(Click here to read the original English article.)

संसारभरका आत्मीय मित्रहरू,

नेपाल मुलुक मलाई अति नै मनपर्ने ठाउँ हो । विगतमा मैले धेरै समय यस स्थानमा व्यतित गरिसकें र मलाई यहाँका पवित्र स्थानहरूका बारेमा राम्रो जानकारी छ । म मेरा मित्र र चेलाहरूलाई नेपाल राज्यमा धार्मिक भ्रमण गर्नका लागि सुझाव दिन चाहन्छु र म स्वयंले पनि मेरा धेरै चेलाहरूसँग काठमाडौंका पवित्र र शक्तिशाली पिठहरू भ्रमण गरेको छु ।

मैले प्रबज्या हासिल गरेको समयदेखि नै नेपालसँगको सुमधुर सम्बन्ध रहिआएको छ । उहाँ पूजनीय दलाई लामाज्यूबाट प्रबज्या ग्रहण गरिसकेपछि म नेपालमा भ्रमणका लागि प्रस्थान गरेको थिएँ । यही समय गादेन सार्त्से गुम्बामा लामो समयसम्म बसोबासका लागि अनुमति पाउन म कुरिरहेको थिएँ ।

त्यस समय म सामतेन लिंग गुम्बामा बसेको थिएँ जुन प्रसिद्ध बौद्धनाथ स्तूपा नजिकै अवस्थित थियो । यस स्तूपाभित्र बुद्धको अस्थिधातु रहेको विश्वास गरिन्छ । यही समयमा मैले केही गुरूहरूलाई पनि भेट्ने मौका प्राप्त गरें । सन् १९८७ को यस समयमा म करिब २ महिना यतै बसेको थिएँ र थुप्रै पवित्र स्थलहरूको भ्रमण गर्ने मौका पाएँ । केही वर्ष पश्चात पुनः म मेरा मित्रहरूका साथ भ्रमण गर्न आएँ । यो भ्रमणका दौरान नेपालसँगको आत्मीय सम्बन्ध स्थापित भएको थियो । अझै पनि नेपालसँगको माया न्यानो नै छ । सन्यासपछि हिमालयको काखमा रहेको सानो कुटीमा समय बिताउने ईच्छा रहेको छ । नेपालमा अवस्थित हिउँले ढाकेका हिमालयहरू, स-साना हरिया जंगलहरू र निला-निला तालहरू हेर्न पाउँदा मन भित्र असिमित आनन्द महशुस हुने गर्दछ । यो त्यही वातावरण हो जुन मेरो मनभित्र सजिएको छ मानौं कि यो मेरो आफ्नै घर नै हो । म जहाँ गएपनि यस्तै सुन्दर दृश्यहरू स्मरण गर्ने गर्दछु र दैनिक जीवनमा समाहित गर्ने प्रयास गर्दछु ।

दुई दशक अघि काठमाडौंस्थित स्वयम्भूमा छेम रिन्पोछे

नेपालका लामा मित्रहरूप्रति पनि म आभारी छुँ जसले मेरो नेपाल भ्रमणका दौरान काठमाडौं र काठमाडौं वरिपरि रहेका सुन्दर र पवित्र स्थानहरूको भ्रमण गराए । यस भ्रमणका दौरान नेपाली कला, संस्कृति, नेपाली जनजीवन र यस स्थानमा समाहित अमूर्त अध्यात्मप्रति भित्री हृदयदेखि श्रद्धा, गौरव, माया र आत्मीयपन अभिवृद्धि भएको थियो. । नेपाल मुलुक मात्र अध्यात्मले भरिएको होइन बरु यस मुलुकका बासिन्दाहरू पनि एकअर्काका संस्कृति र विश्वासमा सहिष्णुता दर्शाउँदछन् । मैले भ्रमण गरेका स्थलहरूमध्येमा यो पनि एक महत्वपूर्ण आध्यात्मिक स्थल हो र यस स्थानको तरंगले भित्री हृदयदेखि नै मलाई ओतप्रोत गर्दछ । कुनै दिन मलाई नेपालमा बसोबास गर्ने ईच्छा छ र हिमालको काखमा एउटा ध्यान केन्द्र स्थापना गर्ने जुन ध्यान केन्द्रमा म मेरा चेलाहरूसँग समय बिताउन पाउँ र उहाँहरूसँगै गम्भीर किसिमको ध्यान अभ्यास गर्न सकूँ ।

नेपालसँगको मेरो व्यक्तिगत आत्मीय सम्बन्ध बाहेक पनि म नेपाल सरकार र नेपाली जनताप्रति धेरै नै आभार प्रकट गर्न चाहन्छु किनकी उहाँहरूले मेरा तिब्बती मित्रहरूका लागि बस्नको सुरक्षित स्थान प्रदान गरिदिनुभयो जहाँ उनीहरूले भय र त्रासरहित वातावरणमा आफ्नो धर्म र संस्कृतिको अभ्यास गर्न पाए । यसर्थ नेपाली जनताहरूको प्रशंसामा म स्वयं पनि कुनै किसिमले आभार प्रकट गर्न चाहिरहेको छु । म स्वयं पनि एक दीक्षा प्राप्त भिक्षु हुँ, यसर्थ मैले गर्न सक्ने सबैभन्दा महत्वपूर्ण योगदान भनेकै मैले हासिल गरेको ज्ञान र धर्म नेपाली जनतासँग बाँड्नु हो ।. हाम्रो जीवन कहिलेकाँहि निकै नै कष्टमय र चुनौतिपूर्ण हुनसक्छ । यसर्थ म चाहन्छु कि नेपाली जनताहरूले आफ्नो जीवनमा आइपर्ने समस्यालाई सामना गर्ने कला सिकि जीवनलाई सुखमय बनाउन सकून् । यसका लागि भगवान् दोर्जे शुग्देनको अभ्यास निकै नै उपयुक्त छ ।

मेरा चेलाहरू र साथीहरूको सहयोगमा मैले काठमाडौंको व्यस्त क्षेत्रमा भगवान् दोर्जे शुग्देनको धर्म अभ्यास गर्ने दुईवटा पूजाघर निर्माण गरेको छु । भगवान् दोर्जे शुग्देन भगवान् श्री मञ्जुश्रीको अवतार हुनुहुन्छ, प्रज्ञाका ज्ञाता हुनुहुन्छ । नेपालको इतिहास अध्ययन गर्ने हो भने नेपालको उत्पत्ति र उहाँको सम्बन्ध महत्वपूर्ण रहेको छ ।

काठमाडौंको चाबहिलस्थित नवनिर्मित दोर्जे शुग्देन पूजाघर (शहरको केन्द्रबाट १५ मिनेट जति भित्र रहेको छ वा प्रसिद्ध बौद्ध क्षेत्रबाट १५ मिनेट जति भित्र छ ।)

कुनै समय काठमाडौं उपत्यका चारैतिर पहाडले घेरिएको र बीचमा पानी जमिएर तालको अवस्थामा रहेको विश्वास गरिन्छ । यस तालको बीचमा एउटा विशाल र प्रकाशमय कलमको फूल फुलिरहेको दृश्य मञ्जुश्रीले देख्नुभयो । यो कमलको फूल निकै नै विशिष्ट रहेको र भविष्यमा धेरै भन्दा धेरै मानिसहरूको लागि लाभदायी हुनसक्ने तथ्य अवगत गर्नुभई भगवान् मञ्जुश्रीले आफ्नो खड्गको सहारामा पानी जाने नहर निर्माण गरि यो स्थानलाई बसोबास योग्य स्थान बनाउने निर्णय गर्नुभयो । यही ताल वर्तमान समयमा काठमाडौं उपत्यकाको रूपमा प्रसिद्ध छ । यसर्थ नेपालका हिन्दु धर्मावलम्बी र बौद्ध धर्मावलम्बीहरूका जीवनसँग जसरी मञ्जुश्रीको महत्वपूर्ण योगदान जोडिएको छ,ठीक त्यहि तवरले भगवान् दोर्जे शुग्देनको अभ्यास उहाँहरूको लागि उपयुक्त रहेको र नेपालको जीवनशैलीसँग जोडिएको कुरामा म विश्वस्त छु ।

भगवान् दोर्जे शुग्देनको अभ्यासबाट हामीलाई विभिन्न प्रकारले लाभ मिल्ने गर्दछ, मुख्यतः धनप्राप्ति, सुख लाभ र सुरक्षाका साथै ज्ञान लाभ हुने गर्दछ । विधार्थी, व्यापारी, चिकित्सक, कृषक, पारिवारिक व्यक्ति, यात्री तथा भूतप्रेत आत्माबाट ग्रसित, मानसिक रोगी आदि व्यक्तिहरूका लागि उहाँको अभ्यास निकै नै लाभदायी सावित भएको छ ।(भगवान् दोर्जे शुग्देनको अभ्यासको बारेमा थप जानकारीको लागि यस बटनमा क्लिक गर्नुहोला ।)

हरेक पूजाघरमा किताब, ब्रोसर, कथा, पूजाका कार्डहरू तथा विभिन्न आकारका फ्रेमसहितका तस्विरहरू जस्तै भगवान् दोर्जे शुग्देनसँग सम्बन्धित वस्तुहरू यथेष्ट संख्यामा उपलब्ध छन् जुन निःशुल्क वितरण गर्न सकिन्छ । मानिसहरूको सुविधाका लागि यी वस्तुहरू नेपाली, हिन्दी, तिब्बती, अँग्रेजी र चिनियाँ भाषाजस्ता विभिन्न भाषामा पनि उपलब्ध गराइएका छन् । तपाईंले घाँटीमा लगाउने निःशुल्क लकेटहरू पनि पाउन सक्नुहुन्छ (वा आफ्नो ब्याज तथा पर्समा पनि राख्न सक्नुहुन्छ), धूप र सिन्दुर पनि उपलब्ध छन् । साथै तपाईं स्वयंले पनि दियो, फलफूल, माला, खादा आदि पूजाका लागि ल्याउन सक्नुहुन्छ ।

हरेक पूजाघरमा विभिन्न भाषाहरूमा लेखिएका निःशुल्क वस्तुहरू उपलब्ध रहेका छन् ।

यस पूजाघरमा पाल्नुहुने भक्तजनहरूले विभिन्न प्रकारका भेंट चढाउनु भई शक्तिशाली धनेश्वर भगवान् दोर्जे शुग्देनसँग सम्बन्ध स्थापित गर्न सक्नुहुन्छ र पूजाआजा गरि प्राप्त भएको पुण्य जतिखेर तपाईंको जीवनमा आवश्यक परेको हुन्छ त्यस समयमा सदुपयोग गर्न सक्नुहुन्छ । साथमा उहाँको मन्त्र ओम बेन्जा विकी विटाना स्वाहा जति सकिन्छ त्यति धेरै उच्चारण गर्नु पनि निकै नै लाभदायी सावित हुनेछ । तपाईंले समय मिलाउन सकेको खण्डमा उहाँको नाममा मैले लेखेको छोटो पूजामन्त्र पनि पाठ गर्न सक्नुहुन्छ ।

कुनै पनि सम्प्रदाय वा धर्मको व्यक्तिले भगवान् दोर्जे शुग्देनलाई पूजा गर्न सक्नुहुन्छ, यसको लागि बौद्ध धर्म नै अपनाउनु पर्ने वा धर्म परिवर्तन गर्नुपर्ने कुनै किसिमको बाध्यता छैन ।. बौद्ध धर्मावलम्बी होस्, हिन्दु धर्मावलम्बी होस् वा अन्य कुनै धर्म अपनाउने व्यक्ति होस्, भगवान् दोर्जे शुग्देनले सबै भक्तजनलाई सहयोग गर्नुहुन्छ । मात्र यही हो कि हाम्रो मन सफा हुनुपर्यो र हामीमा दया हुनुपर्यो । उहाँले हाम्रो विन्ति सुन्नुहुन्छ र हामीलाई सहयोग गर्नुहुन्छ । पवित्र आत्मा र दैविक शक्तिले हामीलाई आशीर्वाद प्रदान गर्नुहुन्छ, उहाँहरूले हामीले कुन धर्म मान्छौँ भन्ने कुरासँग केही सरोकार हुँदैन । पवित्र आत्मा, दैविक शक्ति, बुद्धहरू हामी साधारण मानिसहरूको विचार र बाधाभन्दा धेरै अपार हुनुहुन्छ । उहाँहरू कुनै प्रकारको धर्मभन्दा पनि माथि र मुक्त हुनुहुन्छ, यसर्थ जब जब हामी जस्ता साधारण मानिसहरूले उहाँहरूलाई पुजा गरि सम्बन्ध स्थापित गर्ने प्रयास गर्दछौँ तब तब उहाँहरूले हामीलाई उपकार गर्नुहुन्छ । यदि कसैले तपाईंलाई उहाँहरूको धर्म स्वीकार नगरेसम्म वा उहाँहरूको देवतालाई पूजा नगरेसम्म उहाँहरूको देवताले सहयोग गर्नुहुन्न भन्नुहुन्छ भने उहाँहरूको सिमित स्वार्थको लागि तपाईंलाई विचलित गरिरहेको सम्झनुपर्दछ किनकी देवताहरू वा देवत्व भनेको पूर्वाग्रह रहित, भेदभाव रहित, संकुचित मनोभाव नभएको तथा कसैलाई घृणा नगर्ने स्वभावका हुनुहुन्छ । यदि कसैले उहाँहरूको देवता, बुद्ध वा दैविक शक्तिले उहाँहरूको धर्म स्वीकार गरेपछि मात्रै सहयोग गर्दछ भनि धारणा राख्दछ भने किन त्यस प्रकारका संकुचित धारणा भएका देवताहरूको पूजा किन गर्ने ?

तपाईंलाई यदि कसैले एउटा धर्म अर्को धर्मभन्दा महान् छ वा भनौं उहाँहरूको धर्ममा नलागिकन तपाईंलाई सुरक्षा प्राप्त हुँदैन भन्छ भने त्यस्तो धर्म बुद्ध वा कुनै देवताले बनाएको होइन बरु केही त्यस्ता सिमित व्यक्तिहरू जसले हामीलाई डरको आडमा उनीहरूको वस वा शक्तिमा पार्न वा कुनै किसिमको स्वार्थ लाभ गर्न वा त्यस्तै धर्मगुरू बीचको अहम् भावनाका कारण त्यसरी भनिएको कुरा हो भनेर बुझ्नुपर्दछ । यदि ती धर्मगुरूहरूले तपाईंलाई उहाँको धर्ममा आउनुपर्दछ वा तपाईंको धर्म निचस्तरको छ भन्छ भने उनीहरुले तपाईंको धर्म, संस्कृति, समुदायलाई अपहेलना गरेको सम्झनुपर्दछ । त्यतिमात्रै होइन सयौँ वर्षदेखि तपाईंको धर्मप्रति आस्था राख्दै आउनु भएका पूर्वजहरू र उहाँहरूले लाभ गरेका उपलब्धिमाथि नै प्रश्न गरेको सम्झनुपर्दछ । उनीहरूको अनुसार हाम्रा सम्पूर्ण पूर्वजहरू उनीहरूले बताएका धर्मको बाटोमा नलागेका कारण नर्कमा गएका हुन् त ? हरेक व्यक्तिले आफ्नो धर्म अपनाउने छुट्टै मौलिक पथ र संस्कार हुनुपर्दछ र कसैले पनि कसैको धर्ममाथि अपहेलना गर्न मिल्दैन । कसैले पनि कसैको आध्यात्मिक अभ्यासमाथि आलोचना गर्न मिल्दैन । हरेक धर्ममा आफ्नै प्रकारको लाभ हुने गर्दछ र कुन धर्म अपनाउने भन्ने कुरा कोही पनि मानिसको व्यक्तिगत हक अधिकार हो ।

साँच्चिकै धार्मिक मानिस त दयावान, करूणावान, समझदार तथा हरेक धर्मका मानिसहरूलाई माया गर्ने स्वभावका हुन्छन् । कुनै कुनै सम्प्रदायका धर्मगुरूहरूले उहाँहरूको धर्म पालना नगरेको खण्डमा नर्कमा जाने त्रास समेत पनि देखाउँछन् । यो कुरामा पनि अलिकति पनि सत्यता छैन । कति धर्महरू त त्यस्तै ५०० वा १००० वर्ष अघि मात्रै देखा परेका हुन् । ती धर्म उत्पत्ति हुनुभन्दा पहिले मानिसहरू मरेपछि कता गए होलान् त ? मृत्युपछि हामी कता जान्छौं भन्ने कुरो त मानिसले कस्तो किसिमको कर्म गरे भन्ने कुरामा भर पर्दछ, त्यो व्यक्तिले कुन धर्म अपनाउँछ भन्ने कुरामा भर पर्दैन । नेपालका वासिन्दाहरू त सबै धर्मलाई आदरसत्कार गर्छन् र सबैका आ—आफ्नै किसिमको विकसित संस्कार रहेका छन् । यो संस्कारलाई आदर र संरक्षण गर्नुपर्दछ । दोर्जे शुग्देन आफै पनि भगवान् मञ्जुश्रीको अवतार हुनुहुन्छ र उहाँले हामीलाई कुनै पनि धर्ममा परिवर्तन हुनको लागि निर्देशन गर्नुहुन्न । उहाँ करूणावान हुनुहुन्छ र सबैले उहाँलाई पूजा गर्न मिल्छ । दोर्जे शुग्देनले हामी सबैलाई समान रूपमा विना भेदभाव सहयोग गर्नुहुन्छ । हामीले कुन धर्म मान्छौँ, कुन जातको हौँ, महिला हौँ कि पुरूष, गरिव हौँ कि धनि, केही कुराले पनि उहाँलाई फरक पार्दैन । श्रद्धाका साथ म दोर्जे शुग्देनको रक्षामन्त्र, आशीर्वाद, अभ्यास तथा वंशजलाई नेपालमा विद्यमान आध्यात्मिकताको अंगको रूपमा प्रस्तुत गर्न चाहन्छु । भएका अभ्यासहरूलाई विस्थापित गर्ने उद्देश्यले होइन । दोर्जे शुग्देनको अभ्यासबाट व्यक्तिगत रूपमा मलाई ठूलो लाभ प्राप्त भएको छ र त्यहि कुरा म तपाईंहरूसँग बाँड्न चाहन्छु । नेपालीहरू मात्र होइन सबै धर्मका सबै मानिसहरूले आफूले गर्दै आएका अभ्यासहरूसँगै दोर्जे शुग्देनको विशेष प्रकारको प्रार्थना वा मन्त्रलाई पनि जप्न सकिन्छ । मेरा पूजनीय गुरूवरले मलाई भलो गर्नका लागि ३० वर्ष अघि दोर्जे शुग्देनको अभ्यास मलाई दिनुभयो र यो अभ्यासलाई अझ दिगो तथा धेरै भन्दा धेरै मानिसहरूसँग अभ्यास गरि म मेरा गुरूप्रति आदर प्रकट गर्न चाहन्छु । यो उहाँले मलाई दिनुभएको निर्देशन हो र उहाँलाई राम्रोसँग थाहा थियो कि मैले अरूहरूसँग यो बाँड्नेछु । हामीले सबै धर्मप्रति आदर गर्ने र कसैको धर्मप्रति भेदभाव नगर्ने समय आएको छ । तपाईंको भलो होस् भन्ने कामना गर्न चाहन्छु ।

मैले विगतमा थुप्रै मानिसहरूसँग भगवान् दोर्जे शुग्देनको अभ्यास बाँडेको छु र थुप्रै मानिसहरूले अद्भूत खालको सहयोग प्राप्त गरेको तथा विशेष प्रकारको संकेत पाएको कुरा बताएका छन् । उहाँहरू मध्ये धेरैजना आफूले प्राप्त गरेको दैविक सहयोगको स्मरणमा आभारीपूर्वक पूजाघरको सरसफाई गर्न, निःशुल्क वितरण गरिने वस्तुहरूको प्रकाशनका लागि आर्थिक सहयोग गर्न तथा पूजाघरको अस्तित्वबारे प्रचारप्रसार गरि सचेतना फैलाउन सहयोग गर्नुभएको छ । यसर्थ जब तपाईं काठमाडौंमा पुग्नुहुन्छ, कृपया कुनै एउटा (वा दुईवटै) पूजाघर भ्रमण गर्नका लागि अनुरोध गर्न चाहन्छु । तपाईंले भगवान् दोर्जे शुग्देनसँग आत्मीय सम्बन्ध स्थापना गर्न खोज्नु भएको खबर सुन्न पाउँदा म धेरै धेरै नै प्रसन्न हुनेछु ।

सन् २००८ मा मेरा चेलाहरूसँगै म नेपालमा धर्मयात्रामा हिँडेको थिएँ । यो तस्विर पशुपतिनाथस्थित नरोपा र तिलोपाको गुफा बाहिर खिचिएको थियो । यस पवित्रस्थानमा म पूजा गर्दै थिएँ ।

दयालु तथा दानवीर दाताहरू, निकै नै मिहिनेती चेलाहरूलाई म धेरै धरै धन्यवाद ज्ञापन गर्न चाहन्छु । साथमा विशेष धन्यवाद उहाँ महानुभावहरूलाई दिन चाहन्छु जसको सहयोग र साथ प्राप्त गरि काठमाडौंमा यी दुईवटा पूजाघर निर्माण कार्य सम्भव भयो । भित्रि हृदयदेखि म नेपाल सरकारको नियमकानुन प्रति आभारी हुन चाहन्छु जसले सबै प्रकारको धर्मलाई स्वीकारेको छ र विना कुनै भेदभाव श्रद्धा राख्न सिकाएको छ ।, नेपालका सम्माननीय रक्षामन्त्री भिमसेन दास प्रधानले यही कुरा काठमाडौंमा जनवरी ४—६ मा सम्पन्न दोर्जे शुग्देनका अनुयायीहरूको अन्तराष्ट्रिय बौद्ध सम्मेलनमा बताउनुभएको थियो ।

यी पूजाघरहरूलाई साकार स्वरूप दिनका लागि योजना, चन्दा संकलन, निर्माण, मर्मत तथा आयोजनामा संलग्न हुनुहुने सम्पूर्ण महानुभावहरू प्रशंसाका पात्र हुनुहुन्छ र उहाँहरूप्रति पनि म कृतज्ञता व्यक्त गर्न चाहन्छु । बुद्धले बताउनुभएका करूणाका उपदेशहरू, दानको महत्व, स्वीकार गर्ने कला तथा प्रज्ञाको महानता अरूहरूसँग बाँड्न पाउँदा तथा दोर्जे शुग्देनको अभ्यास बताउन पाउँदा म जति हर्षित हुने गर्दछु त्यति हर्षित मलाई अरू कुनै विषयले पनि पार्न सक्दैन । दोर्जे शुग्देनको अभ्यासले मानिसहरूमा एक प्रकारको आशा जाग्ने गर्दछ र थुप्रै जीवन बचाउन सफल भएको छ । म यही कामना गर्न चाहन्छु कि सबै सहभागी व्यक्तिहरूको कल्याण होस् र धेरै भन्दा धेरै मानिसहरूले भगवान् मञ्जुश्रीले रक्षकको रूपमा धारण गर्नुभएको अवतारसँग साक्षात्कार गरून् । दोर्जे शुग्देनको यो अभ्यासले सफलता प्राप्त गरोस ता कि धेरै भन्दा धेरै मानिसहरूले यसको लाभ लिन सकुन् । कृपया नेपालस्थित दोर्जे शुग्देनको पूजाघरसम्बन्धी थप जानकारी प्राप्त गर्नको लागि यो पोष्टमा नियमित रूपमा अनुगमन गरिरहनु होला ।

सबैको मंगल होस्,
छेम रिन्पोछे ।

काठमाडौंस्थित पुतलीसडकमा रहेको दोर्जे शुग्देनको पूजाघर

मैले सन् २०१६ मा काठमाडौंमा स्थापना गरेको भगवान् दोर्जे शुग्देनको यो पहिलो पूजाघर हो । अहिलेसम्ममा थुप्रै मानिसहरूले यस स्थानको भ्रमण गरि दोर्जे शुग्देनको अभ्यास तथा प्रार्थना गरेका छन् र उहाँहरूको समस्याको समाधान पनि भएका छन् । यस स्थानको रक्षा गर्नुहुने महिलालाई पनि म धेरै धन्यवाद दिन चाहन्छु । उहाँ निकै नै ठूलो सहायता सावित हुनुभएको छ । यस पूजाघरको भिडियो अवलोकन गर्नुहोला ।

ठेगाना:
डिल्लीबजार वडा नं. ५
पुतलीसडक चोक
काठमाडौं, नेपाल ।

स्थान पिन:
goo.gl/maps/o3vkTg1BHNx

काठमाडौंस्थित पुतलीसडकमा रहेको दोर्जे शुग्देनको पूजाघरको स्थान । तस्विरलाई ठूलो पार्न क्लिक गर्नुहोला ।

काठमाडौंस्थित पुतलीसडकमा रहेको दोर्जे शुग्देनको पूजाघरको बाहिरी दृश्य । यस स्थानका स्थानीय बासिन्दा दैनिक रूपमा पूजाघरको भ्रमण गरि पूजा गर्ने गरेको बताए ।

काठमाडौंस्थित पुतलीसडकमा रहेको पूजाघरमा भगवान् दोर्जे शुग्देनको नवनिर्मित ३ फिट अग्लो मूर्ति । यी पूजाघरको लागि धेरै मानिसले हामीलाई धन्यवाद ज्ञापन गरेका छन् । स्थानीय ढाँचासँग मिल्ने गरि यी पूजाघरहरूको संरचना निर्माण गरिएका छन् ता कि यी पूजाघरप्रति उहाँहरूको आत्मीयपन विकास होस् । स्थानीय वासिन्दाले प्रशंसाका साथ स्वीकारेका छन् ।

मञ्जुश्रीको अवतारका रूपमा रहेका दर्शनीय दोर्जे शुग्देनको मूर्तिको नजिकबाट तस्विर ।

नेपाली भाषा र हिन्दी भाषामा दोर्जे शुग्देनको सामाग्री (एउटा बुकलेट, ब्रोसर, लकेट, ८आर को प्रार्थना कार्ड र ५आर को प्रार्थना कार्ड) निःशुल्क रूपमा उपलब्ध रहेका छन् ।

दोर्जे शुग्देनको सामाग्री अँग्रेजी भाषामा पनि निःशुल्क उपलब्ध रहेका छन् ।

काठमाडौंस्थित चाबहिलमा रहेको दोर्जे शुग्देनको पूजाघर

अनुशीर्षक: सन् २०१८ मा स्थापित चाबहिलस्थित भगवान् दोर्जे शुग्देनको यो पूजाघर काठमाडौंभरिकै एकदमै भिड हुने स्थानहरूमध्येमा एक रहेको छ जुन दृश्य माथिको भिडियोमा देख्न सकिन्छ । हजारौं मानिसहरू प्रत्येक दिन पूजाघर हुँदै आहोरदोहोर गर्दछन् । थुप्रै मानिसहरूले भगवान् दोर्जे शुग्देनको अभ्यासको बारेमा थाहा पाउनु मेरो लागि निकै नै हर्षको कुरा हो ।

ठेगाना:
चाबहिल वडा नं. ७
चाबहिल चोक
काठमाडौं, नेपाल ।

स्थान पिन:
goo.gl/maps/u76LNqUmjvE2

काठमाडौंस्थित चाबहिलमा रहेको दोर्जे शुग्देनको पूजाघर भएको स्थान । ठूलो पार्नको लागि तस्विरमा क्लिक गर्नुहोस् ।

काठमाडौंस्थित चावहिलमा रहेको दोर्जे शुग्देनको पूजाघरको बाहिरी भाग

चाबहिलको निकै नै भिड हुने स्थानमा दोर्जे शुग्देनको यो पूजाघर रहेको छ । दैनिक रूपमा हजारौं मानिसहरू यो पूजाघर हुँदै ओहोरदोहोर गर्दछन् ।

चाबहिलमा रहेको दोर्जे शुग्देनको पूजाघरको बाहिरी दृश्य

दोर्जे शुग्देनको आशीर्वाद प्राप्त गरि नेपालका सबै दाजुभाईहरू सुखीपूर्वक रहून् ।

अलौकिक दोर्जे शुग्देनको मूर्तिको नजिकैबाट एक झलक

हिन्दी भाषामा उपलब्ध दोर्जे शुग्देनको सामाग्री

तिब्बती भाषामा उपलब्ध दोर्जे शुग्देनको सामाग्री

नेपाली भाषामा उपलब्ध दोर्जे शुग्देनको सामाग्री

चिनियाँ भाषामा उपलब्ध दोर्जे शुग्देनको सामाग्री

अँग्रेजी भाषामा उपलब्ध दोर्जे शुग्दनेको सामाग्री र मानिसहरूले घरमा लान मिल्ने गरि फ्रेम गरिएको तस्विर

तमिल भाषामा उपलब्ध दोर्जे शुग्देनको सामाग्री

मानिसहरूले घरमा लान मिल्ने गरि फ्रेम गरिएको दोर्जे शुग्देनको तस्विर

चावहिलस्थित दोर्जे शुग्देनको पूजाघरमा देखिने सडकको दृश्य

थप विस्तृत जानकारीका लागि:

• दोर्जे शुग्देनको उदाहरणीय कथाहरु र सजीब उपन्यास
• तिम्रो मस्तिष्कको भूमि
• एक असल साथी
• शुभ मंगोलियन साइतहरू
• तपाईं धर्म निरपेक्ष वा आध्यात्मिक हुनुहुन्छ?
• दोर्जे शुग्देन : हाम्रा व्यक्तिगत कथाहरू
• कसरी तिब्बती नेतृत्वले प्रायोजकलाई व्यवहार गर्दछन् (जिन्दक)
• ट्रोडेखाङसार –४०० बर्ष पुरानो दोर्जे शुग्देनको पुजाघर, ल्हासामा
• ईश्वरीयता (ईश्वर) लाई पुकार्नु
• मित्रले नेपालीमा भगवान दोर्जे शुग्देनका बारेमा सिकाउनुहुन्छ ।

Please support us so that we can continue to bring you more Dharma:

If you are in the United States, please note that your offerings and contributions are tax deductible. ~ the tsemrinpoche.com blog team