་སྐབས་སྤྲད་ཀྱི་ཡོད་འདུག །

ཚོགས་ཆེན་སྐུ་བཅར་བ་ལྷན་རྒྱས་ཆོས་བརྒྱུད་དང་བླ་མའི་མཛད་འཕྲིན་ཇི་ལྟར་སྤེལ་དགོས་ཚུལ་གྱི་སྐོར་ཐུགས་འཁུར་རྒྱ་ཆེན་པོའི་ཐོག་ནས་ཚོགས་བསྐྱོད་གནང་ཡོད་པར་ང་ཚོ་ལ་རེ་བ་ཆེན་པོ་ཡོད། རྡོ་རྗེ་ཤུགས་ལྡན་བསྟེན་གསོལ་བྱེད་མཁན་ནང་རིག་སྟོབས་ཆེ་ཞིང་འཛེམ་ཟོན་མེད་པར་ཤོད་ཐུབ་མཁན། རྡོ་རྗེ་ཤུགས་ལྡན་བཀག་འགོག་བསལ་བའི་ལས་མགུལ་དུ་ཞུགས་ནས་ཞབས་ཞུ་གནང་ཐུབ་པ་དང་བཀག་སྡོམ་དང་འབྲེལ་བའི་མ་རིག་པ་ཐམས་ཅད་མྱུར་དུ་བསལ་བའི་རེ་སྨོན་ཡོད། ཕྱོགས་བཅུ་དུས་གསུམ་ན་གནས་པའི་སེམས་ཅན་གྱི་དོན་ཆེན་གྲུབ་པར་བླ་མ་སྐྱེས་ཆེན་དམ་པ་རྣམས་ཀྱི་སྐུ་ཚེ་ཡུན་རིང་པོ་གནས་ཐུབ་པའི་རེ་སྨོན་ཡོད། བཙན་བྱོལ་སྒྲིགས་འཛུགས་ནས་ང་རང་ཚོའི་བསྟེན་གསོལ་དེ་ལ་ལོ་ཉི་ཤུ་རིང་མ་ཉེས་ཁ་ཡོག་བྱས་ནས་ངོ་ཚ་བཟོ་བར་འབད་རྩོན་བྱས་པའི་ཤུགས་རྐྱེན་གང་ཡང་བྱུང་ཡོད་མ་རེད། བླ་མ་ཐུབ་བསྟན་ཕུར་བུས་གསུངས་པ་ལྟར། ཚོགས་ཆེན་མང་པོ་ནང་ནས་ཚོགས་ཆེན་ཐོག་མ་འདི་ཡིན། མི་མང་ཚོས། དམིགས་བསལ་གྱི་རྡོ་རྗེ་ཤུགས་ལྡན་བསྟེན་གསོལ་བྱེད་མཁན་བོད་མི་ཚོས་བསྟེན་གསོལ་གྱི་སྤོབས་པ་ཤུགས་ཆེར་གཏོང་ཆོག་པའི་དུས་ཚོད་ཁ་ཞེ་གཉིས་མེད་ཀྱི་རྟགས་ཞིག་རེད།

ཨེ་བི་ཕུ།

ཐོག་མར། ངའི་དགེ་བའི་བཤེས་གཉེན་ཆེན་པོ་མཁས་དབང་༧སྐྱབས་རྗེ་ཚེམས་རིན་པོ་ཆེ་སྐུ་ཕྲེང་ཉེར་ལྔ་པ་མཆོག་ལ་ང་ལ་ཚོགས་ཆེན་དེར་བཅར་ཆོག་པའི་གོ་སྐབས་གནང་བར་ཐུགས་རྗེ་ཆེ་ཞུ་རྒྱུ་ཡིན། དེ་ནས་ཆོས་སྐྱོང་རྡོ་རྗེ་ཤུགས་ལྡན་བསྟེན་གསོལ་གནང་མཁན་གལ་འགངས་ཆེ་ཞིང་འཛེམ་ཟོན་མེད་པར་ཤོད་ཐུབ་མཁན་བླ་གྲྭ་སོགས་ནས་སེམས་ངར་ཅན་གྱི་ཉམས་མྱོང་ཞིག་བསྐྱེད་བྱུང་། ཁོང་རྣམ་པའི་གསུང་བཤད་དང་དགོངས་བཞེད་རྣམས་ཞེ་དྲགས་ཀྱི་ངོ་མཚར་ཅན་རེད་འདུག །

ཚང་མས་མཁྱེན་གསལ་ལྟར། ཕྱི་ལོ་༡༩༩༦ ལོར་དབུས་བོད་མི་སྒྲིགས་འཛུགས་སམ་བཙན་བྱོལ་བོད་གཞུང་གི་དྲང་བདེན་མིན་པའི་ཐབས་འཇུས་ཀྱི་རྐྱེན། ཆོས་སྐྱོང་རྡོ་རྗེ་ཤུགས་ལྡན་བསྟེན་གསོལ་བྱེད་མཁན་ཚོར་མ་ཉེས་ཁ་ཡོག་གམ་བཀག་སྡོམ་གོ་བཙུག་ཞིང་། དེ་ནས་བཟུང་བསྟེན་གསོལ་བྱེད་པ་དེ་རྣམ་རྟོག་བྱེད་ཅིང་ད་དུང་ཁྲིམས་འགལ་ཆགས་བསྡད་ཡོད། དེ་ཙམ་མ་ཟད། དམིགས་བསལ་གྱི་རྒྱ་གར་བོད་པའི་སྤྱི་ཚོགས་ནང་ཆོས་སྐྱོང་རྡོ་རྗེ་ཤུགས་ལྡན་གྱི་མཚན་སྟོན་པ་ཙམ་གྱི་རྙོག་གྲ་ཆེན་པོ་ཡོད་ཅིང་། བཀག་སྡོམ་དེས་བོད་མི་བར་དབྱེ་འབྱེད་ཁ་འབྲལ་དང་མི་མཐུན་པ་བཟོ་ཡོད་རེད། སུ་ཞིག་གིས་རྡོ་རྗེ་ཤུགས་ལྡན་བསྟེན་གསོལ་བྱེད་པའི་བློ་ཐག་གཅོད་ན་མི་དེ་ལ་ཉེས་ཆད་བཏོང་ཞིང་། དེ་ཚོའི་དགོན་པ་དང་སྤྱི་ཚོགས་སམ་ལུང་པ་ནས་བཙན་འབུད་བཏོང་། ཁོ་ཚོ་ལ་ “རྒྱ་མིའི་རྒྱུག་ཁྱི་རེད་ཅེས” མིང་འདོགས་བཏགས་ཤིང་། གཞུང་འབྲེལ་ལས་ཁུངས་ཀྱི་གོ་གནས་དང་། དེ་བཞིན་སྒེར་སྐྱོང་སློབ་གྲྭ་དང་སྤྱི་དམངས་དོན་རྐྱེན་དུ་ངོས་ལེན་མ་བྱས་པ་ལྟ་བུ་གནས་ཚུལ་མང་པོ་བྱུང་ཡོད་དོ།

དེར་རྟེན། བོད་པའི་སྤྱི་ཚོགས་ནང་ཆོས་སྐྱོང་རྡོ་རྗེ་ཤུགས་ལྡན་བསྟེན་གསོལ་བྱེད་ནས་བསྡད་ཁག་པོ་ཞེ་དྲགས་ཡོད་ཅིང་། རང་གི་རྡོ་རྗེ་ཤུགས་ལྡན་བསྟེན་གསོལ་བྱེད་ནས་བསྡད་ཐུབ་པ་ལ་དཀའ་ལས་ཁག་པོ་ནང་ནས་དཀའ་ལས་ཁག་ཤོས་ཆགས་བསྡད་ཡོད། དེ་བསྟེན་གསོལ་བྱེད་ནས་བསྡད་ཐུབ་པ་དང་། དེ་དངོས་སུ་བསྟེན་གསོལ་བྱེད་ཅིང་། དྲང་བདེན་མིན་པའི་བཀག་སྡོམ་དེའི་ཁ་གཏད་དུ་བཤད་ཐུབ་པ་ནི་ཕལ་ཆེར་མི་སྲིད། འདིའི་ནང་བཀོད་བཞག་ཡོད། དཀའ་རྙོག་དེ་བསལ་ཐབས་སུ་འབད་བརྩོན་གནང་མཁན་སྙིང་སྟོབས་ཅན་གྱི་བླ་མ་དེ་ཚོ་ཚོགས་ཆེན་ནང་མང་པོ་ཞེ་དྲགས་ཕེབས་མེད་ཀྱང་ངས་ཚོགས་ཆེན་ནང་མཇལ་ཡོད་པ་དེ། དཔེར་ན་རྡོ་རྗེ་ཤུགས་ལྡན་གྱི་དགོན་སྡེ་སྣ་ཚོགས་ནས་ཕེབས་མཁན་དང་། བླ་མ་ཐུབ་བསྟན་ཕུར་བུ་མཆོག །དགེ་བཤེས་བསྟན་འཛིན་དཔལ་འབྱོར་མཆོག །དགེ་བཤེས་དཀོན་མཆོག་རྒྱལ་མཚན་མཆོག །དགེ་བཤེས་བྱང་ཆུབ་རྒྱལ་མཚན་མཆོག་ལ་སོགས་པ་དེ་ཚོ་ཙམ་རེད།

འཐུས་མི་ལྷན་རྒྱས་ཚོའི་གསུང་བཤད་ཉན་དུས་ཞེ་དྲགས་ཀྱི་བློ་མུན་བསལ་བྱུང་། གང་ཡིན་ཞེ་ན། ང་ཚོ་འཛམ་གླིང་ས་ཕྱོགས་གཞན་དང་རིགས་གཞུང་གཞན་ནས་ཡིན་ཞིང་། ད་དུང་སྐད་རིགས་གཞན་སྨྲ་མཁན་ཡིན་ཀྱང་དྲང་བདེན་མིན་པའི་མ་ཉེས་ཁ་ཡོག་ནས་ཕྲད་པའི་དཀའ་རྙོག་དེ་བསལ་ནས་ང་ཚོའི་བསྟེན་གསོལ་དེ་དག་འཛིན་སྐྱོང་སྤེལ་གསུམ་བྱེད་དགོས་པ་དེ་བདག་ཅག་རྣམས་ཀྱི་བསྒྲུབ་བྱ་དེ་གཅིག་པ་ཡིན་ལགས། དཀའ་ལས་ཁག་ཤོས་ཀྱི་དུས་ཚོད་འདིར། ཚོགས་ཆེན་ནང་ང་ཚོས་གཞན་གཅིག་གི་དཀའ་ངལ་ཤེས་ཐུབ་ཅིང་། བསམ་འཆར་དང་ཐབས་ཤེས་བཞག །དེ་ནས་དེའི་ནང་བཤད་པའི་ལོ་རྒྱུས་ཤེས་པ་ནི་རྡོ་རྗེ་ཤུགས་ལྡན་བསྟེན་མཁན་ཚོ་ལ་དགོས་ངེས་དེ་ག་རང་ཡིན།

རྡོ་རྗེ་ཤུགས་ལྡན་བསྟེན་མཁན་ཚོའི་དོན་དུ་དྲང་བདེན་མིན་པའི་བཀག་སྡོམ་ཁ་གཏད་དུ་ཕྱག་ལས་གནང་མཁན། སྙིང་སྟོབས་ཅན་གྱི་དཔའ་བོ་ལྡི་ལི་ལྷ་མི་སྲུང་སྐྱོབ་ཚོགས་པའི་ཚོགས་གཙོ་ཐོག་མ། ཆ་ཕྲེང་རྒན་ཡེ་ཤེས་ལགས་དང་། དགེ་བཤེས་དཀོན་མཆོག་རྒྱལ་མཚན། དགེ་བཤེས་བྱང་ཆུབ་རྒྱལ་མཚན་མཆོག་དང་། དེ་བཞིན་རྒྱ་ནག་ནང་འཇིགས་སྣང་མེད་པར་རྡོ་རྗེ་ཤུགས་ལྡན་བསྟེན་གསོལ་གནང་ཞིང་ཁྱབ་སྤེལ་གནང་མཁན་བླ་མ་ཐུབ་བསྟན་ཕུར་བུ་རིན་པོ་ཆེ་མཆོག་དང་དགེ་བཤེས་བསྟན་འཛིན་དཔལ་འབྱོར་མཆོག །སྙན་གྲགས་ཅན་གྱི་རྡོ་རྗེ་ཤུགས་ལྡན་གྱི་སྐུ་རྟེན་སྙན་བརྒྱུད་བསྟན་པའི་དོན་དུ་འཇིགས་སྣང་མེད་པར་ཕྱག་ལས་གནང་མཁན་དགེ་མིང་སྐུ་རྟེན་ལགས། བལ་ཡུལ་ནང་རྡོ་རྗེ་ཤུགས་ལྡན་བསྟེན་གསོལ་དེ་འཇིགས་སྣང་མེད་ཅིང་མི་ཉམས་པར་འཛིན་སྐྱོང་གནང་མཁན་ཨ་ཅག་ལྷག་པ་ལགས་སོགས་པ་མཇལ་ནས་ངོ་མཚར་ཅན་གྱི་མཉམ་མྱོང་མང་པོ་བསྐྱེད་བྱུང་།

ཚོགས་ཆེན་ནང་དཔའ་བོ་སྙིང་སྟོབས་ཅན་མང་པོ་ཚོགས་བསྐྱོད་གནང་བ་ངས་ཤེས་རྟོགས་བྱུང་། དེ་ལ་སྐུ་བཅར་བ་ཚོའི་ལྷན་དུ་སྐད་ཆ་བཤད་དུས། བསྟེན་གསོལ་དེ་འཛིན་སྐྱོང་སྤེལ་གསུམ་གནང་མཁན་ཚོགས་ཆེན་དེར་ཚོགས་བསྐྱོད་མ་གནང་ནའང་ད་དུང་ཕྱག་ལས་མྱུར་ཞིང་འཇིགས་སྣང་མེད་པར་ལྷག་བསམ་རྣམ་དག་གི་ཐོག་བསྟེན་གསོལ་གནང་མཁན་ཡོད་ཅིང་། དེ་ཚོའི་སྐོར་ཤེས་པར་བཅར་ཡོད་པ་ཤེས་བྱུང་། དེར་རྟེན་གནས་ཚུལ་དེ་ཚོ་ཤེས་ཡོང་དུས་ཆོས་སྐྱོང་རྡོ་རྗེ་ཤུགས་ལྡན་བསྟེན་གསོལ་བྱེད་མཁན་ནང་ནས་ང་དང་ང་འདྲ་བའི་ཀེ་ཆ་ར་ཆོས་ཚོགས་ཀྱི་མི་མང་ཁོ་ན་མ་ཡིན་པར་ད་དུང་འཛམ་གླིང་གང་སར་ང་ཚོའི་རྡོ་རྗེ་སྤུན་གྲོགས་མང་པོ་ཡོད་པ་ཤེས་བྱུང་།

ཚོགས་ཆེན་དེར་མཉམ་བཞུགས་བྱས་ནས་ང་ཞེ་དྲགས་དགའ་པོ་བྱུང་། བདག་གི་དགེ་བའི་བཤེས་གཉེན་ཆེན་པོ་མཁས་དབང་ཚེམས་རིན་པོ་ཆེའི་སྐུ་ཚབ་འཐུས་མི་བྱེད་ནས་ཚོགས་ཆེན་དེར་བཅར་ཆོག་པར་མགྲོན་བརྡ་གནང་མཁན་དང་གོ་སྒྲིག་པ་རྣམས་ལ་བཀའ་དྲིན་རྗེས་དྲན་གྱི་ཐུགས་རྗེ་ཆེ་ཞུ། བདག་གི་དགེ་བའི་བཤེས་གཉེན་ཆེན་པོ་མཁས་དབང་ཚེམས་རིན་པོ་ཆེས་ཡང་རྡོ་རྗེ་ཤུགས་ལྡན་དང་བཅས་པ་རྗེ་ཙོང་ཁ་པའི་ཆོས་རྒྱུན་གྱི་དོན་དུ་ཐམས་ཅད་བློས་གཏོང་ཞིང་རྡོ་རྗེ་ཤུགས་ལྡན་བསྟེན་གསོལ་བྱེད་པ་ལ་བརྟེན་ནས་མ་ཉེས་ཁ་ཡོག་དང་དྲང་བདེན་མིན་པའི་བཀག་སྡོམ་གྱི་ཁ་གཏད་དུ་འཇིགས་སྣང་ཞུམ་པ་མེད་པའི་ཐོག་ནས་གསུང་གི་ཡོད་རེད། གོ་སྒྲིགས་པ་ཚོས་དཔལ་ལྡན་མཁས་དབང་ཚེམས་རིན་པོ་ཆེ་མཆོག་ལ་རྗེས་སུ་ཡི་རང་གི་ཐོག་ཚོགས་ཆེན་དེར་མགྲོན་བརྡ་ཕུལ་ནས་རྒྱབ་སྐྱོར་གནང་ཡོད་པ་དེ་མཐོང་ནས་དཔེ་མ་སྲིད་པའི་དགའ་པོ་བྱུང་། ངས་ཚོགས་ཆེན་འདི་མུ་འཐུད་ནས་ཡང་ནས་ཡང་དུ་ཚོགས་ཐུབ་པའི་རེ་བ་ཡོད་པ་དང་། འཛམ་གླིང་གང་སར་བཞུགས་པའི་རྡོ་རྗེ་ཤུགས་ལྡན་བསྟེན་གསོལ་བྱེད་མཁན་རྣམས་ཚོགས་བསྐྱོད་གནང་ཞིང་མཉམ་ཞུགས་བྱེད་ནས་ཆིག་སྒྲིལ་སྟོན་དགོས་ཡོད། རྡོ་རྗེ་ཤུགས་ལྡན་བསྟེན་གསོལ་དེ་གལ་ཆུང་ཅན་གྱི་གནས་ཚུལ་དུས་ནམ་ཡང་ཆགས་མ་སོང་། ཡིན་ནའང་དེང་སང་དེ་འཛམ་གླིང་ནང་རྒྱ་ཆེ་བའི་འཆར་སྣང་ལྟ་བུ་ཆགས་བསྡད་ཡོད། ཚོགས་ཆེན་དེ་ལ་ཡུ་རོབ་དང་། རྒྱ་ནག །བོད། རྒྱ་གར། སོག་ཡུལ། མ་ལེ་ཤི་ཡ་སོགས་ནས་ཕེབས་པའི་སྐུ་བཅར་བ་ཡོད་པས་འདིས་ཙམ་གྱི་རྒྱུ་མཚན་ཚང་མ་ར་འཕྲོད་དོ།།

པ་ས་ཊར་ཌ་བིཌ་ལའི།

ད་འཛམ་གླིང་རྒྱལ་ཡོངས་རྡོ་རྗེ་ཤུགས་ལྡན་བསྟེན་མཁན་ཆོས་ཚོགས་ཀྱི་འཐུས་མི་རྒྱས་འཛོམས་ལྷན་ཚོགས་ཀྱི་ཚོགས་ཆེན་དང་པོ་དེ་གྲུབ་པ་རེད། ཆོས་སྐྱོང་རྡོ་རྗེ་ཤུགས་ལྡན་བསྟེན་གསོལ་བྱེད་མཁན་ཧ་ཅང་མང་པོ་འཛོམས་ཡོད་པ་དེ་ལ་གང་འདྲ་འབྱུང་ཡོད་ཅེས་ནས་བསམ་བློ་ཞིག་གཏོང་དུས་ཧ་ཅང་གི་དོན་དང་ལྡན་པ་ཞིག་བྱུང་འདུག །ངས་ཟུར་ཉན་པ་ཚོ་ལ་བསམ་བློ་ཞིག་གཏོང་དུས། གཅིག་བྱེད་ན་དགོས་དོན་དང་གྲོས་གཞི་དེ་ལམ་སང་གསལ་པོ་ཆགས་མེད་པ་ཡིན་གྱི་རེད་བསམ་བྱུང་། འོན་ཀྱང་གལ་སྲིད་རིམ་པ་བཞིན་དུ་བགྲོ་གླེང་དེ་ཤེས་འོང་དུས་ཡར་རྒྱས་དང་ལེགས་གྲུབ་ཀྱི་དོན་བསྒྲུབས་ཡོད་པ་གོ་རྟོགས་བྱུང་།

ཉམས་མྱོང་ཅན་གྱི་འཐུས་མི་མང་པོས་ཚོགས་ཆེན་ནང་ང་དང་ང་འདྲ་བོ་ལ། བོད་པའི་སྤྱི་ཚོགས་ནང་གི་གནད་དོན་ར་འཕྲོད་གནང་ནས་ཐད་ཀར་དུ་ཉམས་མྱོང་པོ་བྱུང་། ཚོགས་ཆེན་དེར་འཛོམས་ནས་རྡོ་རྗེ་ཤུགས་ལྡན་གྱི་གནད་དོན་གཏིང་ཟབ་པོར་གོ་རྟོགས་བྱུང་བ་དང་། དེ་ལ་རྗེས་སུ་ཡིད་རང་ཞུ་བཞིན་ཡོད། ཚོགས་ཆེན་སྐབས་རྡོ་རྗེ་ཤུགས་ལྡན་བསྟེན་གསོལ་བྱེད་མཁན་ཚོགས་པ་མི་འདྲ་བ་ཁག་ནས་ཚོགས་སྐྱོད་བསྐྱངས་ཡོད་པ་གསལ་པོ་རེད། བསམ་འཆར་བཤད་འདོད་ཡོད་མཁན་བླ་མ་མི་འདྲ་བའི་དགེ་ཕྲུག་ཚོ་ཚང་མ་སོ་སོའི་བསམ་འཆར་བཤད་ཡོད་ཅིང་། གང་ལྟར་རྡོ་རྗེ་ཤུགས་ལྡན་གྱི་གནད་དོན་ཐོག་ལྷན་རྒྱས་ཚང་མའི་བསམ་དོན་དང་དམིགས་ཡུལ་གཅིག་པ་རེད་འདུག །

མཁས་དབང་ཀུན་བདེ་གླིང་རིན་པོ་ཆེས་གསུང་འགྱུར་གནང་པའི་གཏམ་བཤད་ཉན་ནས། ངས་ཚོགས་ཆེན་དེ་དངོས་གནས་གྲུབ་འབྲས་ཅན་གྱི་དོན་རྐྱེན་ཆེན་པོ་ཡིན་པ་བཤད་ཐུབ་ཀྱི་ཡོད། ཚོགས་ཆེན་དེ་ཧ་ལས་པའི་ཡག་པོ་གོ་སྒྲིགས་གནང་ཡོད་པ་དང་མི་མང་ཡང་མང་པོ་ཞེ་དྲགས་ཕེབས་འདུག །དེ་ལ་ཡུ་རོབ་ནས་ཡིན་པའི་ཤུགས་ལྡན་བསྟེན་གསོལ་བྱེད་མཁན་དཔེར་ན་དགོན་སར་རིན་པོ་ཆེ་དང་གངས་ཅན་རིན་པོ་ཆེ་ལྟ་བུ་ཁོང་རྣམ་པའི་འཐུས་མི་ཕེབས་ཡོད་པ་དང་། དེ་བཞིན་ཐའི་ཝན་ནས་ཕེབས་པའི་འཐུས་མི་དང་དགོན་སྡེ་ཁག་གི་འཐུས་མི་རྣམ་པ་ཚོ་ཡང་འཛོམས་ཡོད་རེད།

ཚོགས་ཆེན་སྐབས། བསམ་བློ་མི་མཐུན་པ་དང་རང་བཤད་རྐྱང་པ་འགོག་ཐབས་དང་། སོ་སོའི་དགའ་མོས་ཀྱི་ཚོགས་པ་དང་བླ་མ་གཅིག་པོའི་སྐོར་བཤད་མི་ཆོག་པར་འཐུས་མི་རེ་རེ་ལ་དྲིལ་བརྡ་བཏང་ཞིང་། བསམ་འཆར་བཤད་པའི་གོ་སྐབས་དང་དུས་ཚོད་ཐོབ་སྟངས་ཀྱི་ཚད་གཅིག་པ་གཞག་ཡོད་རེད། ཁོང་ཚོའི་བསམ་འཆར་ནང་རྡོ་རྗེ་ཤུགས་ལྡན་བསྟེན་འདོད་ག་ཚོད་ཡོད་མེད་གཏམ་བཤད་ལ་རྟེན་གསལ་པོར་ཤེས་ཐུབ་ཀྱི་འདུག །

འཛམ་གླིང་ཕྱོགས་གང་སར་ནས་རྡོ་རྗེ་ཤུགས་ལྡན་བསྟེན་གསོལ་བྱེད་མཁན་ཚང་མ་རྡོ་རྩ་ཆིག་སྒྲིལ་གྱི་ནུས་པ་དགོས་པ་དང་། དོན་སྙིང་ཁྱབ་སྤེལ་བྱེད་པར་ཚོགས་ཆེན་ལེགས་པར་གྲུབ་ཡོད། ཚོགས་ཆེན་དེས་ང་རང་ཚོ་དང་རྡོ་རྗེ་ཤུགས་ལྡན་གྱི་འབྲེལ་བའི་གནས་སྟངས། དེ་བཞིན་རིན་པོ་ཆེས་རྡོ་རྗེ་ཤུགས་ལྡན་གྱི་ཐོག་ལ་ཕྱག་ལས་གནང་ཡོད་པ་དེ་ཚོའི་སྐོར་ས་ཐག་རིང་པོ་ནས་ཚོགས་སྐྱོད་བསྐྱངས་པའི་གལ་འགང་ཆེ་བའི་བླ་སྤྲུལ་དགེ་བཤེས་ཚང་མ་ལ་བཤད་པའི་གོ་སྐབས་བྱུང་། ཚོགས་ཆེན་མ་ཚོགས་གོང་ནས་ཚོགས་མི་ཚང་མས་ཚེམས་རིན་པོ་ཆེ་སྐུ་འཕྲེང་ཉེར་ལྔ་པས་ཆོས་སྐྱོང་ཐོག་ཕྱག་ལས་རྒྱ་ཆེན་པོ་གནང་གི་ཡོད་པའི་སྐོར་ཚང་མས་མཁྱེན་གྱི་འདུག །

རིན་པོ་ཆེ་མཆོག་གིས་མཛད་འཕྲིན་དོན་ཆེན་པོ་མང་པོ་སྒྲུབ་ཡོད་པ་དང་། བསྟེན་གསོལ་ཁྱབ་སྤེལ་གཏོང་བར་ཧ་ཅང་གི་མཛད་བྱས་ཆེན་པོ་བྱུང་ཡོད་པ་མ་ཟད། ཕྱག་རོགས་ཕྱག་མཛོད་བེང་ཀུའི་ལགས་དང་། ཨ་ནེ་བློ་བཟང་པདྨ་ལགས་སོགས་མཉམ་བཞུགས་གནང་བ་དང་། དམིགས་བསལ་ཚོགས་བཅར་བ་ཚོས་བེང་ཀུའི་ལགས་ཀྱི་གཏམ་བཤད་ཉན་པའི་རྗེས་སུ་ཚང་མས་ཧ་ཅང་དགའ་པོ་བྱུང་འདུག །

ཚོགས་ཆེན་ལེགས་པར་གྲུབ་པའི་མཐར། བོད་པའི་ལོ་རྒྱུས་ཀྱི་བལྟ་ཚུལ་ལྟར་དེ་ཕན་ཐོགས་ཅན་གྱི་དོན་ཆེན་པོ་ཞིག་ཡིན་པ་ངོས་འཛིན་གསལ་པོ་སྟོན་གྱི་འདུག །གཅིག་བྱས་ན་དེ་གསར་རྗེ་དེ་འདྲ་གང་ཡང་མ་རེད། ཡིན་ནའང་མ་འོངས་པར་རྡོ་རྗེ་ཤུགས་ལྡན་གྱི་གནས་སྟངས་ཡག་པོ་ཆགས་སྲིད་པའི་རྟགས་མཚན་གསལ་པོ་འདུག །

མར་ཊིན་ཅོའུ།

འཛམ་གླིང་གང་སར་བཞུགས་མཁན་རྡོ་རྗེ་ཤུགས་ལྡན་བསྟེན་གསོལ་བ་རྣམས་བལ་ཡུལ་དུ་ཚོགས་ཆེན་དུ་ཕེབས་པ་ནི་དབུས་བོད་མིའི་སྒྲིག་འཛུགས་ནས་ང་ཚོ་རྡོ་རྗེ་ཤུགས་ལྡན་བསྟེན་གསོལ་བ་རྣམས་ལ་བཙན་འགོག་བྱེད་པས་འདི་འགོག་སྲུང་བྱེད་པ་ཙམ་མ་ཡིན་པར་རི་བོ་དགེ་ལུགས་པའི་བསྟན་པ་འཛིན་སྐྱོང་སྤེལ་གསུམ་བྱེད་པའི་གོམ་པ་ཆེན་པོ་ཞིག་སྤོ་བ་མཐོང་། ཚོགས་ཆེན་འདི་ཚོགས་པ་ནི་གལ་ཆེན་པོ་ཞེ་དྲགས་རེད། གང་ཡིན་ཟེར་ན་རྡོ་རྗེ་ཤུགས་ལྡན་བསྟེན་གསོལ་གནང་མི་ཆོག་ཞེས་བཀག་འགོག་དེས་རྗེ་ཙོང་ཁ་པ་ཆེན་པོའི་གཏན་འབེབས་བྱས་པའི་དགེ་ལུགས་པའི་བསྟན་པ་ལ་གནོད་སྐྱོན་ཡོང་གི་ཡོད་རེད།

རྒྱལ་ཁབ་འདྲ་མིན་སྣ་ཚོགས་ནས་ཕེབས་པའི་རྡོ་རྗེ་ཤུགས་ལྡན་པ་བསྟེན་གསོལ་བ་རྣམས་མཇལ་རྒྱུ་རགས་དུས་ལྷ་བསྟེན་གསོལ་འདི་ཕྱོགས་ག་བར་ཁྱབ་ཡོད་པ་དང་། དེའི་ཉམས་ལེན་འདི་དག་དར་རྒུད་ཅན་ཡིན་པའི་སྐོར་བདེན་དཔང་ཞིག་ཆག་གི་ཡོད་ཅིང་། ཤུགས་ལྡན་པ་ཡོངས་སུ་རྫོགས་པ་ཆོས་བརྒྱུད་འདི་སྤེལ་བར་ག་ཚོད་ཀྱི་རང་སྲོག་བློས་བཏང་མཁན་ཡིན་པ་གསལ་པོ་བྱས་གནས་སྟོན་གྱི་ཡོད་པ་དང་། འདི་འདྲ་མཐོང་དུས་སེམས་ནང་ཧ་ཅང་དགའ་ཚོར་སྐྱེས་བྱུང་། ང་ཚོའི་ཚོགས་ཆེན་འདི་ཚོགས་པ་མཐོང་དུས་དབུས་བོད་མིའི་སྒྲིག་འཛུགས་ཀྱིས་རྡོ་རྗེ་ཤུགས་ལྡན་བསྟེན་གསོལ་དེ་མེད་པར་བཟོ་བའི་འབད་བརྩོན་བྱས་པ་དེ་སྒྲུབ་མེད་པ་དངོས་སུ་མཐོང་གིན་འདུག །

ཚོགས་ཆེན་ནང་མི་མང་པོ་ཐུག་འཕྲད་བྱུང་ནས་གོ་བསྡུར་སོགས་ལ་དོ་སྣང་བྱས་པའི་རྗེས་སུ་ང་རང་གི་གོ་རྟོགས་གང་བྱུང་ཟེར་ན། དབུས་བོད་མིའི་སྒྲིག་འཛུགས་ཀྱིས་རྡོ་རྗེ་ཤུགས་ལྡན་བསྟེན་གསོལ་སྐོར་བཀག་སྡོམ་དེ་བོད་མི་གཅིག་པུའི་རྙོག་དྲ་མིན་པ་དང་། ༧གོང་ས་མཆོག་གིས་བཀའ་གང་ཕེབས་ཀྱང་བོད་མི་རྣམས་ཀྱིས་བརྩི་དགོས་ཞེས་དབུས་བོད་མིའི་སྒྲིག་འཛུགས་ཀྱིས་བཙན་བསྐུལ་བྱས་ཀྱི་ཡོད་པས། ད་ལྟ་བཀག་སྡོམ་འདིས་དབུས་བོད་མིའི་སྒྲིག་འཛུགས་ཀྱི་འོག་ལ་མི་གནས་མཁན་དང་ཁོང་ཚོའི་ཁྲིམས་ཀྱི་རྗེས་སུ་མི་འགྲོ་མཁན་དང་དབང་བསྒྱུར་བྱེད་མི་ནུས་མཁན་མི་མང་པོ་ལའང་གནོད་ཀྱི་ཡོད་རེད། ཚོགས་ཆེན་སྐབས་སུ་བདག་གི་སེམས་ལ་འཐད་པའི་སྐད་ཆ་འགའ་ཤས་ག་རེད་ཡིན་ཟེར་ན།

1. དང་པོ་དེ། གྲོས་ཚོགས་དེ་ཉིད་ཧ་ཅང་གྲ་འགྲིག་པོ་དང་ཕྱོགས་ཐམས་ཅད་ནས་ཕུན་སུམ་ཚོགས་པ་ཞིག་དང་འཛམ་གླིང་གང་སར་ནས་ཕེབས་པའི་རྡོ་རྗེ་ཤུགས་ལྡན་བསྟེན་གསོལ་བ་རྣམས་ཀྱིས་སོ་སོའི་འཆར་སྒོ་ཞུས་ཐུབ་པའི་ཐོབ་ཐང་ཡང་འཛིན་པ་དང་རྡོ་རྩ་གཅིག་སྒྲིལ་ཡོང་བ་དང་འབྲེལ་བ་བརྟན་པོ་སྤེལ་བར་མཐུན་རྐྱེན་འཛོམས་འདུག །རིགས་བརྒྱུད་ཆག་གྲུམ་འདི་དྲག་སྐྱེད་ཡོང་བར་གོམ་པ་དང་པོ་འདི་འདྲ་སྤེལ་དགོས་པ་ཞེ་དྲགས་ཀྱི་གལ་ཆེན་པོ་རེད།
2. གཉིས་པ་ནི། བལ་ཡུལ་གཞུང་གིས་ཆོས་དད་རང་དབང་དང་སྨྲ་བརྗོད་རང་དབང་ལ་སྲུང་སྐྱོབ་བྱེད་པ་དེ་ལ་རང་གི་སེམས་ཞེ་དྲགས་ཀྱི་དགའ་ཚོར་སྐྱེས་བྱུང་། སྐུ་མགྲོན་བདེ་སྲུང་སྐྱོབ་བློན་ཆེན་གྱིས་གསུང་བཤད་གནང་བ་ལྟར་ན། བལ་ཡུལ་སྤྱི་ཚོགས་ནང་རྡོ་རྗེ་ཤུགས་ལྡན་བསྟེན་གསོལ་བ་རྣམས་ལ་སུ་གང་ཞིག་གིས་དབྱེན་འབྱེད་མི་ཐུབ་ཞེས་འགན་ལེན་བྱས་གནང་བ་དེ་ལ་ང་ཚོས་ཡིད་ཆེས་ཡོད།
3. གསུམ་པ་ནི། ལོ་གཅིག་ནང་ཚར་གཅིག་སྨོན་ལམ་ཆེན་མོ་སྐབས་སུ་རྡོ་རྗེ་ཤུགས་ལྡན་དུས་ཆེན་ཞེས་མཛད་སྒོ་ཞིག་བྱེད་དགོས་པའི་བསམ་འཆར་དེ་ཉིད་ཕུལ་དུ་བྱུང་བ་ཞིག་རེད་བསམ་གྱིན་འདུག །མཛད་སྒོ་དེ་གཏན་འབེབས་བྱེད་པའི་ན་ང་ཚོ་རྡོ་རྗེ་ཤུགས་ལྡན་གྱི་ཆོས་བརྒྱུད་དང་བོད་པའི་རིགས་གཞུང་དུས་རྟག་ཏུ་མི་ཉམས་རྒྱུད་འཛིན་བྱེད་ཐུབ་ཀྱི་རེད་བསམ།
4. ཚོགས་ཆེན་ནང་བཅར་བའི་མཉམ་ཞུགས་པ་རྣམས་ཀྱི་འགན་འཁུར་དང་དམ་བཅའ་དེ་བཞིན་རྗེ་ཙོང་ཁ་པ་ཆེན་པོའི་བསྟན་པ་འཛིན་སྐྱོང་སྤེལ་གསུམ་གནང་བའི་སེམས་ཚོར་དྲག་པོ་དང་ཟབ་མོ་གནང་བའི་གསུང་བཤད་ཀྱིས་དངོས་གནས་བློ་སྟོབས་སྤེལ་བྱུང་། ཉིན་ཤས་རིང་ང་ཚོའི་སེམས་ནང་ཞི་བདེ་ཆེན་པོ་བྱུང་།

མདོར་བསྡུས་ན་ང་རང་ཆེད་དུ་གྲོས་ཚོགས་དེ་ནང་བཅར་ཐུབ་པ་དེ་ཉམས་མྱོང་ཆེན་པོ་དང་ཞེ་དྲགས་ཀྱི་བློ་སྟོབས་སྤེལ་བྱུང་། གྲོས་ཚོགས་རང་གི་སྐོར་བཤད་ན་རྡོ་རྗེ་ཤུགས་ལྡན་བསྟེན་གསོལ་བ་རྣམས་ཀྱི་ལོ་འཁོར་གྲོས་ཚོགས་འདིའི་ང་རང་ཚོ་ཚང་མའི་ནུས་ཤུགས་ཆེར་ཆེར་སྐྱེ་བར་བྱེད་ཀྱི་ཡོད་པས་ང་ཚོའི་རིགས་རྒྱུད་འདི་ད་ཉེན་ཁ་མེད་པ་རེད།

ཨ་ནི་བློ་བཟང་པདྨ།

འདས་པའི་ལོ་ ༢༠ རིང་རྡོ་རྗེ་ཤུགས་ལྡན་བསྟེན་གསོལ་བ་རྣམས་སྐྱིད་པོ་དང་ཡག་པོ་ཞིག་འགྲོ་ཐུབ་ཡོད་པ་མ་རེད། ཕྱི་ལོ་ ༡༩༩༦ ནང་བོད་པའི་དབུ་ཁྲིད་རྣམས་ཀྱིས་ཁྲིམས་འགལ་ཐོག་རྡོ་རྗེ་ཤུགས་ལྡན་བཙན་བཀག་བཀའ་གཏོང་བ་དང་ཤུགས་ལྡན་པ་ཡོངས་ཁ་གཏོར་ཏེ་ཆོས་ལུགས་ཀྱི་སྡུག་སྦྱོང་སྤྲོད་ནས་གསོན་པར་དྲག་ཤུགས་སྤེལ་བ་རེད། འདི་ང་ཚོས་དྲང་པོ་ཞུས་དགོས་ཀྱི་ཡོད་རེད། ཤུགས་ལྡན་པ་རྣམས་མང་ཚོགས་དང་འབྲེལ་བ་ཡོད་མ་རེད། དངུལ་རྩིས་རོགས་རམ་གནང་མཁན་དང་འཇིག་རྟེན་མགོན་པའི་མཚན་འཁྱེར་ནས་ཡོད་པའི་༧གོང་ས་ཆེན་པོ་ནང་བཞིན་གྱི་རྒྱབ་སྐྱོར་གནང་མཁན་ཡང་ཡོད་མ་རེད། དུས་འདི་འདྲ་སྐབས་ང་ཚོ་ནི་ནུས་ཤུགས་ཉུང་ལྡན་ཞིག་ཡིན་པ་དང་ང་ཚོའི་ཁ་གཏད་དུ་ནུས་སྟོབས་ཆེན་པོ་དང་ལྡན་མཁན་གྱི་ཤོག་ཁག་ཡོད་པ་རེད།

དེར་འཛམ་གླིང་རྒྱལ་ཡོངས་ཤུགས་ལྡན་ཆོས་ཚོགས་ཀྱི་འཐུས་མི་རྒྱས་འཛོམ་ལྷན་ཚོགས་ཚོགས་ཐུབ་པ་ནི་དོན་གནད་ཆེན་པོ་དང་ཆག་སྒྲུམ་སྤྱི་ཚོགས་མང་པོ་མཉམ་དུ་འཁྱེར་ནས་ང་ཚོས་གདོང་ལེན་གང་འདྲ་བྱེད་དགོས་སྐོར་གོ་བསྡུར་བྱེད་ཐུབ་པ་རེད།

བདག་གི་ཆེད་དུ་ཁང་མིག་དེའི་ནང་དད་གུས་དང་གུས་ཞེན་ཡོད་མཁན་ཀྱང་ཀྱང་དང་། སྡེ་ཚན་ཁག་དང་གང་ཟག་བྱེ་བྲག་པ་ཞིག་གི་ཀྱང་ང་ཚོའི་རིགས་བརྒྱུད་དམ་ཆོས་བརྒྱུད་སྲུང་སྐྱོབ་བྱེད་ཕྱིར་ཚང་མའི་འཛིང་འཐབ་བྱེད་པ་དང་། སྐད་ཆ་མང་པོ་བློས་གཏོང་དགོས་བྱུང་། དེ་ནས་བདག་གི་གང་ཤེས་སོང་ཟེར་ན། ང་ཚོ་ག་ཚོད་ཐག་རིང་པོ་གནས་ཀྱི་ཡོད་ཀྱང་། ང་རང་ཚོ་ཚང་མའི་བསམ་འཆར་འདི་ང་ཚོའི་ཆོས་བརྒྱུད་འདི་འཛིན་སྐྱོང་སྤེལ་གསུམ་བྱེད་པའི་བསམ་འཆར་གཅིག་པ་འཁྱེར་ཡོད་པ་ཤེས་བྱུང་།

ང་ཚོས་གཡོ་འགུལ་ཚང་མ་ཆོས་ཀྱི་ཀུན་ནས་སློང་བ་ཡིན་པ་བདག་གི་གསལ་པོ་ཤེས་ཀྱི་ཡོད། གང་ཡིན་ཟེར་ན་སྟོན་པ་བཅོམ་ལྡན་འདས་ཀྱི་གསུང་ལ་རྟེན་ནས་ཁང་མིག་དེ་ནང་སེམས་ཚོར་སྐྱེན་པོའི་མི་ ༢༠༠ ཚང་མ་སོ་སོའི་བསམ་འཆར་དང་བསམ་ཚུལ་ཡོད་དུས་ཞི་མཐུན་གྱི་སྒོ་ནས་གོ་བསྡུར་བྱེད་ཐུབ་འབྱུང་། བླ་མ་ཐུབ་བསྟན་ཕུར་བུ་མཆོག་དང་དགེ་བཤེས་བསྟན་འཛིན་དཔལ་འབྱོར་ཁོང་ལྟ་བུ་རྣམས་གྲོས་བསྡུར་སྐབས་སུ་སངས་རྒྱས་ཀྱི་གསུང་དང་འགལ་ནས་དུས་ནམ་ཡང་གསུང་བཤད་གནང་མ་སོང་། དེ་བཞིན་དཔལ་ལྡན་ཀུན་བདེ་གླིང་རིན་པོ་ཆེ་མཆོག་གིས་ཡང་ཉིན་གསུམ་རིང་གར་ང་ཚོ་མ་ལེ་ཤི་ཡ་ནས་སླེབས་པའི་འཐུས་མིའི་ཆེད་དུ་སྐད་བསྒྱུར་བྱེད་པར་དཀའ་ལས་སྐྱོང་གནང་སོང་། དེ་ནས་བལ་ཡུལ་ཨ་ཅག་ལྷག་པ་ལགས་དང་ཡུ་རོབ་བཀྲ་ཤིས་རྟགས་ཆེན་ལགས་དང་ཆ་ཕྲེང་ཆོས་གྲགས་ལགས་རྣམས་ཀྱིས་གསུང་བཤད་སྐད་ཆ་ཚ་པོ་ཐོག་ནས་གསུང་ཀྱང་ཁོང་ཚང་མའི་ཚིག་དེ་དག་ཕན་སེམས་དང་ལྡན་པ་དང་མ་འོངས་པར་ང་ཚོ་རིགས་བརྒྱུད་སྐོར་སེམས་ཁྲལ་བྱེད་ཡོད་རེད།

ཚོགས་ཆེན་དེ་ཚོགས་ཐུབ་པ་ནི་ལོ་གསར་པའི་ནང་བློ་སྟོབས་སྤེལ་བའི་འགོ་འཛུགས་ཞིག་བྱུང་བ་རེད། དེར་ཆོས་དད་སྡེ་ཚན་ཁག་གི་མི་མང་མཉམ་དུ་འབྲེལ་ནས་བོད་པའི་དབུ་ཁྲིད་ཚོས་ང་ཚོ་ལ་འགལ་རྐྱེན་བར་ཆད་མང་པོ་འཕྲད་པར་བྱས་པ་དེ་དག་ལ་མི་ལྟོས་པར་ང་ཚོ་རྡོ་རྩ་གཅིག་སྒྲིལ་བྱེད་ཐུབ་དུས་ང་རང་ཧ་ཅང་སྤོབས་པ་ཆེན་པོ་སྐྱེ་བྱུང་།

དེ་བཞིན་བདག་གི་དགེ་བའི་བཤེས་གཉེན་དཔལ་ལྡན་ཚེམས་རིན་པོ་ཆེ་མཆོག་ལ་ཐུགས་རྗེ་ཆེ་ཞུ་རྒྱུ་ཡིན། ཁོང་གི་བཀའ་དྲིན་ལ་བརྟེན་ནས་ང་ཚོ་ཚོགས་ཆེན་དེའི་ནང་བཅར་ཐུབ་པ་དང་ཀེ་ཆ་རའི་ཚོགས་མི་ཞིག་ཡིན་པའི་ཆ་ནས་ང་ཚོ་ཡང་འདིའི་སྐོར་ལས་དོན་སྤེལ་གྱི་ཡོད་སྐོར་བཤད་རྒྱུ་བྱུང་བ་དང་ཉམས་མྱོང་ཡང་ཆེན་པོ་བྱུང་། དེར་ང་ཚོའི་རིགས་རྒྱུད་འཛིན་སྐྱོང་བྱེད་པར་བདག་གིས་ད་དུང་ཡང་ཁ་གཏད་མང་པོ་གཅོག་ཐུབ་པར་སྐད་ཆ་མང་པོ་ཤེས་བྱུང་། ༢༠༡༨ ལོ་འདི་ནང་བཀག་སྡོམ་འདི་མེད་པར་འགྱུར་བའི་རེ་སྨོན་ཡོད།

སོ་ཕི་ལིམ།

བདག་ཅག་རྣམས་ཀྱི་དགེ་བའི་བཤེས་གཉེན་༧སྐྱབས་རྗེ་ཚེམས་རིན་པོ་ཆེ་སྐུ་ཕྲེང་ཉེར་ལྔ་པ་མཆོག་གིས་བལ་ཡུལ་ཀཊ་མན་ཌུར་སྤྱི་ལོ་༢༠༡༨ ཟླ་༡ ཚེས་༤ ཉིན་ཚོགས་པའི་འཛམ་གླིང་རྒྱལ་ཡོངས་ཤུགས་ལྡན་ཆོས་ཚོགས་ཀྱི་འཐུས་མི་རྒྱས་འཛོམས་ཚོགས་ཆེན་དུ་གཏོང་བའི་རུ་ཁག་སྡེ་ཚན་ནང་ང་ཡང་ཚུད་པའི་གོ་སྐབས་ཐོབ་པས་ང་རང་ཧ་ཅང་སྐལ་བ་བཟང་པོ་ཡིན་བསམས་ཀྱི་འདུག །རིན་པོ་ཆེས་ཧ་ཅང་ཉམས་མྱོང་ཅན་གྱི་སློབ་མ་འགའི་སྡེ་ཚན་གོ་སྒྲིགས་གནང་ཡོད། དེའི་ནང་ནས་ཉམས་མྱོང་གང་ཡང་མེད་མཁན་ང་ལྟ་བུ་ཡིན་ཞིང་། འདི་ང་རང་སྒེར་གྱི་ཆེད་དུ་ངོ་མཚར་ཅན་གྱི་ཉམས་མྱོང་གསར་པ་ཞིག་ཡིན་པ་ངོས་འཛིན་བྱེད་ཀྱི་ཡོད། ང་དང་གནས་ཚུལ་གཅིག་མཚུངས་རྡོ་རྗེ་ཤུགས་ལྡན་བསྟེན་གསོལ་བཀག་སྡོམ་བྱེད་པ་དེ་བསལ་བའི་ཆེད་དུ་སྐུ་ལས་མང་པོ་སྐྱོན་མཁན་བླ་མ་ཆེན་པོ་དང་སྐུ་བཅར་བ་གཞན་ལྷན་དུ་ཚོགས་ཆེན་ནང་མཉམ་བཞུགས་བྱེད་ཡིན། ཁུངས་ལྡན་ཆོས་སྐྱོང་དེ་ཉིད་བསྟེན་གསོལ་དེ་ཕལ་ཆེར་ལོ་བཞི་བརྒྱ་ཙམ་ཕྱིན་ཚར་བའི་གནས་ཚུལ་རྙིང་པ་ཞིག་རེད། བླ་མའི་སྐུ་མདུན་ནས་མང་པོ་ཐོས་ཤིང་དྲ་རྒྱའི་ནང་དུ་ཡང་ནས་ཡང་དུ་ཀློག །མཐའ་མར་ངས་ཚོགས་ཆེན་དེ་ནང་གལ་འགང་ཆེ་བའི་མི་མང་པོ་ཐུག་ཡོད་པ་ལྷན་རྒྱས་ཚོས་ཡིད་ཆེས་བྱེད་མི་འོས་པ་ཞིག་རེད། ཚོགས་ཆེན་ཚོགས་སའི་སྒོ་འགྲམ་ལ་ང་ཚོས་སྒུག་པ་བཞིན། ང་དགའ་བོའི་འཚོར་སྣང་དྲག་པོ་སྐྱེ་ཞིང་ངས་ཨ་ནི་བློ་བཟང་པདྨ་ཀྱིས་རྡོ་རྗེ་ཤུགས་ལྡན་བསྟེན་གསོལ་བྱེད་མཁན་གལ་འགང་ཆེ་ཞིང་བླ་སྤྲུལ་དགེ་བཤེས་རྣམས་སུ་དང་སུ་ཡིན་གྱི་སྐོར་འགྲེལ་བཤད་བརྒྱབ་དུས་ལྟས་ཡིན།

ང་རང་གི་ཆེད་དུ་མཁས་དབང་ཀུན་བདེ་གླིང་རིན་པོ་ཆེ་མཆོག་གལ་ཏེ་ང་ཚོ་ཡོད་སར་མ་བཞུགས་པ་ཡིན་ན། ཉིན་གསུམ་གྱི་རིང་གི་ཚོགས་ཆེན་དེ་ཕན་མེད་བྱུང་ས་རེད་བསམ་བྱུང་། ཀུན་བདེ་གླིང་རིན་པོ་ཆེ་མཆོག་ཁོང་ང་ཚོའི་མཉམ་དུ་ཚོགས་ཞུགས་གནང་ནས། བོད་སྐད་ཐོག་གསུང་བཤད་གནང་བ་དེ་དག་ང་ཚོས་ཧ་གོ་བའི་ཆེད་དུ་དབྱིན་སྐད་ཐོག་བསྒྱུར་གནང་སོང་། ཁོང་གི་གསུང་བསྒྱུར་དང་བཅས་པ་ཟུར་ལ་ལོ་རྒྱུས་ཐུང་ངུ་འགའ་ཤས་ཉན་ནས། ང་རང་སྒེར་གྱི་ཐོག་ནས་ཡིན་ནའང་ཧ་ཅང་དགའ་པོ་བྱུང་། གལ་ཏེ་ཀུན་བདེ་གླིང་རིན་པོ་ཆེ་མཆོག་དང་ང་ཚོའི་བླ་མ་གཉིས་ལྷན་དུ་མཇལ་འཛོམས་ཞིག་བྱུང་ན་དྲན་གྱི་འདུག །འཇོན་ཐང་ཡོད་མཁན་རྡོ་རྗེ་ཤུགས་ལྡན་གྱི་ཆོས་བརྒྱུད་ཀྱི་དོན་དུ་སྐུ་ལས་མང་པོ་སྐྱོན་གནང་མཁན་ཁོང་ང་ཚོ་ལྟ་བུའི་མཉམ་དུ་བཞུགས་ནས་ཁོང་ཞེ་དྲགས་ཀྱི་གུས་ཞབས་ཅན་ཞིག་རེད་འདུག །

ངའི་སྣང་བ་དེ་ཡང་ཨ་ཅག་ལྷག་པའི་གསུང་བཤད་ལ་ཤོར་བྱུང་། གང་ཡིན་ཞེ་ན། བླ་སྤྲུལ་དགེ་བཤེས་མང་པོའི་མདུན་ལ་གསུང་བཤད་དྲང་པོའི་ཐོག་ཁ་རི་ཁ་ཐུག་གནང་སོང་། མོ་རང་འཕེལ་རྒྱས་གླིང་དགོན་པའི་རྒྱུ་དངོས་གཉར་འཚགས་བྱེད་པར་ཧ་ཅང་གི་ཕན་ཐོགས་ཅན་ཡིན་ཞིང་། གཞན་བོད་གཞུང་ནས་བདག་ཏུ་བཟུང་ཚར་རེད། མོ་རང་གིས་ཚོགས་ཆེན་སྐབས་སྐུ་ཁམས་བདེ་ཐང་མེད་ཀྱང་བདེ་ཐང་མིན་པའི་རྣམ་འགྱུར་གང་ཡང་སྟོན་མ་སོང་། དེ་འདྲ་སོང་ཙང་ངས་མོ་རང་ལ་རྗེས་སུ་ཡི་རངས་ཞུ་རྒྱུ་ཡིན། དངོས་གནས་བྱེད་ན། ཁོང་ཚོགས་ཆེན་ནང་ཚོགས་བསྐྱོད་གནང་མཁན་ཚོར་གཟིགས་སྐྱོང་ཧ་ཅང་ཡག་པོ་གནང་སོང་ཞུ་རྒྱུ་ཡིན།

ངས་ཤེས་ཀྱི་མེད། ཉེ་ཆར་ཁེ་ན་ཌ་ནང་བཞུགས་མཁན་ཨ་མ་ཞིག་གིས་གནས་ཚུལ་ཞིག་གཞག་འདུག །མོ་རང་གནས་སྐོར་དུ་ཕྱིན་པ་ཡིན་ཞེས་བཤད་ཅིང་། ཚོགས་ཆེན་དུ་བསྐྱོད་པར་མོ་རང་གི་བླ་མས་གསུངས་པ་བཞིན་ཚོགས་འདུ་འདི་ལ་ཡོང་ནས། ཚོགས་མང་དབུས་སུ་ལང་ནས་གཏམ་བཤད་གནང་བ་རེད། མོ་ནི་གོད་བྲོ་ཅན་དང་ཁ་རི་ཁ་ཐུག་རེད་འདུག །འོན་ཀྱང་མོས་སོ་སོའི་ཚ་བོ་དེ་ཚོ་བོད་མི་རིགས་ཀྱི་ངོ་བོ་རླགས་ཚར་སོང་། གང་ཡིན་ཞེ་ན། ཁོ་ཚོས་བོད་སྐད་ཤེས་ཀྱི་ཡོད་པ་མ་རེད། གནས་ཚུལ་དེས་ང་ལ། རྡོ་རྗེ་ཤུགས་ལྡན་དེ་བོད་པའི་སྤྱི་ཚོགས་ནང་གི་གནད་དོན་ཁོ་ན་མ་ཡིན་པར་རྒྱལ་སྤྱིའི་གནད་དོན་ཡིན་པ་གསལ་པོར་སྟོན་སོང་། དཔེར་ན་ང་ནང་བཞིན། དེ་བཞིན་བོད་མི་མིན་པ་ཆོས་སྐྱོང་རྡོ་རྗེ་ཤུགས་ལྡན་བསྟེན་གསོལ་བྱེད་པ་དེ་ཚོ་ངའི་བླ་མའི་བཀའ་དྲིན་རེད། འཛམ་གླིང་གང་སར་དེ་ག་རང་ཡིན་ལ། དེ་བཞིན་དུ། བོད་མི་རིགས་ཐམས་ཅད་དབང་དུ་བསྒྱུར་འདོད་ཡོད་པའི་བོད་གཞུང་དང་བོད་མི་རིགས་ཁོ་ནའི་གནད་དོན་མིན་པས། གལ་སྲིད་རྒྱལ་ཡོངས་ཤུགས་ལྡན་པ་ཐམས་ཅད་གཅིག་དུ་འདུས་ནས་རྒྱལ་སྤྱིའི་གནད་དོན་དུ་འཁྱེར་ནས་ལངས་ན་དེ་ཚོའི་འཛིན་སྐྱོང་ཐམས་ཅད་ཤོར་གྱི་རེད་བསམ་གྱི་འདུག །

བླ་མ་ཐུབ་བསྟན་ཕུར་བུ་མཆོག་དང་དགེ་བཤེས་བསྟན་འཛིན་དཔལ་འབྱོར་གཉིས་ཡང་འཛམ་གླིང་རྒྱལ་ཡོངས་ཤུགས་ལྡན་ཚོགས་པའི་གོ་སྒྲིགས་པ་ཡིན་ཞིང་། གོ་སྒྲིགས་ལེགས་པར་སྒྲུབ་གནང་ཡོད། ཁོང་རྣམ་པ་ཚོས་ལག་ལེན་བསྟར་དགོས་པའི་ལམ་སྟོན་དང་། ཡར་རྒྱས་གོང་འཕེལ་དུ་འགྲོ་རྒྱུའི་གོ་སྒྲིགས་གནང་ནས་བསམ་འཆར་བཤད་འདོད་ཡོད་མཁན་སྐུ་བཅར་བ་ཡོངས་ལ་ཚོགས་ཆེན་ནང་བཤད་པའི་གོ་སྐབས་འདྲ་མཉམ་གོ་སྒྲིགས་བྱེད་ཡོད་ཅིང་། མི་མང་ཡོངས་རྫོགས་ཟོལ་མེད་དུ་བོད་གཞུང་གིས་རྡོ་རྗེ་ཤུགས་ལྡན་ཐོག་ལ་བྱས་པའི་མ་ཉེས་ཁ་ཡོག་བསལ་ཞིང་། རང་དབང་གི་ཐོག་དངོས་སུ་བསྟེན་ཆོག་པའི་རེ་བ་ཡོད། ཚོགས་ཆེན་དེ་འཚོགས་ནས་ཧ་ཅང་ཡར་རྒྱས་དང་ལེགས་སྒྲུབ་ཀྱི་རྟགས་གསལ་པོར་སྟོན་ཡོད་ཅིང་། མ་འོངས་པ་ལ་ཡིན་ནའང་འཛམ་གླིང་རྒྱལ་ཡོངས་གཞི་བཟུང་ཚོགས་ཆེན་དེ་བསྐྱར་དུ་འཚོག་ནས་མཉམ་བཞུགས་བྱེད་ཐུབ་པའི་རེ་བ་ཡོད།

བི་ཊྲི་སི་ཨུའི།

སྤྱི་ལོ་ ༢༠༡༨ ཟླ་ ༡ ཚེས་ ༤ ནས་ ༦ བར། བལ་ཡུལ་ཀཊ་མན་ཌུ་རྒྱལ་སར་ཡོད་པའི་གཡག་དང་ཡེ་ཏི་མགྲོན་ཁང་དུ་ཚོགས་པའི་རྒྱལ་ཡོངས་ཤུགས་ལྡན་ཚོགས་པའི་ཚོགས་ཆེན་དུ་ང་ཚོ་ལའང་མགྲོན་འབོད་གནང་ཡོད་རེད། ཆོས་སྐྱོང་རྡོ་རྗེ་ཤུགས་ལྡན་བསྟེན་གསོལ་བྱེད་མཁན་བར་ལ་རྡོག་རྩ་ཆིག་སྒྲིལ་ཡོང་བའི་ཆེད་དུ་ཚོགས་པའི་ཚོགས་ཆེན་དེ་འདྲ་ལ་བཅར་ཐུབ་པ་ང་རང་ཚར་དང་པོ་ཡིན། དེས་ང་ལ་དམིགས་བསལ་ཉམས་མྱོང་སྐྱེ་པ་བཞིན་བློ་སྟོབས་སྤེལ་བྱུང་། གང་ཡིན་ཞེ་ན་ཚོགས་ཆེན་ཉིན་གསུམ་དེར་འཛམ་གླིང་གང་སར་ནས་ཕེབས་པའི་བླ་སྤྲུལ་དགེ་བཤེས་མང་པོ་ཚོགས་བསྐྱོད་གནང་ཡོད་རེད། ང་ཚོ་ཚང་མའི་དགོས་དོན་གཅིག་པའི་དམིགས་ཡུལ་སྒྲུབ་པར་ཆིག་སྒྲིལ་དང་མཐུན་ལམ་དེ་ཧ་ཅང་གལ་ཆེན་པོ་ཡིན་པ་དང་། གཞན་དམིགས་བསལ་གང་ཡང་ཡོད་པ་མ་རེད།

ཚོགས་ཆེན་ནང་སྐུ་མགྲོན་གསར་པ་མང་པོ་བསྐྱོད་གནང་འདུག །བརྩི་བཀུར་གང་ཙམ་གྱི་ཐོག་ནས་ཚོགས་ཆེན་ནང་འཛམ་གླིང་གང་སར་ནས་ཕེབས་པའི་ཆོས་གྲོགས་ལྷན་རྒྱས་ཚོ་མགྲོན་འབོད་ཞུ་ཞིང་། ཕན་ཚུན་གྱི་གནས་ཚུལ་སྐོར་ཤེས་པ་ནི་ཞེ་དྲགས་གལ་གནད་ཆེན་པོ་རེད། དེ་ལ་བླ་མ་ཐུབ་བསྟན་ཕུར་བུ་མཆོག་མཇལ་ནས་ངའི་སེམས་དེ་འགྱུར་བ་ཆེན་པོ་བྱུང་། རྡོ་རྗེ་ཤུགས་ལྡན་བསྟེན་གསོལ་གནང་མཁན་དུས་རབ་འདི་གལ་འགང་ཅན་གྱི་ལོ་རྒྱུས་ཆགས་བསྡད་ཡོད་པ་དང་། ཁོང་གི་འཛེམས་ཟོན་མེད་པའི་གསུངས་བཤད་དང་ཐུགས་སྟོབས་ལ་མི་མང་པོའི་བརྩི་བཀུར་དང་གུས་ཞབས་བྱེད་ཀྱི་འདུག །རྡོ་རྗེ་ཤུགས་ལྡན་བསྟེན་གསོལ་གྱི་ཆོས་བརྒྱུད་མི་ཉམས་ཤིང་བསྟེན་གསོལ་ཤུགས་ཆེར་གཏོང་བའི་ཆེད་དུ་ཆིག་སྒྲིལ་ཇི་ལྟར་བྱེད་ཚུལ་གྱི་སྐོར་ཁོང་གིས་གསུངས་བཤད་ལེགས་པར་གནང་ཡོད།

དེང་སང་གནས་སྟངས་ལ་ལྟོས་ནས་རྡོ་རྗེ་ཤུགས་ལྡན་གྱི་སྐོར་དྲང་པོ་བཤད་ཐུབ་མཁན་འགའ་ཤས་མ་གཏོགས་ཡོད་པ་མ་རེད། བོད་པའི་སྤྱི་ཚོགས་ནང་། གལ་ཏེ་ཁྱེད་ཀྱིས་རྡོ་རྗེ་ཤུགས་ལྡན་བསྟེན་གསོལ་བྱེད་ཀྱི་ཡོད་ན། སྤྱི་ཚོགས་དེའི་ནང་ནས་བཙན་འབུད་གཏོང་ཞིང་། དབྱེ་འབྱེད་བྱེད་ཅིང་ཕན་ཚུན་འབྲེལ་བ་མེད་པ་བཟོ། ཁང་པ་ལ་རྡོ་ཞུ། ཁྱོད་ཀྱིས་རྡོ་རྗེ་ཤུགས་ལྡན་བསྟེན་གསོལ་བྱས་པ་ཧ་གོ་ན། ཁྱེད་ལ་སྤྱི་ཚོགས་ནང་ནས་བཙན་འབུད་དང་དབྱེ་འབྱེད་བྱེད་ཐབས་སྣ་ཚོགས་བྱེད་ཀྱི་རེད། དེ་འདྲ་སོང་ཙང་། རྡོ་རྗེ་ཤུགས་ལྡན་བསྟེན་མཁན་མང་ཆེ་བ་ལ་དངོས་སུ་མི་མང་ནང་བཤད་ཆོག་པའི་ཐོབ་ཐང་ཙམ་ཡང་མེད་པ་ཤེས་བྱུང་།

དེ་ལ་བླ་མ་ཐུབ་བསྟན་ཕུར་བུ་མཆོག་དང་། དགེ་བཤེས་བསྟན་འཛིན་དཔལ་འབྱོར་མཆོག །མཁས་དབང་ཀུན་བདེ་གླིང་རིན་པོ་ཆེ་མཆོག །བདེ་ཆེན་སྤྲུལ་སྐུ་སོགས་སྲོག་ལ་ཉན་ཁ་ཅན་གྱི་བླ་མ་མང་པོ་རྡོ་རྗེ་ཤུགས་ལྡན་གྱི་བསྟེན་གསོལ་བྱེད་མཁན་གྱི་བར་ལ་ཆིག་སྒྲིལ་བཟོ་བར་འཛམ་གླིང་གང་སར་ནས་ང་ཚོའི་དགོས་དོན་སྒྲུབ་པའི་ཆེད་དུ་ཚོགས་ཆེན་ནང་ཆིབས་བསྐྱོད་གནང་བ་དེ་ལ་བརྟེན་ང་ཚོ་ངལ་དུབ་སངས་ཀྱི་འདུག །

ཚོགས་ཆེན་ནང་བཅར་ཐུབ་ནས་ང་ཚོས་ད་ལྟ་གང་བྱེད་བཞིན་པའི་ལས་དོན་འདི་ཚོ་ཚང་མ་སངས་རྒྱས་ཀྱི་བསྟན་པ་དར་ཞིང་རྒྱས་པར་ཧ་ཅང་གལ་ཆེན་པོ་ཡིན་པས། ངོ་མཚར་ཅན་གྱི་ཉམས་མྱོང་གསར་པ་འཕེལ་སོང་། མང་པོ་ཞིག་གིས་རྒྱུ་མཚན་དེ་དང་བསྟེན་གསོལ་དེའི་རྩ་ཆེན་ཆོས་བརྒྱུད་དེ་འཛིན་སྐྱོང་སྤེལ་གསུམ་བྱེད་པར་འབད་བརྩོན་མང་པོ་བྱས་ཡོད། ང་ཚོས་གནད་དོན་གཞན་གྱི་སྐོར་མིན་པའི་རྡོ་རྗེ་ཤུགས་ལྡན་ཁོ་ནའི་སྐོར་བཤད་པས་མི་མང་པོ་ཧང་སངས་ཀྱི་འདུག །འོན་ཀྱང་མི་ཚོས་མ་མཐོང་དེ་གང་ཡིན་ཞེ་ན། དེ་ཆོས་ལུགས་གཞན་དང་གཅིག་པ་ཡིན་ཞིང་། རྡོ་རྗེ་ཤུགས་ལྡན་གྱི་གནད་དོན་གང་མ་རེད། གནད་དོན་དངོས་ནི། བཙན་འབྱོལ་བོད་གཞུང་གི་ལམ་འགྲོ་མ་རྒྱུག་པ་དེ་ངོས་ལེན་བྱེད་མ་ཐུབ་པས། དེ་ཚོའི་མི་གཞན་ལ་མ་ཉེས་ཁ་ཡོག་བྱ་ཡུལ་དང་ཉེས་སྐྱོན་བྱ་ཡུལ་དགོས་པས། ཏན་ཏན་ལྷ་དང་འབྲེལ་བའི་སྐྱོན་བརྗོད་བྱེད་པར་ལས་སླ་པོ་ཡོང་གི་ཡོད་རེད། དེ་ཚོའི་རྒྱུ་མཚན་གང་ཡོད་ཀྱང་། ཆོས་ལུགས་ལ་ལྟོས་ནས་སྤྱི་ཚོགས་ཀྱི་གྲལ་ནས་བཙན་འབུད་གཏོང་མི་ཆོག་ཞིང་། བོད་གཞུང་གིས་དམངས་གཙོའི་ལམ་ལུགས་ལ་དངོས་གནས་ཡིད་ཆེས་ཡོད་ན་འདི་ལས་ཐབས་ཤེས་གཞན་པ་གཏོང་དགོས་རེད།

ང་ཚོགས་ཆེན་དང་པོ་དེར་བཅར་ནས་ངོ་མཚར་ཅན་གྱི་ཉམས་མྱོང་གསར་པ་མང་པོ་སྐྱེ་ཡོད་པས་ང་ལ་སྤོབས་པ་ཆེན་པོ་ཞེས་དྲག་ཡོད། ཚོགས་ཆེན་གོ་སྒྲིགས་པ་དང་སྐུ་བཅར་བ་ལྷན་རྒྱས་ཚོ་ལ་ཚོགས་ཆེན་ལེགས་པར་སྒྲུབ་པར་གོ་སྒྲིགས་གནང་པས་བཀའ་དྲིན་རྗེས་དྲན་གྱི་ཐུགས་རྗེ་ཆེ་ཞུ། ཚོགས་ཆེན་དེ་སྐུ་བཅར་བ་རྣམ་པའི་ཆེད་དུ་ཐུགས་འཁུར་ཆེན་པོ་གནང་ནས་དཔེ་མ་སྲིད་པའི་གོ་སྒྲིགས་གནང་འདུག །ང་སྤྱིར་སྟངས་བཤད་ན། འདི་སྔོན་བོད་རིགས་སྤུན་ཟླ་ཚོ་མཉམ་དུ་དུས་ཚོད་སྐྱེལ་ཡོད་མ་རེད། འོན་ཀྱང་བོད་པའི་རིག་གཞུང་དང་གོམས་གཤིས་མཐོང་དུས་ཞེ་དྲགས་དགའ་པོ་བྱུང་། གལ་ཆེ་ཤོས་དེ་ནི། ང་རང་དེར་བཅར་ནས་བོད་པའི་སྤྱི་ཚོགས་ཀྱི་རྡོ་རྗེ་ཤུགས་ལྡན་གྱི་སྐོར་ཤེས་པའི་གོ་སྐབས་བཟང་པོ་གནང་མཁན་ངའི་དགེ་བའི་བཤེས་གཉེན་༧སྐྱབས་རྗེ་ཚེམས་རིན་པོ་ཆེ་སྐུ་ཕྲེང་ཉེར་ལྔ་པ་མཆོག་ལ་ཐུགས་རྗེ་ཆེ་ཞུ་རྒྱུ་ཡིན་ལགས།

ཀར་མེན་ཀུའུ།

ངས་འཛམ་གླིང་རྒྱལ་ཡོངས་ཤུགས་ལྡན་ཆོས་ཚོགས་ཀྱི་འཐུས་མི་ལྷན་ཚོགས་རྒྱས་འཛོམས་དང་པོའི་སྐོར་ཐོས་དུས་ག་རེད་རེ་བ་བྱེད་དགོས་སྐོར་བསམ་བློ་འཁོར་མ་སོང་། ད་བར་ང་རང་ཆོས་ལུགས་ཀྱི་ཚོགས་འདུ་ཁག་ནང་དུས་ནམ་ཡང་བཅར་མེད་པ་དང་། རྡོ་རྗེ་ཤུགས་ལྡན་བསྟེན་གསོལ་གནང་བླ་མ་དང་དགེ་རྒན། དེ་བཞིན་དད་གུས་བྱེད་མི་མཉམ་དུ་ཚོགས་འདུ་ཚོགས་ཡ་ནི་ག་པར་ག་པར། ཚོགས་འདུ་ནང་སུ་སུ་ཕེབས་ཀྱི་ཡོད་མེད་སྐོར་དང་ཚོགས་དུས་སྐབས་ག་རེད་འབྱུང་གི་ཡོད་མེད་གང་ཡང་ཧ་གོ་གིན་མེད། ཡིན་ནའང་ཚོགས་འདུ་ནང་བློ་མགུ་ནུས་པ་དང་དགོས་དོན་སྒྲུབ་པ་དྲན་འོས་ཉམས་མྱོང་གང་འདྲ་ཡོང་སྐོར་བལྟ་རྒྱུ་ལྷག་ཡོད།

༢༠༡༨ ཟླ་དང་པོའི་ཚེས་ ༤ ཉིན་ང་ཚོ་ཚང་མ་གཡག་དང་ཡེ་ཏི་མགྲོན་ཁང་དུ་ཚོགས་འདུ་ཉིན་དང་པོར་བཅར་བ་ཡིན། དང་པོ་ངས་སེམས་ནང་ག་རེ་དྲན་སོང་ཟེར་ན། ཁང་པ་ཆུང་ཆུང་ཞིག་ནང་ཚོགས་མི་འགའ་ཤས་ཅོག་ཙེ་གཡས་གཡོན་དུ་བཞུགས་ཀྱི་ཡོད་པ་དེ་འདྲ་དྲན་སོང་། དེར་གང་འདྲ་ཡོད་མེད་སྐོར་ཤེས་འདོད་ཆེན་པོ་ཡོད་དུས་ང་དང་པོ་ཁོ་རང་ཚོགས་གནས་སུ་འགྲོ་དུས་གོ་སྒྲིག་ཧ་ཅང་ཡག་པོ་བྱེད་ཡོད་པའི་ཚོགས་ཁང་ཆེན་པོ་ཞིག་མཐོང་བྱུང་། དེ་ནས་ངས་རྒན་བྱང་སེམས་ལགས་ཟུར་ལམ་ནས་ཡར་མར་ཕེབས་ཏེ་གོ་སྒྲིག་ཡག་པོ་གནང་གི་ཡོད་པ་དང་། མགྲོན་ཁང་གི་ལས་བྱེད་པ་རྣམས་ལ་ལས་ཀ་བསྐུལ་བཞིན་ཡོད་པ་མཐོང་བྱུང་། རྒན་བྱང་སེམས་ལགས་མཇལ་རྒྱུ་རགས་དུས་ཞེ་དྲགས་ཀྱི་དགའ་ཚོར་ཆེན་པོ་སྐྱེས་པ་དང་ཚོགས་འདུ་འདི་ཚོགས་མི་དང་། གོ་སྒྲིག་ལྷན་ཚོགས་ཆེད་དུ་ཧ་ཅང་གི་གལ་ཆེན་དོན་ཆེན་ཞིག་ཡིན་པ་དེ་ནས་ཤེས་བྱུང་།

དེ་ནས་ང་མགྲོན་ཁང་གི་བར་འཁྱམས་སུ་ལོག་ཡོང་དུས་རེ་རེ་བྱེད་ནས་བླ་མ་དང་དགེ་བཤེས། གྲྭ་པ། ལྷ་བསྟེན་མཁན་ཡོངས་རྫོགས་ཚོགས་ཁང་གི་ནང་ལོག་ལ་ཕེབས་ཀྱི་ཡོད་པ་མཐོང་། བདག་གིས་བཀུར་འོས་དགེ་བཤེས་བསྟན་འཛིན་དཔལ་འབྱོར་ལགས་ལ་མཇལ་དར་ཕུལ་བ་ཡིན། ངས་ཁོང་ལ་དྲ་རྒྱའི་ནང་དང་སྐུ་པར་ནང་མ་གཏོགས་མཇལ་རྒྱུ་བྱུང་མེད། དགེ་བཤེས་ལགས་ལ་མ་སྒྲིག་པ་གང་ཡང་མེད་པ་དང་ཁོང་ལྟ་བུ་དགེ་བཤེས་མཇལ་རྒྱུ་རགས་པ་ནི་སྐྱེ་བ་བཟང་པོ་ཡིན་དྲན་སོང་། ཚོགས་འདུ་ཚོགས་སྐབས་ཡང་སོ་སོའི་གསུང་བཤད་ལེགས་པོའི་ཐོག་ནས་གནང་བ་དང་ང་ཚོའི་བརྒྱུད་པ་འཛིན་སྐྱོང་སྤེལ་གསུམ་གནང་མཁན་གྱི་བླ་མ་ཁག་ལ་ཁོང་གིས་བསྔགས་པ་ཡང་བརྗོད་ཏེ་ཚང་མ་རྡོ་རྩ་གཅིག་སྒྲིལ་བྱེད་ཏེ་ཆོས་རྒྱུད་མི་ཉམས་རྒྱུད་འཛིན་བྱེད་དགོས་སྐོར་གསུངས།

ཚོགས་བཅར་བ་རྣམས་སྒོ་ནས་ནང་ལོག་ཕེབས་ཀྱི་ཡོད་པ་མཐོང་དུས་ངའི་སེམས་ནང་སྤྲོ་ཤུགས་སྐྱེས་བྱུང་། ཚེམས་རིན་པོ་ཆེའི་ཕྱག་མཛོད་བེང་ཀུའི་ལགས་དང་། ཨ་ནི་བློ་བཟང་པདྨ། ཨེ་བི། མར་ཊིན་རྣམས་ཀྱིས་སྐུ་བཅར་བ་གྲོགས་པོ་རྙིང་པ་རྣམས་ལ་འཚམས་འདྲི་ཞུ་བ་དང་ངོ་ཤེས་གསར་པ་རྣམས་ལ་སྙིང་ཁོང་ནས་འཛུམ་བག་གི་རྣམ་འགྱུར་སྟོན་པ་མཐོང་། ཚོགས་འདུ་ནང་ལོག་ང་ཚོ་མི་ ༡༤ ནི་ཕྱིའི་རྒྱལ་ཁབ་ཀྱི་མི་ཞིག་ཚོགས་འདུ་དེའི་ནང་བཅར་ཡོད་པས། ཉིན་གསུམ་པ་བར་ང་ཚོ་ལ་མགྲོན་བསུ་ཞེ་དྲགས་གནང་བྱུང་། མི་གཞན་གྱིས་ང་ཚོ་ཚོགས་མི་ཡིན་པ་ཤེས་དུས་ང་ཚོ་ལ་སོ་སོའི་པར་ཡོད་པའི་ལས་རྟགས་ཡང་ཐོབ་སོང་། དེ་ཡང་སྲུང་སྐྱོབ་འཆར་གཞི་སྐུ་བཅར་བ་རྣམས་ཀྱི་ཆེད་དུ་སྲུང་སྐྱོབ་ཡོད་པའི་སྲུང་སྐྱོབ་འགན་འཛིན་ཚོས་ཞིབ་བཤེར་བྱེད་པ་དང་ཚོགས་ཁང་ནང་མ་འཛུལ་གོང་ལྕགས་རིགས་ཡོ་ཆས་རྩད་ཞིབ་གློག་གི་རྒྱུ་ཆ་བརྒྱུད་ནས་འཛུལ་དགོས་པའི་ཚོགས་འདུ་ལྷན་ཚོགས་ནས་གོ་སྒྲིག་ཡག་པོ་གནང་འདུག །འདིའི་ག་རེད་བསྟན་གྱི་ཡོད་རེད་ཟེར་ན། རྡོ་རྗེ་ཤུགས་ལྡན་བསྟེན་གསོལ་གནང་མཁན་ཚོ་ལ་ག་དུས་ཡིན་ཡང་སྲོག་ལ་ཉན་ཁ་ཡོད་པ་དང་མི་གཞན་གྱིས་གནོད་སྐྱོན་བྱེད་པའི་གོ་སྐབས་འཚོལ་བཞིན་ཡོད་དུས་སོ་སོའི་སྤྱང་གྲུང་བྱེད་དགོས་ཀྱི་ཡོད་པ་སྟོན་པ་རེད། དེ་ཡིན་དུས་ཚོགས་འདུ་ནང་སུ་སུ་ཕེབས་ཀྱི་ཡོད་མེད་སྐོར་ཚོགས་འདུ་མ་ཚོགས་གོང་དུ་གསལ་བསྒྲགས་མི་བྱས་པའི་རྒྱུ་མཚན་དེ་ལྟར་རེད་འདུག །

ཚོགས་འདུ་མཛད་སྒོ་དེ་སྟོན་པ་བཅོམ་ལྡན་འདས་ལ་མཆོད་སྤྲིན་མར་མེ་ཞལ་ཁ་ཕྱེ་སྟེ་འགོ་འཛུགས་པ་དང་། བལ་ཡུལ་སྲུང་སྐྱོབ་བློན་ཆེན་བཀུར་འོས་བྷིམ་སེན་དས་པར་དྷན་མཆོག་དང་དཔལ་འབྱོར་བློན་ཆེན་གོང་མ་སྐུ་ངོ་སན་ཀར་པར་སཊ་ཀོའི་ར་ལ་རྣམ་གཉིས་ཀྱིས་མཛད་སྒོར་གསུང་བཤད་ཡང་གནང་ཏེ། བལ་ཡུལ་རྒྱལ་ཁབ་ཀྱི་དབུ་ཁྲིད་རྣམས་ཀྱི་ཆོས་ལུགས་གང་འདྲ་ཞིག་ཡིན་ཡང་གཞུང་འདི་ཉིད་ནང་ངོས་ལེན་གནང་གི་རེད་ཞེས་མིག་དཔེ་ཡག་པོ་ཞིག་སྟོན་སོང་། དེར་རིགས་གཞུང་ཡག་པོ་དང་། ཞི་བདེ། ངོས་ལེན། བརྩི་བཀུར། བཟོད་སྒོམ་སོགས་ཚད་གཞི་ཡིན་པ་ཡིན་དུས་ཧ་ཅང་གི་ལེགས་པོ་རེད།

བླ་མ་ཐུབ་བསྟན་ཕུར་བུ་མཆོག་སྐོར་ཐོས་པ་དང་ཁོང་མཇལ་བ་ནི་ཐེངས་དང་པོ་ཡིན། ང་རང་ཚོའི་བརྒྱུད་པའི་ཆེད་དུ་ཁོང་གིས་ཕྱག་ལས་མང་པོ་གནང་ཡོད་པ་དང་། ཁོང་ཚོགས་འདུ་ནང་ཡོད་དུས་སོ་སོ་ཡིན་ནའང་སེམས་ཤུགས་འཕེལ་སོང་། ཁོང་གི་གསུང་བཤད་གནང་བའི་ནང་ཚོགས་འདུ་ཚོགས་དགོས་པའི་དམིགས་ཡུལ་དང་ང་ཚོ་ཚང་མ་དེར་འཛོམས་ཏེ་རྗེ་ཙོང་ཁ་པ་ཆེན་པོའི་བསྟན་པ་ཤུགས་ཆེན་པོར་སྤེལ་བར་གང་བྱེད་དགོས་དང་། སྐུ་ཚབ་མང་པོའི་དེ་དག་གི་དཀྱིལ་དུ་གང་གསུང་དགོས་དང་མི་དགོས་སྐོར་ཡང་ནས་ཡང་དུ་གསལ་བཤད་གནང་སོང་། བླ་མ་ཐུབ་བསྟན་ཕུར་བུ་མཆོག་ནི་གཞན་ལ་མཐུན་པོ་དང་གུས་ཞབས་ལྡན་པའི་བླ་མ་ཞིག་རེད།

ཉིན་གསུམ་གྱི་ཚོགས་འདུ་རིང་གར་མཁས་དབང་ཀུན་བདེ་གླིང་རིན་པོ་ཆེ་མཆོག་གིས་ཐུགས་རྗེས་དང་ལྡན་པའི་སྒོ་ནས་ཁོང་རང་རང་ཉིས་དངོས་ནས་ང་རང་ཚོའི་ཆེད་དུ་སྐད་བསྒྱུར་གནང་བ་དང་། ཀུན་བདེ་གླིང་རིན་པོ་ཆེས་སྐད་བསྒྱུར་དང་འགྲེལ་བཤད་དང་གསལ་བཤད་མི་བྱེད་པ་ཡིན་ན་ང་ཚོས་དོན་གཏིང་ཟབ་པོ་དེ་འདྲ་ཤེས་མི་ཐུབ། ཀུན་བདེ་གླིང་རིན་པོ་ཆེའི་ཐུགས་བརྩེ་ལ་ང་རང་ཚོ་ཡོངས་ནས་ཐུགས་རྗེ་ཆེ་ཞུ་རྒྱུ་ཡིན། 

སྤྱིར་ཚོགས་འདུ་ལེགས་པོ་བྱུང་། ཚོགས་བཅར་བ་རྣམས་ཚང་མས་སོ་སོའི་ངོས་ནས་གསུང་བཤད་དོན་དང་ལྡན་པ་གནང་བ་དང་། ད་ལྟ་ག་རེད་གནང་གི་ཡོད་པ་དང་མ་འོངས་པ་ན་ང་ཚོ་ཚང་མ་མཉམ་དུ་སྒྲིལ་ནས་རྡོ་རྗེ་ཤུགས་ལྡན་གྱི་ཆོས་བརྒྱུད་སྲུང་སྐྱོབ་བྱེད་སྟངས་ཀྱི་སྐོར་གོ་བསྡུར་དང་བགྲོ་གླེང་ཡག་པོ་བྱུང་། རྡོ་རྗེ་ཤུགས་ལྡན་དུས་ཆེན་ཞེས་གཏན་འབེབས་བྱེད་དགོས་པའི་བསམ་འཆར་འདི་ང་རང་ལ་ཞེ་དྲགས་ཀྱི་སྣང་བ་འགྲོ་སོང་། རྡོ་རྗེ་ཤུགས་ལྡན་ཀྱི་དུས་ཆེན་དེ་ལོ་གསར་ནང་བཞིན་ཞིག་གཏན་འབེབས་བྱེད་དགོས། དུས་ཆེན་དེ་གལ་གནད་ཅན་དང་མ་འོངས་པ་ནའང་རྟེན་འབྲེལ་བྱེད་དགོས། གང་ཡིན་ཟེར་ན་དུས་ཆེན་འདིའི་མི་མང་པོ་ཞིག་གི་ཤེས་རབ་ཀྱི་ལྷ་རྗེ་བཙུན་འཇམ་དཔལ་དབྱངས་དེ་ཉིད་ཆོས་སྐྱོང་རྡོ་རྗེ་ཤུགས་ལྡན་གྱི་རྣམ་པ་ཤར་བ་དེ་ལ་འབྲེལ་བ་བཟང་པོ་ཡོང་བ་བཟོ་ཐུབ་ཀྱི་རེད།

མཐར་དོན་དུ་བལ་ཡུལ་ཤུགས་ལྡན་ཚོགས་པ་དང་འགན་འཛིན་ལྷན་ཚོགས་ལ་ཚོགས་འདུ་ཆེན་པོ་འདི་ཆེད་དང་ལྡན་པ་གོ་སྒྲིག་བྱས་ནས་སྐུ་ཚབ་ཚང་མ་འཛོམས་ཐུབ་པ་བཟོས་བ་ཡིན་པས་བདག་གིས་ཁོང་རྣམས་ལ་སྙིང་ནས་ཐུགས་རྗེ་ཆེ་ཞུ་རྒྱུ་ཡིན། འདིས་ང་ཚོ་ཚང་མ་མཉམ་དུ་ཡོང་བ་དང་དེ་བས་ཀྱང་གཅིག་ཏུ་སྒྲིལ་ཐུབ་པ་གྲོགས་རྐྱེན་བྱེད་ཐུབ་པ་རེད།

ཅིའུ་མིང་ཝེན།།

ཉེས་ཆར་ཀེ་ཆ་ར་ཆོས་ཚོགས་ནས་ང་ཚོ་མི་འགའ་ཤས་བལ་ཡུལ་ཀཊ་མཎ་ཌུ་རུ་འཛམ་གླིང་རྒྱལ་ཡོངས་ཤུགས་ལྡན་ཆོས་ཚོགས་ཀྱི་འཐུས་མི་རྒྱས་འཛོམས་ཀྱི་ལྷན་ཚོགས་སུ་བཅར་ཐུབ་པའི་གོ་སྐབས་བཟང་པོ་ཞིག་རྙེད་པ་རེད། ཚོགས་འདུ་དེར་མ་བཅར་གོང་དུ་ངས་རྡོ་རྗེ་ཤུགས་ལྡན་བསྟེན་གསོལ་གྱི་གནད་དོན་སྐོར་ཞེ་དྲགས་མང་པོ་མི་ཤེས། དྲང་པོ་ཞུས་ན་གནད་དོན་དེ་ཚབས་ཆེན་འདི་འདྲ་ཡོད་པ་བདག་གིས་ཤེས་མ་བྱུང་། དེའི་སྐོར་དོ་སྣང་ཡང་དེ་ཙམ་མ་བྱུང་། གང་ཡིན་ཟེར་ན་མ་ལེ་ཤི་ཡའི་ནང་རྡོ་རྗེ་ཤུགས་ལྡན་བསྟེན་གསོལ་བྱེད་པ་ཡིན་ན་རྙོག་དྲ་གང་ཡང་ཡོད་པ་མ་རེད། ཀེ་ཆ་རའི་ཚོགས་མི་ང་འདྲ་བ་མི་མང་པོའི་ཆེད་དུ་རྡོ་རྗེ་ཤུགས་ལྡན་བསྟེན་གསོལ་དེ་ཉིད་ནང་ཆོས་ཉམས་ལེན་ཕལ་པ་ཙམ་རེད།

གནད་དོན་དེ་དངོས་ནས་ཚབས་ཆེན་འདི་འདྲ་ཡོད་པ་དང་འདིའི་རྐྱེན་གྱིས་མི་མང་པོའི་སྲོག་ལ་སྡིག་ར་བསྐུལ་གྱི་ཡོད་པ་དང་། འགའ་ཤས་སོ་སོའི་སྲོག་ཤོར་ཡོད་པའི་གནད་དོན་དེ་ཚོགས་འདུ་འདི་ཚོགས་ནས་མ་གཏོགས་ཧ་གོ་མ་སོང་། ང་ཚོས་རྒྱལ་ཁབ་གཞན་ནས་ཕེབས་པའི་སྐུ་མགྲོན་རྣམས་མཉམ་དུ་བཀའ་མོལ་གནང་རྒྱུ་བྱུང་བས་ཁོང་ཚོའི་སེམས་སྐྱོ་བའི་མྱོང་ཚོར་སྐོར་གསུངས་བྱུང་། རྡོ་རྗེ་ཤུགས་ལྡན་བསྟེན་གསོལ་གནང་མཁན་རྣམས་ལ་དཀའ་ངལ་འཕྲད་བཞིན་ཡོད་པ་དང་ཉིན་རྟག་པར་སེམས་ཁྲལ་ཡང་ཡོད་རེད། རྡོ་རྗེ་ཤུགས་ལྡན་བསྟེན་གསོལ་གནང་མཁན་རྣམས་ལ་ས་ཁུལ་འགའ་ཤས་ནང་གཞུང་གི་སྨན་ཁང་དང་སློབ་གྲྭ་སོགས་ནང་འགྲོ་མི་ཆོག་པ་དང་། མི་མང་གི་མཐུན་རྐྱེན་གང་ཡང་སྤྱོད་མི་ཆོག་པ་དང་། དེ་བཞིན་ཚོང་ཁང་བདག་པོ་དེ་ལྷ་མི་བསྟེན་མཁན་ཞིག་ཡིན་པ་ཡིན་ན་ཁྱེད་རང་ཚོང་ཁང་དེར་འཛུལ་ཆོག་གི་མ་རེད། ད་དུང་མི་འགའ་ཤས་ལ་གནོད་འཚེ་སྐྱེས་ཡོད་པ་དང་འགའ་ཤས་སྨན་ཁང་དུ་ཉལ་དགོས་པ་བཟོས་ཡོད།

འཛམ་གླིང་རྒྱལ་ཡོངས་ལྷན་ཚོགས་འདིའི་བསྒྲུབ་བྱ་མཐར་ཐུག་དེ་འཛམ་གླིང་གང་སར་བཞུགས་ཡོད་པའི་རྡོ་རྗེ་སྤུན་གྲོགས་རྣམས་འཛོམས་ཏེ་སངས་རྒྱས་ཀྱི་གསུང་སྒྲ་འགྲིག་པོའི་སྒོ་ནས་གང་འདྲ་འཛིན་སྐྱོང་སྤེལ་གསུམ་བྱེད་དགོས་པ་དང་དམངས་གཙོའི་ལམ་ལུགས་ཀྱི་ཐབས་ལམ་འཚོལ་བའི་ཆེད་ཡིན། ཚོགས་འདུ་སྐབས་སུ་སྐུ་ཚབ་པ་རྣམས་ཀྱིས་སོ་སོའི་བསམ་འཆར་དང་རྡོ་རྗེ་ཤུགས་ལྡན་བསྟེན་གསོལ་དེ་མི་མང་བར་ལ་གང་འདྲ་སྤེལ་དགོས་སྐོར་བགོ་འགྲེམས་གནང་། རང་ངོས་ནས་བཤད་ན་རྡོ་རྗེ་ཤུགས་ལྡན་ཆོས་སྐྱོང་སྲུང་མའི་སྐུར་བཞེངས་པའི་ཉིན་མོ་དེར་རྡོ་རྗེ་ཤུགས་ལྡན་དུས་ཆེན་ཞེས་གཏན་འབེབས་བྱེད་དགོས་པའི་བསམ་ཚུལ་དེ་ཞེ་དྲགས་ཀྱི་ཡག་པོ་དང་དོན་དང་ལྡན་པ། རྟེན་འབྲེལ་བཟང་པོ་རེད་བསམ་གྱི་འདུག །དུས་ཆེན་ཉིན་མོ་དེ་ནང་ང་ཚོས་རྡོ་རྗེ་ཤུགས་ལྡན་བསྐང་གསོ་དང་ཞབས་བརྟན་ལ་སོགས་པ་ཚོགས་ཐུབ་པ་དང་རྡོ་རྗེ་ཤུགས་ལྡན་གྱི་འཆམ་འཁྲབ་སྟེ་ཆོས་སྐྱོང་སྐུར་བཞེངས་པའི་ཉིན་མོ་ཡིན་ཞེས་དྲན་གསོ་བྱེད་ཐུབ་པ་དང་། དམིགས་བསལ་གྱི་སྲུང་མ་དང་མི་མང་གི་བར་ལ་འབྲེལ་བ་བཟང་པོ་ཞིག་བསྐྲུན་རྒྱུའི་གོ་སྐབས་ཡང་རྙེད་ཀྱི་རེད།

ང་རང་གི་བསམ་འཆར་བཤད་ན་ཚོགས་འདུ་དེའི་ནང་རིགས་གཞུང་མི་འདྲ་བ་ཡོད་སྡད་མཁན་གྱི་ཤེས་ཡོན་ཅན་དང་ཉམས་མྱོང་ཡོད་མཁན་མི་སྣ་ཚོགས་མང་པོ་མཉམ་དུ་འཛོམས་ཏེ་དོན་གནས་གལ་ཆེན་པོའི་ཆེད་དུ་ལས་དོན་གསར་པ་ཞིག་སྤེལ་གྱི་ཡོད་པ་མཐོང་། དེ་ལྟར་མཉམ་དུ་འཛོམས་ཏེ་ཕན་ཚུན་ཤེས་ཡོན་གྱི་རིག་པ་བརྗེ་ལེན་བྱེད་པ་དང་། སངས་རྒྱས་ཀྱི་བསྟན་པ་དེ་ཉིད་འབྱུང་འགྱུར་མི་རབས་ཀྱི་ཆེད་དུ་གཅེས་སྲུང་བྱེད་ཀྱི་ཡོད་པ་གསལ་པོ་རེད། མ་འོངས་པ་ནའང་གྲོས་ཚོགས་འདི་འདྲ་ཡང་ནས་ཡང་དུ་ཚོགས་ཐུབ་པ་ཡིན་ན་ཞེ་དྲགས་ཀྱི་ཡག་པོ་རེད་བསམ་གྱི་འདུག །དེ་འདྲ་གནང་ན་མི་མང་ལ་དམིགས་བསལ་གྱི་ཕན་པ་ཡོད་པ་དང་རྗེས་འབྲས་ཐོན་པ་ཞིག་དང་སངས་རྒྱས་ཀྱི་བསྟན་པ་འདི་ཡང་ཕྱོགས་གང་སར་ཁྱབ་པར་ཡོང་ཐུབ་ཀྱི་རེད།

འཛམ་གླིང་འདི་ནང་མི་ཚང་མའི་མི་ཚེ་ནང་བདེ་སྐྱིད་འདོད་ཀྱི་ཡོད་པ་ནི་ཚང་མ་གཅིག་པ་ཡིན། འདི་ཡིན་དུས་འཇིག་རྟེན་འདི་ནང་ཞེན་ལོག་དང་དམག་འཁྲུག་དང་པོ་ཉིད་ནས་ཡོད་པ་དང་འདིས་ཚང་མ་ལ་གནོད་ཀྱི་ཡོད་པས། གང་བྱེད་ནས་གཞན་ལ་མི་དགའ་བ་དང་འཁྲུག་རྩོད་སོགས་ལང་གི་ཡོད་དམ། ཚང་མ་ཞི་བདེ་ཡོང་བའི་ཆེད་དུ་ཕན་ཚུན་བརྩེ་བ་དང་རྩི་མཐོང་བྱེད་ཐུབ་ཀྱི་མེད་དམ། ང་ཚོ་ཚང་མའི་འདོད་པ་དེ་མི་ཚེ་འདི་ནང་ཞི་བདེ་སྒོམ་ཡ་འདི་མིན་ནམ། ཆོས་ལུགས་གཅིག་གི་གཅིག་ལ་སྐྱོན་བརྗོད་ག་རེ་བྱས་ནས་བྱེད་ཀྱི་ཡོད་པ་དང་། སྐྱོན་བརྗོད་མི་བྱེད་པའི་ཆེད་དུ་ཆོས་ལུགས་སོ་སོས་ང་ཚོ་མི་སྤྱོད་པ་བཟང་པོ་དང་ལྡན་དགོས་ཞེས་སློབ་ཀྱི་ཡོད་པ་མ་རེད། ང་ཚོས་སྤྱོད་པས་ང་ཚོ་མི་གང་འདྲ་ཞིག་ཡིན་པ་སྟོན། ང་ཚོ་ཚང་མའི་ཆོས་ཉམས་ལེན་བྱེད་ཀྱི་ཡོད་རེད། ཡིན་ཡང་ང་ཚོས་ཆོས་ལུགས་གཞན་པ་དང་ཆོས་པ་གཞན་ལ་མཚན་སྨོད་བྱེད་པ་གོ་འཛུགས་ན་ང་ཚོས་དངོས་གནས་ཆོས་ཉམས་ལེན་བྱེད་ཀྱི་ཡོད་མེད་གསལ་པོ་ཤེས་ཐུབ།

མཐའ་མར་གལ་ཆེ་ཤོས་དེ་བདག་ཅག་རྣམས་ལ་དམིགས་བསལ་གྱི་བཀའ་དྲིན་གྱིས་འཚོ་བ་དགེ་བའི་བཤེས་གཉེན་ཆེན་པོ་དཔལ་ལྡན་མཁས་དབང་ཚེམས་རིན་པོ་ཆེ་སྐུ་ཕྲེང་ཉེར་ལྔ་པ་མཆོག་ལ་ཐུགས་རྗེ་ཆེ་ཞུ་རྒྱུ་ཡིན། ཁོང་གིས་ཉིན་མཚན་མེད་པར་དུས་རྒྱུན་དུ་ང་ཚོ་ལ་ཆོས་གསུངས་བ་དང་། ཆོས་དང་མཐུན་པའི་ལམ་སྟོན་གནང་བ་སོགས་མདོར་ན། ང་ལྟ་བུ་མི་གདུག་རྩུབ་ཅན་ཞིག་ལ་ཆོས་ཀྱི་སྐོར་ལ་ཚིག་ཁ་ཤས་ཞིག་ཤེས་ཐུབ་པ་ཡང་ཁོང་གི་བཀའ་དྲིན་ལ་བརྟེན་ནས་བྱུང་བ་ཡིན། མ་འོངས་པ་ནའང་ང་ཚོ་ལ་ཆོས་ཡང་ནས་ཡང་དུ་གསུང་རོགས་གནང་། ང་དང་ང་འདྲ་བའི་སེམས་ཅན་ཐམས་ཅད་འཁོར་བ་ལས་སྒྲོལ་བར་རིན་པོ་ཆེ་མཆོག་སྐུ་ཚེ་ཡུན་དུ་བརྟན་རྒྱུ་ཧ་ཅང་གི་གལ་ཤིན་ཏུ་ཆེན་པོ་སོང་། རིན་པོ་ཆེ་མཆོག་སྐུ་ཚེ་མགོན་པོ་ཚེ་མཐའ་ཡས་ཀྱི་ངོ་བོར་བརྟན་རོགས་གནང་ཞེས་སྙིང་ནས་འབོད་བསྐུལ་ཞུ་རྒྱུ་ཡིན།