पवित्र दलाई लामा मेरा गुरु माननीय केन्सुर रिन्पोछे जाम्पायेशेसँग । यो तस्विर गादेन गुम्बामा लिइएको हो, जहाँ केन्सुर रिन्पोछेले मलाई पवित्र लामा नयाँ निर्धारित टुल्कु हुनुहुन्छ भनेर परिचय गराउनुभएको थियो । पवित्र लामाले सो परिचयलाई स्वीकार गर्नुभएको थियो । पवित्र दलाई लामालाई गादेन गुम्बाका सबै टुल्कुहरुका अवतारहरुसँग परिचय गराइनेछ । यो समयमा, तपाईंको गुरुले तपाईं कसको अवतार हुनुहुन्छ, तपाईं कसरी भेटिनुभयो, तपाईंको अभिषेक कहिले गरियो, तपाईंको माता-पिता, जन्मस्थल, नाम र यस्तै कुराहरु पवित्र दलाई लामालाई बताउनुहुनेछ । परिचय सकिएपछि पवित्र दलाई लामाले नयाँ टुल्कुले दिनुभएको भेट ग्रहण गर्नुहुनेछ । जब पवित्र लामाले परिचय र भेट स्वीकार गर्नुभएपछि उहाँले टुल्कुलाई स्वीकार्नुभयो र परम्पराअनुसार पृष्ठभुमि सबै बुझ्नुभयो भन्ने जनाउँछ ।
 
यस तस्विरमा, छेम रिन्पोछे(बाँया)का गुरु, गादेन शार्छे गुम्बाका भूतपूर्व आचार्य माननीय केन्सुर रिन्पोछे जेत्सन जाम्पायेशे (दाँया)ले पवित्र दलाई लामालाई छेम रिन्पोछेसँग आधिकारिक रुपमा परिचय गराउनुभएको थियो । यस उपलक्ष्यमा छेम रिन्पोछेले पवित्र दलाई लामालाई वज्रपानीको मूर्ति, खामभित्र प्रतिकका रुपमा केहि मुद्राको भेट, र अरु विभिन्न परम्परागत उपहारहरु चढाउनुभयो । पछि यस अवसारलाई याद राख्न यो तस्विर लिइयो । यस शुभभेट सन् १९९५ जनवरी ११ मा गादेन गुम्बामा भएको थियो । पवित्र दलाई लामाले केन्सुर रिन्पोछेको परिचय स्वीकार गर्नुभयो र आशीर्वाद दिनुभयो ।

पवित्र १४औं दलाई लामा जेत्सन जाम्फेल नवाङ लोब्सांङ येशे तेन्जिन ग्यात्सो पेल्सांग्पो,

हात जोड्दै, म निष्ठापूर्वक र विनम्रतापूर्वक तपाईंको करुणामय ध्यानको लागि अनुरोध गर्दछु ।

दोर्जे शुग्देनको अभ्यासमा प्रतिबन्ध लागेपछि र तिब्बती सरकारको निर्वासित क्षेत्रहरुभित्र यस प्रतिबन्धलाई चलनमा ल्याउन थालिएपछि, शुग्देन अनुयायीहरुले धेरै कष्ट सहनुपरेको छ । हामीले आफ्नै मान्छेहरुबाट भेदभाव सहनुपरेको छ, र हामीलाई तपाईंको प्रवचनमा सहभागी हुन अथवा तपाईंको उपस्थिति भएको ठाउँमा आउनबाट बन्चित गरिएको छ । शुग्देन अनुयाय गर्ने अभिभावकका बालबालिकाहरुलाई तिब्बती विधालयमा हेला गरिएको वा विधालयबाट निष्कासित गरिएको छ र शुग्देन अनुयायीहरु र उनीहरुको परिवारलाई भारतको तिब्बती शरणार्थी शिविरबाट बहिष्कृत गरिएको छ । एक संरक्षकको हिसाबले आफ्नो परिवारलाई आधारभुत प्रावधानहरु र खानाको व्यवस्था मिलाउनको लागि भए पनि हामीलाई तिब्बती व्यवसायमा संलग्न हुनबाट बन्चित गरिएको छ । हामीले तिब्बती परिचय-पत्र (पहेँलो पासपोर्ट) लिन खोज्दै पनि तपाईंको तिब्बती सरकारले दिने अनावश्यक समस्याहरुको सामना गर्नु परिरहेको छ, अतिआवश्यक उपचार र औषधी लिन पनि तिब्बती अस्पतालहरुमा हामीलाई अनुमति छैन, र योग्य भिक्षुहरुलाई आफ्नै गुम्बाहरुबाट धपाइएको र जीवनभर पालना गर्छु भनेका पवित्र शपथहरुलाई तोड्न बाध्य बनाइएको छ ।

हाम्रा कष्टहरुमध्य यी केहि कष्टहरु मात्र हुन् । सन् १९९६ मा पवित्र लामा र केन्द्रिय तिब्बती प्रशासनले दोर्जे शुग्देनको अभ्यासविरुद्ध लगाएको प्रतिबन्धदेखि म लगायत शुग्देन अनुयायीहरुले भोग्नु परेको अरु गणना गर्न नसकिने मानसिक र भावनात्मक यातनाजस्ता धेरै कष्टहरु छन् । त्यस समयदेखि पवित्र लामालाई धेरै मानिसहरुले दोर्जे शुग्देनमाथि लगाइएको प्रतिबन्ध हटाउने विवश आग्रह गरेका छन् । यो प्रजातान्त्रिक वा न्यायपूर्ण दुबै छैन, अझ यो त अमानवीय छ र यसले हरेक व्यक्तिको मौलिक हक र स्वतन्त्रतालाई चुँडेर लग्छ । यो निर्णयले पवित्र लामाले तिब्बतीहरुलाई दिनुभएको प्रजातन्त्रजस्तो अमूल्य उपहारले हुनुपर्ने परिणामभन्दा बिल्कुलै फरक दिशातिर लगेको छ र शुग्देन अनुयायीहरुलाई त्यहि प्रजातन्त्रबाट बन्चेत गर्दछ ।

हामीले जुनै धर्म माने पनि, हामी जुनै क्षेत्रबाट आएका भए पनि, र हामी अहिले जहाँ बसोबास गरे पनि हामी सबै तिब्बती हौँ । हामी सबै तपाईंलाई धेरै माया र धेरै आदर गर्छौं तर प्रतिबन्धका कारणले सन् १९९६ देखि हामीले तपाईंलाई भेट्न पाएका छैनौं र हामीलाई तपाईंको साह्रै याद आउँछ । मलाई चाहिँ पक्कै आउँछ । तपाईंले भन्नुभएको थियो कि यदि हामीले दोर्जे शुग्देनको अभ्यास गरिराख्यौं भने हामीले तपाईंको धार्मिक वा धर्म-निरपेक्ष, कुनै पनि किसिमको प्रवचनमा सहभागी हुन पाउँदैनौँ र तपाईंसँग कुनै पनि किसिमको अन्तरक्रिया हुँदैन । हाम्रा अधिनायक तपाईं हुनुभएकाले, के म यो विनम्र अनुरोध गर्न सक्छु कि हरेक तिब्बतीले जुन आध्यात्मिक पाठ अभ्यास गरे पनि कमसेकम तपाईंको धर्म-निरपेक्ष प्रवचनहरुमा सहभागी हुन पाउनुपर्छ । अध्यात्मिक समय (अध्यात्मिक सम्बन्ध)का कारणले हामीले तपाईंको आध्यात्मिक प्रवचनमा सहभागी हुन नपाउनु भनेको बुझ्न सकिने कुरा हो । तर देशको एक साधारण जनताले आफ्ना अधिनायकले धर्मनिरपेक्ष भाषण दिइरहनुभएका बेलामा आध्यात्मिक सम्बन्ध त पक्कै बन्दैन वा आध्यात्मिक जिम्मेवारी त पक्कै पैदा हुँदैन ।

कृपा गरेर, म पूर्ण आदरका साथ आग्रह गर्छु कि कृपया तिब्बती जनतालाई आफ्ना धार्मिक आस्थाका नाममा अझ भेदभाव नगर्नुहोस् । हाम्रो धर्महरु जुन भए पनि, वा हामी नास्तिक नै भए पनि, कृपया तिब्बती समुदायमा समानता कायम हुन दिनुहोस् र दोर्जे शुग्देन अनुयायीविरुद्धको यो कानुन खारेज गरिदिनुहोस् । सबै तिब्बतीहरुले गर्न पाउने कुराहरुबाट शुग्देन अनुयायीहरुलाई बन्चित नगरिदिनुहोस् । सबै नेताहरुले आफ्ना जनतालाई धर्म, जाति, लैंगिक अभिविन्यास, लिंग, आदि जुन भए पनि, आफ्नो भाषणहरुमा सहभागी हुन दिनुपर्दछ । सबै तिब्बतीहरुसँग पवित्र लामाका धर्मनिरपेक्ष कार्यक्रमहरुमा सहभागी हुन पाउने र तिब्बती समुदायमा समानताको आनन्द लिन पाउने अधिकार र सुविधा हुनुपर्दछ । यदि प्रतिबन्ध छैन भने, म र अरु हजारौं शुग्देन अनुयायीहरु पवित्र लामालाई प्रतिबन्ध सुरुभएको विगत दुई दशकदेखि अनुरोध गरिरहेका हुँदैन थियौँ ।

कोहिले दोर्जे शुग्देन अनुयायीहरु चीनसँग मिलेर पवित्र लामाको समुदायभित्र र भारत र नेपालमा भएका तिब्बतीहरुबीच विभाजन ल्याउन कोसिस गरिरेहेका छन् भनि दावा गर्दछन् । त्यो कुरा केहि मानिसहरुमा लागु होला, तर संसारभरिका दोर्जे शुग्देन अनुयायीहरुको मामलामा यो सत्य हुन पक्कै पनि सक्दैन, र यो मेरो सत्य पक्कै पनि होइन । संसारभरिका सरकारहरुसँग गठबन्धित हुने धेरै तिब्बतीहरु छन्, तर यो शुग्देनको अभ्याससँग काहिँबाट पनि सम्बन्धित छैन, र त्यसैले कृपया त्यस समुहमा दोर्जे शुग्देन अनुयायीहरुलाई नगाभ्नुहोस् । दलाई लामा, वा कुनै तिब्बती वा कुनै पनि मानिसलाई हानि पुर्याउन कोहिसँग पनि म कहिल्यै गठबन्धित भएको छैन । म बौद्ध भिक्षु हुँ र म मेरा बोधिसत्वका वचनलाई गम्भीर रुपमा पालना गर्दछु । मैले पवित्र लामाको विरुद्धमा कहिल्यै बोलेको छैन । मैले निजी वा सार्वजनिक स्थान कहीं पनि पवित्र लामाको विरुद्ध नारा लगाएको छैन । पवित्र लामाका लागि मेरो मनमा भएको आस्था, आशा र विश्वास कहिल्यै गुमेको छैन । म बस त्यो दिन पर्खिरहेछु जुन दिन मलाई पवित्र लामाको प्रवचनमा सहभागी हुन र तपाईंसँग शिक्षा लिने सौभाग्य उपलब्ध गराइनेछ । वास्तवमा, मलाई १५ वर्षको उमेरदेखि नै पवित्र लामासँग कालचक्र तन्त्र सिक्ने इच्छा छ । मेरो युवावस्थादेखि नै मलाई पवित्र लामाप्रति गहिरो आस्था छ र सधैँ हुनेछ ।

पवित्र लामालाई थाहा नै छ, दोर्जे शुग्देनको अभ्यास विगत ४०० वर्ष देखि गरिँदै आएको छ । सबैभन्दा सुरुवातमा शाक्य परम्परामा गरियो । शाक्य वंशबाट गेलुग्पाहरुले यो ग्रहण गरे । हामी दोर्जे शुग्देनको अभ्यास गरिरहेछौँ किनकि हाम्रा गुरुहरुले यी अभ्यास अध्यात्मिक प्रतिबद्धताका रुपमा हामीलाई दिनुभएको थियो र यसको अरु कुनै कारण छैन । म दोर्जे शुग्देनको अनुयाय गर्छु किनकि मलाई मेरा मूल गुरु क्याब्जे जंग रिन्पोछेले यो अभ्यास दिनुभएको थियो र उहाँको आदेश थियो कि म यसको सधैं पालना गरूँ । मेरा मूल गुरुप्रतिको मेरो प्रतिबद्धताका कारण म दोर्जे शुग्देनको अभ्यास गरिरहेछु । यदि मैले आफ्नो अभ्यास छोडिदिने हो भने, मैले मेरा मूल गुरुप्रतिको प्रतिबद्धता तोड्नेछु । तर यदि मैले मेरा मूल गुरुको प्रतिबद्धताको पालना गरिरहने हो भने दुर्भाग्यबस स्वत: पवित्र लामालाई अप्रिय भइरहेको रहेछु । पवित्र लामालाई अप्रसन्न बनाउनु मेरो इच्छा होइन, तर मैले मेरो अभ्यासलाई निरन्तरता दिनै पर्दछ किनकि यो मलाई मेरा मूल गुरुले आदेश दिनुभएको थियो । हामीले हाम्रा मूल गुरुहरुलाई दिएको आध्यात्मिक प्रतिबद्धता र वचन हामीले तोड्न मिल्दैन । पवित्र लामा यो पवित्र नियमका बारेमा अवगत नै हुनुहुन्छ ।

म चीनसँग गठबन्धन गर्नका लागि दोर्जे शुग्देनको अभ्यास गरिरहेको छैन, र म कहिल्यै पनि आध्यात्मिक कारण बाहेक दोर्जे शुग्देनको अभ्यास गर्ने र अरुलाई अभ्यास सिकाउने गर्दिन । दोर्जे शुग्देन बुद्धत्व प्राप्त गर्नुभएको प्राणी हुनहुन्छ कि हुनुहुन्न वा भर पर्न मिल्ने प्राणी हुनुहुन्छ कि हुनुहुन्न भन्ने कुरामा दार्शनिक विवाद हुन सक्छ तर हामीलाई आफ्नो धर्म भेदभाव, विभाजन र पक्षपातबिना पालना गर्न पाउने स्वतन्त्रको निर्णय गर्नमा यस कुराले फरक पर्न हुँदैन ।

कोहिले भन्छन् कि दोर्जे शुग्देनमाथि कुनै प्रतिबन्ध छैन तर पवित्र लामाका शब्दहरु निकै शक्तिशाली छन् । जब पवित्र लामाले, कयौँ पटक आफू वा दोर्जे शुग्देनमध्य कोहि एकलाई छान्न शशक्त रुपमा भन्नुभयो, तब यसले ठुलो प्रभाव पार्यो र मानिसहरु छान्न बाध्य भए । स्वाभाविक रुपमा, जसले दोर्जे शुग्देन छाने, उनीहरु अपहेलित, घृणित र बदनाम भए र तपाईंको शत्रु करार भए, जुन सत्य होइन । पवित्र लामाले विगत २० वर्षमा कयौं ठाउँमा मानिसहरुलाई दोर्जे शुग्देनको अभ्यास त्याग्न आदेश दिनुभएको छ । यदि उनीहरुले सो नगरेमा, उनीहरुले तपाईंको कुनै पनि प्रवचनमा भाग लिन पाउँदैनन् जुन निकै दुखद छ । किनकि तिब्बती समुदायमा तपाईंको शब्द नै नियम हो । तपाईंले आफैंले खुलेर यो प्रतिबन्ध नै हो भन्नु नै पर्दैन, तपाईंले आफ्नो अप्रसन्नता व्यक्त गर्नु नै प्रतिबन्धको बराबर हुन्छ । जसले शुग्देन अभ्यासलाई निरन्तरता दिन खोज्छन्, उनीहरुलाई आफ्नो धर्म पालना गरेबापत अलग पारिन्छ र अपहेलित गरिन्छ, र प्रजातन्त्रमा यस्तो हुने हुँदैन । तिब्बती समुदायहरुमा तपाईंका शब्दहरु निकै शक्तिशाली छन् । तपाईंबाट आउने एक अप्रसन्नताको शब्द पनि प्रतिबन्ध जतिकै हुन्छ । पश्चिमका नेताहरुको यस्तो प्रभाव छैन होला, तर तिब्बती समुदायमा यस्तो हुन्छ जुन पवित्र लामालाई पनि राम्ररी थाहा छ ।

दोर्जे शुग्देनको अनुयाय गरेकै कारणले मलाई सामाजिक सञ्जालमा आक्रमण गरिएको छ । सयौँ निर्दोष भिक्षुहरु यसै कारणले गुम्बाहरुबाट निस्कासित भएका छन् । सन् २००९ मा, अल जजिरा, एक प्रख्यात अन्तराष्ट्रिय संचार संस्थाले अनुसन्धान गरेपछि दोर्जे शुग्देनका अनुयायीहरुले भारत, नेपाल, र विश्वभर कष्ट खेप्नु परेको छ भन्ने निष्कर्ष निकालेको थियो । अल जजिराले आफ्नो समाचारमा यो कुरालाई स्पष्ट रुपमा प्रकाशित गरेको थियो । आजको दिनमा आएर, कोहि पनि आफ्नो धर्मका लागि अपहेलित र आक्रमित हुनु हुँदैन । म आदरपूर्वक भन्न चाहन्छु कि कुनै पनि नेताले, चाहे धार्मिक वा धर्म-निरपेक्ष, कुनै धर्म वा आध्यात्मिक पथको आलोचना गर्नु हुँदैन किनकि यसले मानिसहरुमा विभाजन ल्याउँदछ । सबै नेताहरुले प्रजातन्त्र, समानता र न्यायको सम्मानमा, सबै मानिसहरुलाई स्वीकार गर्नुपर्छ, चाहे उनीहरु कुनै पनि धर्म, जाति, लिंग आदिका हुन् । भारतस्थित तिब्बती समुदायमा पनि हामीलाई यस्तै खालको प्रजातन्त्रको आवश्यकता छ । तनाव र अरु धेरै हानिकारक कारणले ग्रस्त यो सानो संसारमा हामीलाई एकता, समन्वयता र सहनशीलता आवश्यक छ । कृपया आफ्ना जनतालाई बिना पक्षपात आफ्नै इच्छाले कुनै पनि धर्म पालना गर्न वा नगर्न दिनुहोस् ।

हामीलाई थाहा छ कि तपाईंले तिबब्तीहरुका लागि गर्न मिल्ने सबै गरिरहनुभएको छ तर कहिलेकाहिँ अन्जानमै एउटा समुहलाई लाभ हुने तपाईंको एउटा फैसलाले अर्को कुनै समूहलाई हानि पुर्याइरहेको हुनसक्छ । दोर्जे शुग्देनविरुद्धको प्रतिबन्धले मलगायत एक पक्षका तिब्बती समूहहरुलाई निकै कष्ट भइरहेको छ । कृपया यो बुझिदिनुहोस् ।

संसार धेरै परिवर्तन भइसक्यो र हामीले उत्तर र दक्षिण कोरियाका नेताहरु पनि मिलेर आफ्नो सम्बन्ध सुधार्न भेट गरेको देख्यौँ । यो सन् २०१८ को अप्रिल, अर्थात् केहि दिन अघि मात्र भएको हो । विगतमा यस्तो होला भनेर कसैले कल्पना पनि गर्न सकेको थिएन । उत्तर र दक्षिण कोरियाका दुबै जनताहरुका लागि यो एक ठुलो समाचार हो । मेरो इच्छा छ कि उनीहरु दुबै फेरि मित्रराष्ट्र बनुन् । यसरी नै, हामी पनि तपाईंसँग पुन:मिलन गर्न सक्छौं भन्ने मलाई पूरा विश्वास छ । दक्षिण र उत्तर कोरियाले यस ऐतिहासिक भेट गर्नका लागि कयौँ पहाड चढ्नु पर्यो र मलाई लाग्दैन कि पवित्र लामा र दोर्जे शुग्देन अनुयायीहरुबीच यति धेरै मतभेद छ र त्यसैले मलाई लाग्छ कि हामी फेरी एक हुन सक्छौं ।

हामीले यो पनि देखिरहेका छौँ कि चीन र भारतबीचको दशाकौंको तनावपूर्ण सम्बन्धपछि, भारतका माननीय प्रधानमन्त्री नरेन्द्र मोदी र चीनका माननीय राष्ट्रपति जी जिन्पिंग अब आफ्ना मतभेदहरुलाई हटाउने क्रममा छन् । शीतयुद्ध, अशान्ति, अविश्वासले कसैको पनि भलो गरेको छैन । चीन र भारतलाई आफ्नो सम्बन्धमा सुधार ल्याउन समय लाग्छ । विगतमा यो कसरी हुने होला भन्ने कुरामा शंका थियो, तर अहिले यो भइरहेछ । चीन र भारतको मित्रताले संसारलाई सकारात्मक प्रभाव पार्नेछ । मतभेद भएका पक्षहरुको मिलाप भएको समाचार आउनु सम्भव छ र अत्यावश्यक पनि छ । यदि यस्ता ठुला नेताहरुले आफ्नो उदार पक्ष देखाएर पहिला भएका मतभेदहरुमा सुधार ल्याउन सक्छन् भने, तपाईंले आफ्नो मनमा, तपाईं र दोर्जे शुग्देन अनुयायीहरुबीच भएका मतभेदभन्दा माथि उठेर सबै दोर्जे शुग्देन अनुयायीहरुसँगको सम्बन्धमा सुधार आउने बाटो पत्ता लगाउन सक्नुहुन्छ । हामीलाई तपाईंसँग पुन:मिलन गर्ने इच्छा छ । आध्यात्मिक अभिविन्यास जे भए पनि कृपया आफ्ना जनतालाई एकिकृत गर्नुहोस् ।

हालै अप्रिल २५, २०१८ मा पवित्र लामाले चीनले छानेका पान्चेन लामालाई अप्रत्यक्ष रुपमा स्वीकार्नु भएको छ र उच्च लामाहरुका एकै समयमा धेरै अवतार हुन सक्छन् भनेर जाम्यांग खेंत्से वान्ग्पोको उदाहरण दिनुभएर चीनले छानेका पान्चेन लामालाई अप्रत्यक्ष रुपमा मान्यता दिनुभएको छ । पवित्र लामाले भन्नुभयो कि दुइ पान्चेन लामा हुन् सक्छन् र मैले यो सुक्ष्म तर गहन सन्देश बुझें । पवित्र लामाले मान्यता दिनुभएको पान्चेन लामा र चीनले मान्यता दिएका पान्चेन लामा दुबै पवित्र १० औँ पान्चेन लामाका अवतार हुन् सक्छन् । यो अतिउत्तम खबर हो र पवित्र लामाले चीनसँगको सम्बन्ध सुधार गर्नका लागि बढाउनुभएको ठुलो हात हो । चिनियाँ पान्चेन लामालाई अप्रत्यक्ष रुपमा मान्यता दिनुभएको खबर सुनेर म निकै खुशी छु र सायद यसले पवित्र लामा र चीनबीचमा सम्बन्ध सुधार गर्ने संवादको वातावरण सिर्जना हुन सहयोग गर्नेछ जसले सबै तिब्बतीहरुलाई लाभ हुनेछ । सायद यसले पवित्र लामाको सपनाले संकेत गरेजस्तै पवित्र लामालाई चीन र तिब्बत फर्काउन र पोतला महलमा बस्ने बाटो बन्न सहयोग गर्नेछ । म यो होस् भनेर कामना गर्दछु किनकी पवित्र लामाले यो होस् भनेर कामना गर्नुहुन्छ । म यो होस् भनेर साँचै चाहन्छु किनकि मलाई थाहा छ कि तिब्बती मानिसहरुजस्तै पवित्र लामालाई पनि तिब्बतको सम्झना आउँदछ, जसरि शुग्देन र शुग्देन-बाहेकका सबै तिब्बतीहरुलाई तपाईंको सम्झना आउँछ ।

त्यसैले हात जोड्दै, घुँडा टेक्दै, म अनुरोध गर्दछु कि पवित्र लामाले सबै आधिकारिक स्थानहरुबाट र धर्मशालामा लेखिएको केन्द्रीय तिब्बती प्रशासनको साहित्यमा भएको दोर्जे शुग्देनसँग सम्बन्धित सबै किसिमको धब्बा, नकारात्मक वचन र नकारात्मक सन्दर्भहरु मेटाइदिनुहोस् ताकि दोर्जे शुगदेनमाथि भएको प्रतिबन्धको अन्त्य होओस् । म पवित्र लामालाई विनम्र अनुरोध गर्दछु कि धार्मिक अभिविन्यास जुन भए पनि सबै तिब्बतीलाई एकिकृत गरियोस् । कृपया हामीलाई तपाईं र दोर्जे शुग्देनबीच छान्न बाध्य नबनाउनुहोस् । हामीलाई छान्ने वा एक वा अर्कोसँग टाढा हुने इच्छा छैन । सहि किसिमको प्रजातन्त्रमा हामीलाई छान्न बाध्य गर्न पाइन्न । गादेन गुम्बाका कयौँ वृद्ध भिक्षुहरु मुटु टुटेर बित्नुभयो किनकी उहाँहरुलाई पवित्र लामा र दोर्जे शुग्देनबीच छनोट गर्ने इच्छा थिएन र यो हामीले देखेका छौँ । कयौं शताब्दीदेखि, गेलुग वंशका कयौँ पुस्ताले दुबै दलाई लामा र दोर्जे शुग्देनको पूजा गर्दथे । म मनबाटै यहि निरन्तर भइरहोस् भन्ने चाहन्छु । हामीलाई फेरि एकिकृत गर्ने शक्ति तपाईंमा छ ।

समयहुन्जेल नै यसको बारेमा केहि गरिहल्नुहोस् । हामीले जुनसुकै धर्म माने पनि हाम्रो अधिनायक भइदिनुहोस् । हे येशेनोर्बु (इच्छा पुरा गर्ने रत्न), कृपया हामीलाई तपाईंलाई फेरि भेट्न अनुमति दिनुहोस् र तपाईंको स्वर्ण आशिर्वादको आनन्द लिन दिनुहोस् । किनकि यति धेरै संसार परिवर्तन हुने घटनाहरु भइरहेका छन्, म दण्डवत प्रणाम गर्दै विनम्र अनुरोध गर्दछु कि दोर्जे शुग्देनमाथिको प्रतिबन्ध हटाइदिनुहोस् र दोर्जे शुग्देन अनुयायीहरुमाथि लगाइएका सबै कलंकहरु मेटिदिनुहोस् । दोर्जे शुग्देन र उहाँका अनुयायीहरुको विरुद्ध लेखिएका सबै नकारात्मक किताब, प्रवचन, तपाईंको आधिकारिक वेबसाइटमा भएका जानकारीहरुको नाश गरिदिनुहोस् । एक प्रजातान्त्रिक अधिनायक र सरकारलाई यो सुहाउनेछ ।

तपाईं अवलोकितेश्वरको अत्यन्त करुणामय, महान अवतार हुनुहन्छ । तपाईंको बुद्धिमानी र समुन्द्रझैँ करुणाको प्रयोग गरेर कृपया तपाईंको जनतालाई एकिकृत गर्नुहोस् । हामीले जुन धर्म पालना गरे पनि हामी सबैलाई एकिकृत गरिदिनुहोस् । म मेरो आत्माको सबैभन्दा गहिरो स्थानबाट पवित्र लामालाई विनम्र अनुरोध गर्दछु र आग्रह गर्दछु कि यस चिठ्ठीबाट रिसानी नगर्नुहोस् किनकि तपाईंको पवित्र मस्तिष्कलाई अशान्त बनाउने मेरो इच्छा होइन । तर यस गम्भीर मामलाका लागि तपाईं मात्र एक हुनुहन्छ जसलाई म अनुरोध गर्नसक्छु ।

विनम्रताका साथ,

हात जोडेर,

छेम टुल्कु रिन्पोछे
गादेन शार्छे गुम्बा
र
केचारा बौद्ध संस्था
अप्रिल ३०, २०१८

सम्बधित भिडियोहरु

वा भिडियो सर्भरमा हेर्नुहोस।
https://video.tsemtulku.com/videos/DalaiLamabansDorjeShugdenpracticeandexpelsmonks.mp4

अथवा युट्युबमा हेर्नुहोस्: https://www.youtube.com/watch?v=YQa0mZEtRGA

वा भिडियो सर्भरमा हेर्नुहोस।
https://video.tsemtulku.com/videos/AlJazeeraDS.mp4

अथवा युट्युबमा हेर्नुहोस्: https://www.youtube.com/watch?v=rKu2j4lLbH4

वा भिडियो सर्भरमा हेर्नुहोस।
https://video.tsemtulku.com/videos/RTNorthSouthKorea.mp4

अथवा युट्युबमा हेर्नुहोस्: https://www.youtube.com/watch?v=KHaqUl9rshM

वा भिडियो सर्भरमा हेर्नुहोस।
https://video.tsemtulku.com/videos/ModiXiMeeting.mp4

अथवा युट्युबमा हेर्नुहोस्: https://www.youtube.com/watch?v=KPh68dX6u7k

वा भिडियो सर्भरमा हेर्नुहोस।
https://video.tsemtulku.com/videos/DalaiLamaOn11thPanchenLama.mp4

अथवा युट्युबमा हेर्नुहोस्: https://www.youtube.com/watch?v=8hsyWE-fhZU

परिशिष्ट

मे ५, २०१८ मा अन्तराष्ट्रिय मिडिया एजेन्सी रिउटर्सले एसियाको मिलापको लागि मैले गरेको प्रार्थनाका बारेमा एक लेख प्रकाशित गरेको थियो । यस लेखमा उनीहरुले एसिया र सबै संसार, र विशेष गरि तिब्बती समुदायबीच शान्ति र सौहार्दता होस् भन्ने मेरो इच्छाको उल्लेख गरिएको थियो । यहाँ माथिको मेरो विनम्र अनुरोधको चिठ्ठीमा मैले यहि भनेको छ ।

श्रोत: https://www.reuters.com/brandfeatures/venture-capital/article?id=35851.
ठूलो पार्नको लागि छविमा क्लिक गर्नुहोस् ।

थप विस्तृत जानकारीका लागि:

• दोर्जे शुग्देनको उदाहरणीय कथाहरु र सजीब उपन्यास
• तिम्रो मस्तिष्कको भूमि
• एक असल साथी
• शुभ मंगोलियन साइतहरू
• तपाईं धर्म निरपेक्ष वा आध्यात्मिक हुनुहुन्छ?
• दोर्जे शुग्देन : हाम्रा व्यक्तिगत कथाहरू
• कसरी तिब्बती नेतृत्वले प्रायोजकलाई व्यवहार गर्दछन् (जिन्दक)
• ट्रोडेखाङसार –४०० बर्ष पुरानो दोर्जे शुग्देनको पुजाघर, ल्हासामा
• ईश्वरीयता (ईश्वर) लाई पुकार्नु
• मित्रले नेपालीमा भगवान दोर्जे शुग्देनका बारेमा सिकाउनुहुन्छ ।