བླ་མ་བྱམས་པ་དངོས་གྲུབ་དབང་ཕྱུག་རིན་བོ་ཆེ་ནས་བཤེས་གཉེན་བསྟེན་ཚུལ་གྱི་སྐོར།
བརྩེ་བའི་བསྐུར་འོས་གུས་ཞབས་ལྡན་པའི་གྲོགས་པོ་ལྷན་རྒྱས་ཡོངས་ཀྱི་ཆེད་ཞུ།
མཁས་ཆེན་འདུལ་བ་འཛིན་པ་ཡོན་ཏན་བླ་ན་མེད་པ་དང་ལྡན་པ་ཆོས་གྲོགས་རྗེ་བཙུན་བྱམས་པ་དངོས་གྲུབ་དབང་ཕྱུག་རིན་པོ་ཆེ་མཆོག་ནི་དེང་སང་བོད་ནང་གི་བླ་མ་ཆེན་པོ་ཞིག་རེད། ཁོང་མཁས་ཞིང་གྲུབ་ཆེན་ཅན་དང་སྐུ་ཉིད་ཀྱི་གསུང་ཆོས་ལ་དད་ལྡན་མི་སྟོང་ཁྲག་ནས་སྟོང་ཁྲག་མང་པོ་ལ་ཆོས་གསུང་གི་ཡོད། ཁོང་དོན་དུ་གཉེར་བའི་བླ་མ་ཆེན་པོ་ཡིན་ཞིང་། ཁོང་བོད་དང་རྒྱ་ནག་ཡོངས་རྫོགས་སུ་གསུང་ཆོས་གནང་བར་ཕེབས་རོགས་ཞེས་རེ་སྐུལ་ཞུ་མཁན་ཤུགས་ཆེན་པོ་ཡོད། ཁོང་གི་གསུང་ཆོས་གནང་དུས་དངོས་སུ་ལག་ལེན་གྱི་ཐོག དོན་དང་ལྡན་པ་དང་། མཚན་སྙན་གྲགས་སམ་མིང་ལ་མགོ་དུད། འགོ་ས། རྒྱུ་དཔལ་འབྱོར། གནས་བབས་སོགས་དང་། ཡང་ན་བཞུགས་ཁྲི་མཐོ་བོར་གནས་པ་སོགས་རྩ་བ་ནས་ཞལ་བཞེས་གནང་གི་མ་རེད། དཀའ་ངལ་གང་འདྲ་ཞིག་ཕྲད་ཀྱང་བཤེས་གཉེན་བསྟེན་ཚུལ་བསྟེན་དགོས་པ་དང་སོ་སོའི་བླ་མའི་བཀའ་སྲུང་སྤྱི་གྲུབ་བྱེད་དགོས་པ་དེ་ཁོང་གི་ཡང་ནས་ཡང་དུ་གསུངས། དེ་རིང་ཁ་སང་མི་མང་ཆེ་བ་བླ་མ་བཞུགས་ཁྲི་མཐོ་བོར་བཞུགས་མཁན། མཚན་སྙན་གྲགས་ཡོད་མཁན། གོ་གནས་ཐོ་བོ་ཡོད་མཁན་གྱི་བླ་མའི་རྗེས་སུ་བཟུང་བ་གང་ཞིག་ལ་ཆོས་མཉམ་ལེན་གནང་པར་བརྗེད་ཀྱི་ཡོད་རེད། ཆོས་མཉམ་སུ་ལེན་པའི་དོན་ནི་སོ་སོའི་བླ་མ་སྙན་གྲགས་ཅན་ཡིན་མིན་གྱི་དོན་མིན། གལ་ཏེ་ཁྱོད་ཀྱི་བླ་མས་ཁྱོད་ལ་ཆོས་ཡང་དག་པར་གསུངས་ཏེ་དེའི་མཉམ་ལེན་བྱེད་པ་ལ་བརྟེན་ནས་བློ་འགྱུར་བ་གཏོང་ཐུབ་ཀྱི་ཡོད་ན་བླ་མ་དེ་ཉིད་ལ་མོས་གུས་བྱེད་དགོས་པ་གལ་ཆེན་པོ་རེད། བླ་མ་གཞན་ཞིག་གོ་གནས་མཐོ་བོ་གང་འདྲ་ཡིན་ཡང་ཁོང་གིས་བདག་ལ་སོ་སོའི་དགེ་བའི་བཤེས་གཉེན་དང་འབྲེལ་ཐག་གཅོད་མི་རུང་བ་མ་ཟད་དགེ་བའི་བཤེས་གཉེན་དུ་ཐེ་ཚོམས་སྐྱེད་པར་བྱེད་མི་རུང་། སོ་སོའི་བླ་མ་གོ་གནས་མཐོ་བོ་ཡང་ན་དགེ་སྦྱོང་སྙེམ་ཆུང་ཞིག་གང་ཡིན་ཡང་། ཁོང་དང་དམ་ཚིག་གཙང་མ་ཉར་ཏེ་བཤེས་གཉེན་བསྟེན་ཚུལ་ཡག་དག་པར་བསྟེན་པས་ན་རྟོགས་པ་ཡོན་ཏན་ཐོབ་པ་དང་རང་བློ་གོང་འཕེལ་དུ་འགྲོ་རྒྱུ་ཐེ་ཚོམས་མེད། མཐར་པ་ཐོབ་པར་སོ་སོའི་དགེ་བའི་བཤེས་གཉེན་དང་དད་པ་དང་དམ་ཚིག་གཙང་མ་ཡོད་མེད་ལ་རག་ལས་ཀྱི་རེད་མ་ཏོགས་གོ་གནས་ལ་རག་མི་ལས།
རྗེ་བཙུན་བྱམས་པ་དངོས་གྲུབ་དབང་ཕྱུག་རིན་པོ་ཆེས་སོ་སོའི་འདུལ་བྱ་སྟོང་ཕྲག་ནས་སྟོང་ཕྲག་མང་པོ་ལ་སོ་སོའི་དགེ་བའི་བཤེས་གཉེན་བསྟེན་ཚུལ་དང་དམ་ཚིག་གཙང་མ་འཛིན་དགོས་པ་དེ་གལ་ཆེན་པོ་ཡིན་པ་གསུངས། འདི་ནི་ཐེག་པ་ཆེན་པོས་གསང་སྔགས་ཀྱི་སྙིང་པོ་ཡིན། སོ་སོའི་བླ་མ་དང་བཤེས་གཉེན་བསྟེན་ཚུལ་འགལ་ན་ལས་ངན་ཆེན་པོ་བསག་པ་ནི་བླ་མ་ལྔ་བཅུ་པ་ནང་གསལ། བླ་མ་མཚན་སྙན་གྲགས་ཅན་ཡིན་པ་དང་གོ་གནས་མཐོ་བོ་ཡིན་པའི་རྒྱུ་མཚན་ལ་རྟེན་ནས་རྗེས་སུ་བཟུང་རྒྱུ་མེད་རེད། བླ་མ་སྙན་གྲགས་ཅན་ཞིག་གིས་བཀའ་སློབ་ལ་རྟེན་ནས་སོ་སོའི་དགེ་རྒན་གྱི་བཀའ་སློབ་ལ་སེམས་ནང་མ་ཉེས་ཁ་ཡོག་བྱེད་དུ་མི་རུང་། སོ་སོའི་བླ་མས་གནང་པའི་ཆོས་བརྒྱུད་དང་མཉམ་ལེན་དེ་བླ་མ་སྙན་གྲགས་ཆེན་པོ་ཞིག་གིས་མཉམ་ལེན་དེ་བྱེད་རྒྱུ་མེད་རེད་ཞེས་གསུང་ནའང་སོ་སོའི་མཉམ་ལེན་དེ་འདོར་རྒྱུ་མེད། དགེ་རྒན་སྙན་གྲགས་ཅན་ཡིན་པའི་རྒྱུ་མཚན་དེ་འདྲ་ལ་རྟེན་ནས་བླ་མ་དེའི་རྗེས་སུ་བཟུང་མི་རུང་། དེ་ལས་སོ་སོའི་དགེ་བའི་བཤེས་གཉེན་ཐག་ཅིག་ཏུ་རྗེས་སུ་བཟུང་ན་དེར་རྟེན་རྟོགས་པ་ཡོན་ཏན་ཐོབ་ཀྱི་ཡོད་པ་ཐག་གཅོད། ཁྱེད་རང་སོ་སོའི་བླ་མ་དང་དམ་ཚིག་གཙང་མ་ཉར་དགོས་པ་དང་དུས་ནམ་ཡང་འགལ་རྒྱུ་མེད་པ་རེད། སོ་སོའི་བླ་མ་ལ་དུས་ནམ་ཡང་བསམ་པ་ངན་པ་དང་ལྟ་བ་ལོག་པ་འཛིན་མི་ཆོག་པ་དང་བླ་མའི་སྐོར་སྐད་ཆ་ལོག་པ་ཁྱབ་གདལ་བྱེད་མི་ཆོག ། དེ་ལས་སོ་སོའི་བླ་མས་བྱམས་རྩེའི་ཐོག་ནས་གནང་པའི་ཆོས་དེ་ཐོབ་པ་རེད་ཞེས་དགའ་བ་སྒོམ་དགོས། དེར་གང་ཡིན་ཡང་སོ་སོའི་དགེ་བའི་བཤེས་གཉེན་མཉམ་དུ་དད་པ་དང་དམ་ཚིག་གཙང་མ་འཛིན་དགོས་པ་དེ་གལ་ཆེན་པོ་ཡིན།
སོ་སོའི་དགེ་བའི་བཤེས་གཉེན་ལ་དད་གུས་ཆེན་པོ་བྱེད་དགོས་པའི་བོད་དང་རྒྱ་གར་ནས་འབྱུང་བའི་ནང་པའི་ལྟ་གྲུབ་དང་རྒྱུད་སྲོལ་དངོས་འདི་ཉིད་རྗེ་བཙུན་བྱམས་པ་དངོས་གྲུབ་དབང་ཕྱུག་རིན་པོ་ཆེས་རྗེས་སུ་བཟུང་གིན་ཡོད་པ་དང་། ཚང་མའི་སོ་སོའི་བླ་མའི་བཀའ་རྗེས་སུ་བཟུང་དགོས་ཅིང་། དེར་སོ་སོའི་ངོས་ནས་ཡང་བཀའ་དྲིན་བསམ་ཤེས་བྱེད་དགོས་པ་དང་སེམས་བརྒྱུད་སྒྱུར་བ་གཏོང་ཐུབ་པ་དགོས། འདི་ནི་འཇམ་མགོན་བླ་མ་ཙོང་ཁ་པ་ཆེན་པོའི་འཁྲུལ་བ་མེད་པ་ཆོས་ཀྱི་སྙིང་པོ་ཡིན། དེར་རྟེན་རྟོགས་པ་ཡོན་ཏན་བརྒྱུད་ལ་སྐྱེས་ཐུབ་ཀྱི་ཡོད་པ་ནི་ཤིན་ཏུ་གསལ།
ཚེམས་སྤྲུལ་སྐུས།།
ཡང་མིན་ན་གློག་བརྙན་ལ་གནན་ནས་དྲ་ཐོག་ལ་འཚོལ།:
https://video.tsemtulku.com/videos/LamaWangchukGuruDevotion.mp4
བོད་ཡིག་ཐོག །
བླ་མ་བཤེས་གཉེན་བསྟེན་ཚུལ་འགལ་ཟེར་དུས་ཡིན་ཅི་མིན་ཅི་བླ་མའི་སྐེ་སྒྲོག་འཇུ་སྟེ་འགྲམ་ལྕག་གཞུ་དགོས་པ་རེད་ཡས། དགོས་མ་རེད། རྩ་བ་ཉིད་ནས་དགོས་མ་རེད། རིག་གནས་གསར་བརྗེ་ཆེན་པོ་ནང་བཞིན་བྱུང་དགོས་རེད་པས། དེ་འདྲ་རྩ་བ་ཉིད་ནས་དགོས་མ་རེད། ངའི་བླ་མའི་ཆོས་སྐྱོང་བསྟེན་པ་རེད། ངས་བསྟེན་གྱི་མེད་བཤད་པ་ཡིན་ན། ཁོས་དངོས་གནས་བཤད་པ་ཡིན་ན་བཤེས་གཉེན་བསྟེན་ཚུལ་འགལ་ཚར་རེད་གང་ལྟར། ཏན་ཏན་འགལ་ཚར་རེད། དཔལ་ལྡན་བླ་མའི་རྣམ་པར་ཐར་པ་ལ། སྐད་ཅིག་ཙམ་ཡང་ལོག་ལྟ་མི་སྐྱེད་ཞིང་། རྣམ་མིན་གྱི་རྣམ་ཐར་དེ་ལ་སྐད་ཅིག་ཙམ་ཡང་ལོག་ལྟ་མི་སྐྱེས་ཞེས། ལོག་ལྟ་རྩ་བ་ཉིད་ནས་སྐྱེས་རྒྱུ་མེད་རེད། སྐད་ཅིག་ཙམ་གྱི་ལོག་ལྟ་སྐྱེས་སོང་ན། དེ་ནས་བཤེས་གཉེན་བསྟེན་ཚུལ་འགལ་འགྲོའི་རེད། དེང་སང་དེ་འདྲ་མ་རེད་བ། བླ་མ་སྐད་གྲགས་ག་ཆེར་ཆེར་དེའི་བཀའ་སྒྲུབ་དགོས་ཀྱིས། བླ་མ་སྙོམ་ཆུང་ཞིག་གིས་བཀའ་ཕན་ཐོག་ཅན་གསུང་ནའང་ཅི་མེད་གཏོང་བ་དང་། སྐད་གྲགས་ཆེ་ན་ཕན་ཐོག་གི་ཡོད་མ་རེད། རང་དངོས་གནས་སྐྱབས་མཁན་འདི་རང་གི་རྩ་བའི་བླ་མའི་སྐྱབས་དགོས་རེད་མ་གཏོགས་སྐད་གྲགས་ཆེ་ཆུང་བཤད་ས་རག་གི་མ་རེད། དེ་འདྲ་ཡིན་དུས་ལས་ང་རང་ཚོ་རང་རང་སོ་སོའི་རྩ་བའི་བླ་མའི་བཀའ་དགོངས་མ་འགལ་པ་འཆི། ལྟ་གྲུབ་གཙང་མར་བསྟན་པ་སྐྱོང་བར་འཛིན་པ་ནང་ནས། དངོས་གནས་འདྲ་ནས་བསྟན་པ་སྐྱོང་བ་ལ་བར་ཆད་ཆེན་པོ་ཡོད་རེད། བར་ཆད་ཡོད་པའི་རྒྱུ་མཚན་ཅི་རེད། འདུ་ཁང་གཅིག་ལ་ཅ་ལག་ཡག་པོ་གཅིག་ཡོད་ན། ཅ་ལག་ཡག་པོ་དེ་ལ་རྐུན་མ་ཤོར་གྱི་ཡོད་རེད། ཇག་པ་ཤོར་གྱི་ཡོད་རེད། ནང་ལོར་རྐུན་མ་ཤོར་གྱི་རེད། ཕྱི་ལོག་ལ་རྐྱུན་མ་ཤོར་གྱི་རེད། བདག་པོ་ཡག་པོ་མ་རྒྱག་ན་དཀའ་ལས་ཁག་པོ་ཡོད་རེད། ཅ་ལག་སྡུག་པོ་ཞིག་ཕྱི་ལོར་བཞག་ན་ཁྱིས་ཟ་རྒྱུ་རེད་མ་གཏོགས་སྐྱོན་གང་ཡང་ཡོད་མ་རེེད། བདག་པོ་འཛིན་མཁན་ཡོད་མ་རེད། དཔེར་དེ་བཞིན་དུ། ང་རང་ཚོའི་རི་བོ་དགེ་ལུགས་པ་དེ་བསྟན་པ་དེ་བསམ་གྱི་མི་ཁྱབ་པ་ནོར་བུ་བླ་ན་མེད་པ་ཡིན་ཐག་བཅོད་རེད། འདི་འཛིན་སྐྱོང་དཔལ་སྲུང་བྱེད་པ་ལ་བར་ཆད་ཆེན་པོ་ཡོད་པ་རེད། དེ་ནང་མི་དང་མི་མིན་གྱི་བར་ཆད། སྣ་ཚོགས་ཀྱི་བར་ཆད་ཆེན་པོ་ཡོད་རེད། བར་ཆད་དེ་འདྲ་ཡོད་ཚར་དུས་ལ་བར་ཆད་དེ་སྲུང་མཁན་ཡིན་ཅི་མིན་ཅི་སྲུང་མ་ནུས་པ་ཁྱད་པར་ཅན་མེད་མི་ཆོག་རེད། དེ་བྱེད་ནས་སྔོན་མ་དངོས་ཀྱི་དམ་བཅའ་པ་རྗེ་བཙུན་འཇམ་དཔལ་དབྱངས་ཀྱི་དམ་བཅའ་དེ་འདྲ་ཡོད་རེད། སྔོན་གྱི་དམ་བཅའ་གང་འདྲ་ཡོད་རེད་ཟེར་ན། སྤྱིར་བཏང་རྗེ་བཙུན་འཇམ་དཔལ་དབྱངས་དེ་ཇོ་བོ་ཡིད་ཤེས་ནོར་བུ་བདག་ཅག་སྟོན་པ་ཁོང་གི་རྩ་བའི་བླ་མ་རེད། བདག་ཅག་སྟོན་པ་ཤ་ཀྱ་ཐུབ་པ་འདི་ཡང་ཁོང་རྗེ་བཙུན་འཇམ་དཔལ་དབྱངས་ཀྱི་བཀའ་དྲིན་ལ་རྟེན་ནས་མངོན་པར་རྫོགས་པར་སངས་རྒྱས་པ་ཡིན་གསུང་པ་རེད། འདི་ཡིན་དུས་ལས་རྗེ་བཙུན་འཇམ་དཔལ་དབྱངས་ལ་རྒྱལ་བ་ཀུན་གྱི་ཡབ་གཅིག་འཇམ་དཔལ་དབྱངས་ཞེས་བརྗོད་པའི་རྒྱུ་མཚན་འདི་རེད། རྗེས་མ་བདག་ཅག་སྟོན་པ་ཤ་ཀྱ་ཐུབ་པ་མངོན་པར་རྫོགས་པར་སངས་རྒྱས་པའི་སྐབས་སུ་ལ་ཡང་ཁོང་སློབ་མའི་ཚུལ་དུ་བྱེད་པ་རེད། ཁོང་དམ་བཅའ་གང་འདྲ་འཇོག་ཡོད་རེད་ཟེར་ན། སེམས་ཅན་ཐམས་ཅད་བླ་ན་མེད་པའི་གོ་འཕང་ལ་བཀོད་མ་ཐུབ་ཀྱི་བར་དུ་ང་སངས་རྒྱས་ཀྱི་མེད་ཞེས་རྗེ་བཙུན་འཇམ་དཔལ་དབྱངས་ཀྱི་ངག་གི་དམ་བཅའ་འཇོག་པ་རེད། ཁོད་བླ་མ་དགོས་སར་བླ་མ་སྤྲུལ་གྱི་ཡིན། ཡིད་དམ་དགོས་སར་ཡིད་དམ་སྤྲུལ་གྱི་ཡིན། སྲུང་མ་དགོས་སར་སྲུང་མ་སྤྲུལ་གྱི་ཡིན། སློབ་མ་དགོས་སར་སློབ་མ་སྤྲུལ་གྱི་ཡིན་གསུངས་ཡོད་རེད། དོན་དངོས་ནས་ལ་གནས་པ་རེད། བླ་མ་སྤྲུལ་པ་དེ་ཡོངས་སུ་གྲགས་པ་དེ་རྗེ་ཙོང་ཁ་པ་ཆེན་པོ་རེད། ཡིད་དམ་སྤྲུལ་པ་དེ་འཇིགས་བྱེད་རེད། སྲུང་མ་སྤྲུལ་པ་དེ་དམ་ཅན་ཆོས་ཀྱི་རྒྱལ་པོ་དང་བསྟན་སྲུང་ཆེན་པོ་རྡོ་རྗེ་ཤུགས་ལྡན་དེ་འདྲ་རེད། དེ་འདྲ་སློབ་པ་སྤྲུལ་མཁན་མང་པོ་ཡོད་རེད། ཁོང་གིས་དེ་འདྲ་སྤྲུལ་གྱི་ཡིན་ཞེས་དམ་བཅའ་དེ་འདྲ་ཡོད་རེད། ཕྱི་སུ་རྗེ་བླ་མ་བློ་བཟང་གྲགས་པ་དེ་ནི་དགའ་ལྡན་ལ་བཞུགས་པའི་སྐབས་སུ་འདུལ་འཛིན་གྲགས་པ་རྒྱལ་མཚན་གྱི་སྐབས་དེ་དུས་ལའང་ཚུལ་མཛད་པའི་ལོ་རྒྱུས་ཡོད་རེད།
![Lama Jampa Ngodup Wangchuk Rinpoche with The 101st Gaden Tripa H.H. Gaden Trisur Rinpoche Lungrik Namgyal. 尊贵的向巴恩珠仁波切与第101任甘丹赤巴法王,甘丹赤苏仁波切龙日南杰。](https://www.tsemrinpoche.com/wp-content/uploads/2017/09/JampaNgodup002.jpg)
དགའ་ལྡན་ཁྲི་ཐོག་བརྒྱ་དང་དང་པོ་ཁྲི་ཟུར་༧རྗེ་བཙུན་ལུང་རིག་རྣམ་རྒྱལ་དཔལ་བཟང་པོ་མཆོག་དང་བླ་མ་བྱམས་པ་དངོས་གྲུབ་དབང་ཕྱུག་རིན་པོ་ཆེ་མཆོག་རྣམ་པ་ཉིད།
![Lama Jampa Ngodup Wangchuk Rinpoche with the abbot of Serpom Monastery, Kyabje Yongyal Rinpoche. 尊贵的向巴恩珠仁波切与色邦闻思宝洲寺住持,嘉杰永嘉仁波切。](https://www.tsemrinpoche.com/wp-content/uploads/2017/09/JampaNgodup003.jpg)
སེར་སྤོམ་ཐོས་བསམ་ནོར་གླིང་གྲྭ་ཚང་མཁན་པོ་༧སྐྱབས་རྗེ་ཡོང་རྒྱལ་རིན་པོ་ཆེ་མཆོག་དང་བླ་མ་བྱམས་པ་དངོས་གྲུབ་དབང་ཕྱུག་རིན་པོ་ཆེ་མཆོག་རྣམ་པ་ཉིད།
![Lama Jampa Ngodup Wangchuk Rinpoche giving blessing after an initiation. 尊贵的向巴恩珠仁波切在灌顶之后给予大众加持。](https://www.tsemrinpoche.com/wp-content/uploads/2017/09/JampaNgodup004.jpg)
རྗེས་གནང་རྗེས་སུ་བླ་མ་བྱམས་པ་དངོས་གྲུབ་དབང་ཕྱུག་རིན་པོ་ཆེ་མཆོག་གིས་བྱིན་གྱིས་བརླབས་བཞིན་པ།
![Lama Jampa Ngodup Wangchuk Rinpoche giving teaching and a Manjushri initiation in Markham, Tibet. 尊贵的向巴恩珠仁波切在西藏芒康给予开示与文殊灌顶。](https://www.tsemrinpoche.com/wp-content/uploads/2017/09/JampaNgodup005.jpg)
བླ་མ་བྱམས་པ་དངོས་གྲུབ་དབང་ཕྱུག་རིན་པོ་ཆེ་མཆོག་ནས་བོད་སྨར་ཁམས་དུ་རྗེ་བཙུན་འཇམ་དཔལ་དབྱངས་ཀྱི་རྗེས་གནང་དང་གསུང་ཆོས་གནང་བཞིན་པ།
![The devotees receiving teaching and a Manjushri initiation in Markham, Tibet. 信徒们在西藏芒康接受法教与文殊灌顶。](https://www.tsemrinpoche.com/wp-content/uploads/2017/09/JampaNgodup006.jpg)
བོད་སྨར་ཁམས་དུ་མོས་གུས་བྱེད་མི་ཡོངས་ཀྱི་རྗེ་བཙུན་འཇམ་དཔལ་དབྱངས་ཀྱི་རྗེས་གནང་ཐོབ་པ་དང་གསུང་ཆོས་ཞུ་བཞིན་པ།
![A big crowd of ordained sangha and lay devotees attended Lama Jampa Ngodup Wangchuk Rinpoche's teaching and initiation. 尊贵的向巴恩珠仁波切的开示与灌顶都有大群的出家众与在家众出席。](https://www.tsemrinpoche.com/wp-content/uploads/2017/09/JampaNgodup007.jpg)
དགེ་འདུན་པ་རྣམས་དང་དད་ལྡན་མི་སྐྱ་འདུས་ཚོགས་བླ་མ་བྱམས་པ་དངོས་གྲུབ་དབང་ཕྱུག་རིན་པོ་ཆེའི་གསུང་ཆོས་དང་དབང་ཞུས་སར་བཅར།
![Lama Jampa Ngodup Wangchuk Rinpoche giving blessing to monks during one of his many public teachings in Tibet. 尊贵向巴恩珠仁波切在其众多开示之中加持出家众。](https://www.tsemrinpoche.com/wp-content/uploads/2017/09/JampaNgodup008.jpg)
བོད་ན་བླ་མ་བྱམས་པ་དངོས་གྲུབ་དབང་ཕྱུག་རིན་པོ་ཆེའི་གསུང་ཆོས་མང་པོའི་ནང་ནས་གསུང་ཆོས་ཞིག་གི་ནང་རིན་པོ་ཆེ་མཆོག་གིས་གྲྭ་མང་ལ་བྱིན་གྱིས་བརླབས་བཞིན་པ།
![Lama Jampa Ngodup Wangchuk Rinpoche is highly sought after and travels all over Tibet and China to give teachings. 尊贵的向巴恩珠仁波切常应邀到西藏中国各处教授佛法,是众人请法的对象。](https://www.tsemrinpoche.com/wp-content/uploads/2017/09/JampaNgodup009.jpg)
བླ་མ་བྱམས་པ་དངོས་གྲུབ་དབང་ཕྱུག་རིན་པོ་ཆེ་མཆོག་ནི་དོན་དུ་གཉེར་བའི་ཁོང་རྒྱ་ནང་དང་བོད་གང་སར་གསུང་ཆོས་གནང་བར་ཕེབས།
![Lama Jampa Ngodup Wangchuk Rinpoche being received in Lithang, Tibet. 尊贵的向巴恩珠仁波切在西藏理塘受到拥护者的欢迎。](https://www.tsemrinpoche.com/wp-content/uploads/2017/09/JampaNgodup010.jpg)
བླ་མ་བྱམས་པ་དངོས་གྲུབ་དབང་ཕྱུག་རིན་པོ་ཆེ་མཆོག་ལ་བོད་ལི་ཐང་དུ་གདན་འདྲེན་ཞུས་པ།
![Lama Jampa Ngodup Wangchuk Rinpoche giving teachings in Switzerland. 尊贵的向巴恩珠仁波切在瑞士给予开示。](https://www.tsemrinpoche.com/wp-content/uploads/2017/09/JampaNgodup011.jpg)
བླ་མ་བྱམས་པ་དངོས་གྲུབ་དབང་ཕྱུག་རིན་པོ་ཆེ་མཆོག་གིས་སྭ་ཛར་ལན་ཌར་གསུང་ཆོས་གནང་བཞིན་པ།
དེ་མིན་གསར་འགྱུར་གཞན་ཁག །
- སྤྱི་ལོ་ ༢༠༡༨ ཕྱི་ཟླ་ ༤ ཚེས་༣༠ ཉིན། སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ལ་ཞུ་འབོད་ཀྱི་ཡོངས་སྒྲགས་ཀྱི་ཞུ་ཡིག
- རུའི་ཊར་གསར་འགྱུར་ལས་ཁང་ནས་ངས་ཤར་གླིང་ཨེ་ཤི་ཡ་ཡི་ཆེད་དུ་འགྲིགས་འཇགས་ཀྱི་སྨོན་ལམ་འདེབས་པའི་སྐོར་དེ་དཔར་སྐྲུན་བྱེད་འདུག
- རྒྱ་ནག་གཞུང་ནས་ངོས་འཛིན་ཞུས་པའི་༧པཎ་ཆེན་རིན་པོ་ཆེའི་སྐོར་༧གོང་ས་མཆོག་གི་ཐུགས་ལ་འགྱུར་བ་ཕྱིན་པ།
- བོད་པའི་དབུ་ཁྲིད་ཚོའི་རྡོ་རྗེ་ཤུགས་ལྡན་བསྟེན་མཁན་ཚོར་མ་ཉེས་ཁ་ཡོག་གི་བརྙན་ཕྲིན་གསར་པ།
- ཕྱོགས་བསྡོམས་བྱ་ཆེད་དུ།
- ཁོང་རྣམས་ནོར་ཡོད་མ་རེད།
- བོད་མིའི་རང་ལུས་མེར་སྲེག་སྐོར་བདག་གི་བསམ་ཚུལ་རི་ཡུ་ཊར་ (Reuters) རླུང་འཕྲིན་ཚགས་ཤོག་གིས་པར་འགྲེམས་བྱས།།
- ཆོས་སྐྱོང་ཆེན་པོ་རྡོ་རྗེ་ཤུགས་ལྡན་གྱི་ལོ་གསར་བཀའ་སློབ་ཕྱི་ལོ་༢༠༡༨
- སྤྱི་འཐུས་བསྟན་པ་ཡར་འཕེལ་ལགས་ཀྱིས་གནས་ཆུང་ཁ་གཏད་དུ་ཁ་བསངས་པ།
- རྡོ་རྗེ་ཤུགས་ལྡན་རང་སྐྱོང་ལྗོངས་ཞེས་པའི། རང་སྐྱོང་ལྗོངས་ཞིག་ལོགས་སུ་དགོས་ས་མ་རེད་པས། དོན་ཚན་དང་པོ།
- རྡོ་རྗེ་ཤུགས་ལྡན་རང་སྐྱོང་ལྗོངས་ཞེས་པའི། རང་སྐྱོང་ལྗོངས་ཞིག་ལོགས་སུ་དགོས་ས་མ་རེད་པས། དོན་ཚན་གཉིས་པ།
- ངའི་ཕྱོགས་ཀྱི་རྡོ་རྗེ་ཤུགས་ལྡན་གྱི་ལོ་རྒྱུས།
- ཆོས་སྐྱོང་རྡོ་རྗེ་ཤུགས་ལྡན་ལ་གསོལ་འདེབས།
- སྤང་ལུང་རི་ཁྲོད་ཞེས་པ་འདི་ནི། མཐུ་རྩལ་གྱི་འབྱུང་ཁུང་ཞིག་རེད།
- ༧གོང་ས་ཆེན་པོ་སྐུ་འཕྲེང་བཅུ་བཞི་པ་མཆོག་དང་རྡོ་རྗེ་ཤུགས་ལྡན།
- ༧གོང་ས་ལྔ་པ་ཆེན་པོ་དང་རྡོ་རྗེ་ཤུགས་ལྡན།
- ངའི་༧གོང་ས་མཆོག་ལ་སྙན་ཞུ་ཞུ་རྒྱུར།
- དཔེ་རིས་དེར་རྡོ་རྗེ་ཤུགས་ལྡན་གྱི་ཁྱད་པར་དུ་འཕགས་པའི་ཁྱད་ཆོས་རྣམས།
- ༧སྐྱབས་རྗེ་ཟོང་རྡོ་རྗེ་འཆང་གི་སྐོར་བགོ་འགྲེམས་མདོར་བསྡུས།
- འབྲས་སྤུང་བློ་གསལ་གླིང་གྲྭ་ཚང་གི་དགེ་བཤེས་རྣམ་རྒྱལ་དབང་ཆེན་མཆོག་དང་ཚེམས་རིན་པོ་ཆེ་སྐུ་ཕྲེང་ཉི་ཤུ་རྩ་ལྔ་པ་རྗེ་བཙུན་བསྟན་འཛིན་བཟོད་པ་མཆོག
ང་ཚོས་ཆོས་ཉམས་ལེན་གོང་འཕེལ་གཏོང་བའི་ཆེད་དུ་ཁྱེད་ཉིད་ཀྱི་རོགས་པ་མང་ཙམ་གནང་བར་མཁྱེན།
གལ་ཏེ་ཨ་རིའི་ནང་ལ་ཡོད་ན། ཁྱེད་ཉིད་ཀྱི་མཆོད་སྦྱིན་དང་། ཞལ་འདེབས་རྣམས་ལ་བཅའ་ཁྲལ་གུ་ཡངས་ཡོད། ཚེམས་རིན་པོ་ཆེའི་དྲ་ཚིགས་ལྷན་ཚོགས་ནས། tsemrinpoche.com
བསམ་ཚུལ་དང་འབྲེལ་བའི་བློས་གཏོང་མཁན་ཡང་ན། མི་གསུམ་པས་དྲ་སྤེལ་བྱས་པ་རྣམས་གཤམ་ལ་ཡོད།
ཁྱེད་ཉིད་ཀྱི་ཤེས་དགོས་རྒྱུ་ཞིག་ལ་མི་གསུམ་པས་བསམ་ཚུལ་དང་དྲ་སྤེལ་གནང་བ་རྣམས་དྲ་ཚིགས་ཀྱི་བསམ་བློ་དང་དོ་དམ་པའི་རྣམ་པ་མི་མཚོན། དོ་དམ་པ་དང་། བདག་པོས་གནང་བའི་བསམ་ཚུལ་ཁག་ལ་དོ་སྣང་དམིགས་བསལ་གནང་རོགས། མི་གཞན་གྱི་བསམ་ཚུལ་དང་། དྲ་སྤེལ་གཞན། བགྲོ་གླེང་། ལྟ་བ་སྤེལ་བ་རྣམས་བསམ་ཚུལ་གྱི་སྡེ་ཚན་ནང་ལ་ཡོང་གིན་རེད། དེ་འདྲ་སོང་ཙང་ང་ཚོའི་བསམ་ཚུལ་དང་མ་ནོར་བ་གནང་རོགས། ང་ཚོ་ལ་བསམ་ཚུལ་དང་། ལྟ་བ་ཅི་འདྲ་ཞིག་ཡིན་ནའང་གནོད་བསྐྱེལ་གྱི་ཡོད་ཚེ་དྲ་ཚིགས་ནང་ཕྱིར་འཕུད་གཏོང་བའི་དབང་ཆ་ཡོད། འོན་ཀྱང་གཅིག་མཚུངས་ཡིན་པའི་བསམ་ཚུལ་རིང་པོ་དང་། མཐོང་མེད་པའི་བསམ་ཚུལ་འགའ་ཕྱིར་འཕུད་གཏོང་མེད་ན་ང་ཚོས་ཕྱོགས་འཛིན་བྱེད་པ་མི་མཚོན།
ང་ཚོའི་རེ་བ་ལ་བསམ་ཚུལ་དྲ་སྤེལ་གནང་མཁན་གྱིས་བསམ་ཚུལ་དང་། བགྲོ་གླེང་། ལྟ་བ་སོགས་ཅི་འདྲ་ཞིག་ཡིན་ནའང་འགན་འཁུར་ལྡན་པའི་ཐོག་ནས་གནོད་བསྐྱེལ་རང་བཞིན་མཆིས་པའི་དྲ་སྤེལ་མི་བྱེད་པ་དང་། ཚོགས་པ། མི་སྒེར། དད་པ། ཁྲིམས་ལུགས་གང་འདྲ་ཞིག་ལའང་ཕོག་ཐུག་མི་བཟོ་བ་མཁྱེན།
རང་ཉིད་ཀྱི་སྐོར་ཆ་ཚང་བཀོད་རོགས།